Dieqo Armando Maradona

Vikipediya, azad ensiklopediya
(Dieqo Maradona səhifəsindən istiqamətləndirilmişdir)
Jump to navigation Jump to search
Dieqo Maradona
Diego Maradona 2012.jpg
Ümumi məlumatlar
Tam adı Dieqo Armando Maradona
Ləqəbi Tüklücə, Qızıl oğlan, Onluq, Ulduz çəlləyi, Futbol Mikelancelosu
Doğum tarixi 30 oktyabr 1960 (1960-10-30) (58 yaş)
Doğum yeri Lanus, Argentina
Vətəndaşlığı Argentina Argentina
Boyu 167 sm
Çəkisi 70 kq
Mövqeyi hücuma meyilli yarımmüdafiəçi
hücumçu
Əsas ayağı sol
Komanda haqqında məlumat
Komanda komandasız
Karyerası
Həvəskar karyerası
1970—1976 Argentina Arxentinos Xuniors
Peşəkar karyerası[* 1]
1976—1981 Argentina Arxentinos Xuniors 166 (116)
1981—1982 Argentina Boka Xuniors 42 (28)
1982—1984 İspaniya Barselona 36 (22)
1984—1991 İtaliya Napoli 188 (81)
1992—1993 İspaniya Sevilya 26 (5)
1993 Argentina Nyuells Old Boyz 5 (0)
1995—1997 Argentina Boka Xuniors 30 (7)
1976—1997 Cəmi 492 (258)
Milli yığma[* 2]
1977—1979 Argentina Argentina (20 yaşlılar) 24 (13)
1977—1994 Argentina Argentina 91 (34)
Məşqçisi olduğu klublar
1994 Argentina Mandiyu
1995 Argentina Rasinq Avelyaneda
2008—2010 Argentina Argentina
2011—2012 Birləşmiş Ərəb Əmirlikləri Əl-Vəsl
Təltif və medalları
Dünya çempionatları
Qızıl Meksika 1986
Gümüş İtaliya 1990
Amerika kuboku
Bürünc Braziliya 1989

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.
  2. Rəsmi oyunlarda milli yığmanın heyətində keçirdiyi oyunların və vurduğu qolların sayı.
Commons-logo.svg Vikianbarda əlaqəli mediafayllar

Dieqo Armando Maradona (30 oktyabr 1960(1960-10-30)[1][2], Lanus[d], Buenos-Ayres əyaləti[d]) — futbolçu.

Həyatı[redaktə | əsas redaktə]

Dieqo Armando Maradona 1960-cı il oktyabr ayının 30-da Argentinanın Villa Fiorito şəhərində anadan olub.

Karyerası[redaktə | əsas redaktə]

Onun futbol həyatı 10 yaşında Qoyo Karrizo adlı dostu vasitəsilə o vaxtlar "Los Kebollitas" komandasının baş məşqçisi olmuş Fransis Korneho ilə tanış olmasından sonra başlanıb.

"Los Kobollitas" onun çıxış etdiyi müddətdə 136 oyunun heç birində uduzmayıb. 1976-cı ildə "Argentinos Xuniors" klubunda ölkə çempionatı matçına çıxan Maradona 1979-cu ildə keçirilən gənclər arasında dünya çempionatına qatılıb.

O, 1982-ci ildə o dövr üçün rekord məbləğə – 4 milyon dollara İspaniya "Barselona"sına transfer olub. İki il sonra İtaliya "Napoli"sinə keçən Maradona Neapolda 1991-ci ilədək qalıb. O, Argentina millisinin şərəfini qoruduğu 91 matçda 34 qol vurub.

1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əllə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə İtaliya çempionatı matçından sonra dopinq-testdən keçən Maradonanın kokain qəbul etdiyi aşkarlanıb. İki il sonra İspaniya "Sevilya"sına transfer olan futbolçu 1994-cü il dünya çempionatında forma geyib. Lakin onun yenə qadağan olunmuş dərman preparatı qəbul etdiyi ortaya çıxdığından, 15 aylıq diskvalifikasiya olunaraq, yarışdan kənarlaşdırılıb.

Cəzalı olduğu müddətdə o, vətənində "Deportivo Mandiyu" və "Rasinq" klublarında baş məşqçi kimi çalışıb, diskvalifikasiyası başa çatdıqdan sonra isə o, "Boka Huniors"a qayıdıb. Lakin kokain aludəçiliyindən qurtula bilməməsi üzündən 1997-ci ildə futbolçu karyerasını başa vurub.

Eniş-çıxışlarla, qalmaqallarla zəngin həyatına baxmayaraq, Maradona 2000-ci ildə FİFA tərəfindən braziliyalı Pele ilə birgə XX əsrin ən yaxşı futbolçusu seçilib. Lakin o, təntənəli mərasimdə öz mükafatını aldıqdan sonra Pelenin də təltif olunmasını gözləmədən zalı tərk edib. O, ertəsi gün verdiyi açıqlamada yalnız özünü dünyanın ən yaxşı futbolçusu hesab etdiyi üçün belə addım atdığını bildirib.

Pele isə Maradonanın Argentina millisinə baş məşqçi təyin olunmasını belə şərh edib: "Güclü və əfsanəvi futbolçular baş məşqçilikdə bir o qədər zəifdirlər".

Uğurları[redaktə | əsas redaktə]

Argentina Milli futbol komandasının heyətində 1986-cı ildə futbol üzrə dünya çempionatının qızıl, 1990-cı ildə isə gümüş medallarını qazanıb.

İstinadlar[redaktə | əsas redaktə]

Vikisitatda Dieqo Armando Maradona ilə əlaqəli məlumatlar var.