Differdanj 03 FK

Vikipediya, açıq ensiklopediya
Keçid et: naviqasiya, axtar
Differdanj 03

"Differdanj 03"Lüksemburqun futbol klubu.

Tarixi[redaktə | əsas redaktə]

Klubun yaranma tarixi 2003-cü il hesab edilir[1]. Həmin vaxt klub iki komandanın birləşməsi nəticəsində fəaliyyətə başlayıb. Belə ki, 2003-cü ildə "Red Boys Differdanj"la "AS Differdanj" birləşəndə birincilər II, ikincilər isə III liqada mübarizə aparırdılar[1]. İki klubun birləşməsindən əvvəl isə "Red Boys Differdanj" 6 dəfə ölkə çempionu olmuş, 15 dəfə də kuboku qazanmışdır[1].

2003/2004 mövsümündən Lüksemburqun II divizionunda mübarizəyə başlayan "Differdanj 03" iki il sonra çempion kimi elitaya vəsiqə əldə edib[1].

Uğurları[redaktə | əsas redaktə]

2008/2009 və 2014/2015 mövsümlərində Lüksemburq çempionatının gümüş medalını qazanan komanda 4 dəfə də – 2009/2010, 2010/2011, 2013/2014, 2014/2015 mövsümlərində ölkə kubokunun qalibi olub[1].

UEFA turnirlərində[redaktə | əsas redaktə]

2007-ci ildən avrokuboklarda çıxış etməyə başlayan "qırmızı-qaralar" 2009/2010 mövsümündən bəri Avropa arenasında müntəzəm çıxış edir[1]. Bu müddətdə onlar bir dəfə UEFA Avropa Liqasında pley-off mərhələsinə qədər irəliləyiblər[1]. Belə ki, 2011/2012 mövsümündə "Levadiya"nı mübarizədən kənarlaşdırıb, "Olimpiakos"a hər iki oyunda 0:3 hesabları ilə məğlub olsa da, rəqibi danışılmış oyunlar səbəbindən turnirdən kənarlaşdırıldığından lüksemburqlular pley-off mərhələsinə vəsiqə qazanaraq, bu mərhələdə də PSJ-yə məğlub olublar.

2013/2014 mövsümündə Avroliqanın III təsnifat mərhələsinə qədər "Laçi" və "Utrext"i üstələyiblər[1].

Baş məşqçisi[redaktə | əsas redaktə]

Klubu fransalı Paskal Karzaniqa çalışdırır[1].

Stadionu[redaktə | əsas redaktə]

Klub ev oyunlarını 2400 tamaşaçı tutumuna malik olan "Munisipial de la Ville" stadionunda keçirir[1].

Heyəti[redaktə | əsas redaktə]

Komandanın heyətində 24 futbolçu var ki, onlardan 8-i əcnəbidi[1]. Belə ki, Fransadan 6, Tunis və Belçikadan isə 1 oyunçu "Differdanj 03"ün formasını geyinir[1].

İstinadlar[redaktə | əsas redaktə]