Dilarə Əliyeva (filoloq)

Dilarə Əliyeva
Dilarə Əliyeva
Doğum tarixi	14 dekabr 1929
Doğum yeri	Tiflis, Gürcüstan SSR, ZSFSR, SSRİ;
Vəfat tarixi	19 aprel 1991 (61 yaşında)
Vəfat yeri	Qax rayonu, Azərbaycan Respublikası, SSRİ;
Vəfat səbəbi	yol-nəqliyyat hadisəsi
Dəfn yeri	Birinci Fəxri Xiyaban;
Vətəndaşlığı	SSRİ
Elm sahəsi	ədəbiyyatşünaslıq
Elmi dərəcəsi	filologiya elmləri doktoru;
İş yerləri	Nizami Gəncəvi adına Ədəbiyyat İnstitutu,; Nizami Gəncəvi adına Milli Azərbaycan Ədəbiyyatı Muzeyi;
Təhsili	BDU Şərqşünaslıq fakültəsi;
	Vikianbarda əlaqəli mediafayllar

Dilarə Ələkbər qızı Əliyeva (14 dekabr 1929, Tiflis – 19 aprel 1991^[1], Qax rayonu) — ədəbiyyatşünas, tərcüməçi, 1960-cı ildən Azərbaycan Yazıçılar Birliyinin üzvü, Gürcüstan SSR əməkdar mədəniyyət işçisi, filologiya elmləri doktoru, 1988-ci ildən Azərbaycan Xalq Hərəkatının fəal iştirakçısı, Azərbaycan Respublikası Ali Sovetinin XII çağırış deputatı (1991).

Həyatı

Dilarə Əliyeva 1929-cu il dekabrın 14-də Tbilisi şəhərində dəmirçi ailəsində anadan olmuşdur.

Tbilisidəki azərbaycandilli 97 nömrəli orta məktəbi bitirdikdən sonra ADU-nun Şərqşünaslıq fakültəsində təhsil almışdır. Azərbaycan SSR EA Nizami adına Dil və Ədəbiyyat İnstitutunun aspiranturasına daxil olandan sonra Gürcüstan SSR EA-nın Şota Rustaveli adına Ədəbiyyat İnstitutuna ezam edilmişdir. Burada rus dilində "Azərbaycan-gürcü ədəbi əlaqələrinin XIX əsr ədəbiyyatında inikası" mövzusunda namizədlik dissertasiyasını işləmiş, 1954-cü ildə müdafiə etmişdir.

Azərbaycan EA Nizami adına Dil və Ədəbiyyat İnstitutunda kiçik elmi işçi, Nizami adına Ədəbiyyat Muzeyində baş elmi işçi, muzeyin qədim və orta əsrlər ədəbiyyatı şöbəsində müdir, sonra Nizami adına Ədəbiyyat İnstitutunun ədəbi əlaqələr şöbəsində böyük elmi işçi, nizamişünaslıq şöbəsində böyük elmi işçi, institutun ədəbi əlaqələr şöbəsində aparıcı elmi işçi olmuş, eyni zamanda bölmə müdiri kimi çalışmışdır. 1984-cü ildə rus dilində "Nizami və gürcü ədəbiyyatı" mövzusunda doktorluq dissertasiyasını müdafiə etmişdir.^[2]

1988-ci ildə Ermənistanın Qarabağ torpaqlarına iddiası ilə əlaqədar başlayan Azərbaycan Xalq Hərəkatının fəal iştirakçısı olmuş, AXC İdarə Heyətinin üzvü seçilmişdir.

1991-ci il aprelin 19-da müəmmalı avtomobil qəzasında Aydın Məmmədov ilə birgə faciəli şəkildə həlak olmuşdur. Bakıda Fəxri Xiyabanda dəfn edilmişdir.

Dilarə Əliyeva Azərbaycan Qadın Hüquqlarını Müdafiə Cəmiyyətinin qurucularından və rəhbərlərindən biri olmuşdur. Hazırda qadın hüquqlarının müdafiəsi ilə məşğul olan ictimai birlik və Bakıda bir küçə onun adını daşıyır.

Əsərləri

Из истории азербайджанско-грузинских литературных связей (Azərbaycan-gürcü ədəbi əlaqələri tarixindən). Bakı: Azərbaycan SSR EA nəşriyyatı, 1958, 174 səh;
Ürək bir, dilək bir. Bakı: Yazıçı, 1981, 217 səh.

Tərcümələri

Gürcücədən

Qardaşlar (hekayələr). Bakı: Azərnəşr, 1972, 122 səh;
Bir gecənin sevinci (hekayələr). Bakı: Gənclik, 1977, 82 səh;
Arçil Sulakauri. Aşağı-yuxarı (povest və hekayələr). Bakı: 1978, 185 səh;
Mixail Cavaxişvili. Torpaq çəkir. Bakı: Yazıçı, 1980, 248 səh. (şərikli);
İlya Çavçavadze. Dilənçinin hekayəti. Bakı: Yazıçı, 1987, 151 səh;
Kür Xəzərə qovuşur (gürcü ədəbiyyatından seçmələr). Bakı: Yazıçı, 1988, 383 səh. (şərikli).

İstinadlar

1 2 საქართველოს ბიოგრაფიული ლექსიკონი (gürc.). (İstifadə tarixi: 21 mart 2018).
↑ "Алиева, Дилара Алекперовна. Низами и грузинская литература : диссертация ... доктора филологических наук : 10.01.03. - Баку, 1984. - 339 c. : ил". 1 aprel 2022 tarixində arxivləşdirilib. İstifadə tarixi: 1 aprel 2022.

Mənbə

Dilarə Əliyeva Arxivləşdirilib 2016-03-04 at the Wayback Machine

[_9593892b7239f9cd-1] 1 2 საქართველოს ბიოგრაფიული ლექსიკონი (gürc.). (İstifadə tarixi: 21 mart 2018).

[2] "Алиева, Дилара Алекперовна. Низами и грузинская литература : диссертация ... доктора филологических наук : 10.01.03. - Баку, 1984. - 339 c. : ил". 1 aprel 2022 tarixində arxivləşdirilib. İstifadə tarixi: 1 aprel 2022.

[1]

[2]