Dilarə Kazımova

Vikipediya, azad ensiklopediya
Naviqasiyaya keçin Axtarışa keçin
Dilarə Kazımova
2022-ci ildəki fotossesiyasından
2022-ci ildəki fotossesiyasından
Ümumi məlumatlar
Ləqəbi Delya
Doğum tarixi (39 yaş)
Doğum yeri Bakı, Azərbaycan SSR, SSRİ
Vətəndaşlığı Azərbaycan Azərbaycan
Milliyyəti azərbaycanlı
Musiqiçi məlumatları
Fəaliyyəti müğənni, aktrisa, bəstəkar, mahnı müəllifi[d], söz yazıçısı[d]
Fəaliyyət illəri 2004-cü ildən
Janrlar caz, rok, pop
Albom şirkəti BEAT Music
Əlaqələri Unformal, Milk & Kisses
Təhsili
Üzvlüyü
dilara.eurovisiontalents.com
Vikianbarın loqosu Vikianbarda əlaqəli mediafayllar

Dilarə Kazımova (d. 20 may 1984, Bakı, Azərbaycan SSR, SSRİ) — azərbaycanlı müğənni, aktrisa, mahnı sözü yazan, bəstəkar, "Woman", "Unformal", "Milk & Kisses" qruplarının keçmiş üzvü, 2014 Avroviziya Mahnı Müsabiqəsində Azərbaycanın təmsilçisi.

Həyatı[redaktə | mənbəni redaktə et]

Dilarə Kazımova 20 may 1984-cü ildə Bakıda anadan olmuşdur. Ailənin ikinci övladıdır. Özündən 7 yaş böyük bir bacısı var. Dilarə Kazımova 2001-ci ildə Respublika İncəsənət Gimnaziyasından məzun olmuşdur. 2002-2006-cı illərdə Üzeyir Hacıbəyli adına Bakı Musiqi Akademiyasına daxil olmuş və opera vokalı ixtisası üzrə təhsil almışdır.[1]

2015[2]-2016-cı illərdə Türkiyə vətəndaşı Mərt Aslanla ailəli olmuşdur.[3]Heyvanları sevir və prinsipial olaraq xəz geyinmir.[4]

Fəaliyyəti[redaktə | mənbəni redaktə et]

İlk öncə "Woman" qrupunun tərkibində səhnə almışdır. Qadınlardan ibarət qrupla səhnə alan ifaçı, 2004-cü ildə "Sing Your Song 2" mahnı müsabiqəsinə qatılmış və "Unformal" qrupu ilə "Cherry" adlı dueti ifa etmişdir. Uğurlu işbirliyindən sonra ifaçı "Unformal" rok qrupunun solisti kimi fəaliyyətini davam etdirmişdir. Finalı Heydər Əliyev Sarayında keçirilən "Sing Your Song 2" mahnı yarışmasında ifaçı üzvü olduğu "Unformal" qrupu ilə birlikdə ikinci olmuşdur. 2006-cı ildə "Çalış, nəfəs alma" filmində baş rollarını paylaşdığı Xalq artisti Fəxrəddin Manafovla birlikdə kamera qarşısına keçmişdir. Film İtaliyada keçirilən “Salento Finibus Terrae” beynəlxalq qısametrajlı filmlər festivalının mükafatçılarından biri olmuşdur. "Unformal" qrupunun tərkibində 2007-ci ildə "Sirat Körpüsü" filminin əsas mahnı mövzusu olan "Sonsuz Yol" mahnısını təqdim etmişdir.

Dilarə Kazımova ilk dəfə 2008-ci ildə Avroviziya Mahnı Müsabiqəsinin milli seçim turlarının iştirakçısı olmuşdur. "Unformal" qrupunun tərkibində milli seçimlərin final mərhələsini ikinci yerdə başa vurmuşdur.[5] İkinci dəfə 2010-cu ildə Avroviziya seçim turlarına qatılmışdır. Bu dəfə "Milk and Kisses" qrupunun solisti kimi seçim turunda iştirak etmiş və yenə də ikinci olmuşdur. Elə həmin il Dilarə Latviyanın Yurmala şəhərində keçirilən "Yeni Dalğa 2010" müsabiqəsinin laureatı olmuşdur.[5] Müsabiqədə "Getmə, getmə, gəl" mahnısını ifa etmişdir. 2010-cu ildə Azərbaycan, Bolqarıstan və Rusiyanın ortaq istehsalı olan "Qardaşımdan yaxşısı yox idi" filmində rol almışdır.

2012-ci ildə Orkhan Zeynallı ilə "Doğma Mahnılar" adlı duetini təqdim etmişdir.

2013-cü ildə "Мысли" adlı sinqlı təqdim etmişdir. Mahnının musiqisi Emin Kərimiyə, sözləri Riyad Əliyevə aiddir.

Dilarə 2014-cü ildə də Azərbaycanı təmsil etmək üçün Avroviziya seçim turlarında iştirak etmişdir. O, milli seçim turu olan "Böyük Səhnə" layihəsinin qalibi olmuş və Azərbaycanı Avroviziyada təmsil etmək hüququ qazanmışdır.[6] Dilarə mayın 6-da Danimarkanın paytaxtı Kopenhagendə keçirilmiş I yarımfinal mərhələsində 8-ci nömrə altında "Start a Fire" (azərb. Bir qığılcım‎) mahnısını ifa etmişdir. İfaçı Azərbaycanı müsabiqədə təmsil etdiyi mahınını öz dilimizdə "Bir qığılcım", türk dilində isə "Alev Gibi" adı ilə də təqdim etmişdir. Dilarə həmçinin 2014-cü ildə Ukraynada keçirilən Səs (ukr. Голос країни) müsabiqəsinə qatılmış və ilk mərhələni uğurla keçmişdir. Müsabiqədə Svyatoslav Vakarçukun komandasında yarışmışdır.[6] 2014-cü ildə Okean Elzı qrupunun Bakıdakı "Yaşıl teatr"-dakı solo konsertində səhnə almışdır. Konsertdə qrupun üzvü Svyatoslav Vakarçuk ilə "Susie" duetini təqdim etmişdir.

2015-ci ildə " 4.1 şəhər motivləri" və ya digər adıyla "Dmitrov küçəsi 86" filmində rol almışdır. 2015-ci ildə Xocalı faciəsinin 23-cü anım günü münasibətilə Türkiyənin məşhur "Şeffaf Oda" adlı televiziya verlişində qonaq olmuş və "Laçın" xalq mahnısını səsləndirmişdir. [7] 26-28 fevral 2015-ci ildə İstanbulda keçirilən “Gözü yaşlı Xocalım” sərgisində səhnə almışdır. Sərginin açılışı zamanı Alessandro Safina ilə birlikdə “Sarı gəlin” mahnısını ifa etmişdir. İfaçı sərgidə daha sonra Məryəm Əzizlinin müşayəti ilə "Laçın" xalq mahnısını səsləndirmişdir. 24 dekabr 2015-ci ildə "Running" albomunu təqdim etmişdir. Albomun adını daşıyan "Running" mahnısına klipi Qmemmy mükafatına namizəd olmuş ukraynalı rejissor Tanu Muino lentə almışdır.

2016-cı ildə Ukraynada keçirilən "Atlas Weekend" musiqi festivalında səhnə almışdır.

2017-ci ildə "Kəklikotu" filminin saundtrekti olan "Dəm olmuşam" mahnısını səsləndirmişdir. 2017-ci ildə “YARAT” Müasir İncəsənət Mərkəzində solo konsertlə çıxış etmişdir.

2018-ci ildə "613" adlı sinqlını təqdim etmişdir. Mahnı Xocalı faciəsinin 26-cı il dönümüə həsr olunmuşdur. Dilarə bu layihədə Etibar Əsədli və Sahib Əsədli ilə əməkdaşlıq etmişdir. 24 sentyabr 2018-ci ildə Gənclik Mall-da "Azərbaycan" adlı sinqlını təqdim etmişdir. [8] 2018-ci ildə Qazaxıstanın Almatı şəhərində keçirilən “Star of Asia” musiqi festivalında səhnə almışdır. 2018-ci ildə bəstəkar-müğənni Murad Arif ilə birlikdə "Yalnız Səni Gözlədim" duetini təqdim etmişdir. 2018-ci ildə Türkiyədə təqdim edilən "Qızıl Kəpənək" mükafatlandırma mərasimində "Azərbaycanın Ən Parlaq Ulduzu" kateqoriyasında namizəd olmuşdur. 2018-ci ildə sözləri Leyla Əliyevaya, musiqisi Novruz Aslanova aid olan "Не уходи" mahnısını ifa etmişdir.

2019-cu ildə təqdim olunan "Qış nağılı" komediya filmində aktrisa kimi rol almış və filmin saundtrektini səsləndirmişdir. 2019-cu ildə "Danış" sinqlını təqdim etmişdir. 2019-cu ildə "Harem" adlı sinqlını təqdim etmişdir. “Jara” Beynəlxalq Musiqi Festivalında səhnə almışdır. 2019-cu ildə Türkiyənin "Akustikhane" adlı YouTube kanalında Azərbaycan və Türk mahnılarını akustik versiyada səsləndirmişdir. 2019-cu ildə "Zeytun Bağları" markasının siması seçilmişdir və həmən il "Zeytun Bağları" sinqlını təqdim etmişdir. Klipdə Dilarənin tərəf müqabili "Best Model of Azerbaijan" və "Best Model of the World" modellik müsabiqələrinin qalibi Rüstəm Cəbrayılov olmuşdur.[9] 2019-cu ildə DJ RAFO tərəfindən remiks olunmuş "Moments (feat. Bikoo)" adlı sinqlını təqdim etmişdir. 2019-cu ildə Misirin "Şarm-əl-Şeyx" şəhərində keçirilən Beynəlxalq Asiya Film Festivalında səhnə almışdır. İfaçı festivalda "Sarı gəlin" mahnısını ifa etmişdir.

2020-ci ildə erməni hakerlərin şikayəti əsasında YouTube hesabı bağlanan ifaçı bütün arxivini yeni açdığı kanala yükləmək məcburuyyətində qalmışdır. 2020-ci ildə "İkinci Qarabağ" müharibəsində Azərbaycanın haqlı qələbəsinə həsr etdiyi "Azərbaycanım" sinqlını təqdim etmişdir.[10] 2020-ci ildə "Heç Vecimə Deyilsən", "Dəb Elə Mənəm", "Xoş Gəldin Həyatima, Mela-Melanxoliya" sinqllarını təqdim etmişdir. 2020-ci ildə ifaçının İtalyanın məşhur “Vogue” jurnalında şəkilləri dərc olunub. İfaçı məşhur “Vogue” jurnalında şəkilləri çıxan ilk azərbaycanlıdır.

2021-ci ildə söz və musiqisi Elşad Xoseyə aid olan "Əsl sevgi" mahnısı reperin özü ilə duet şəklində ifa etmişdir. 2021-ci ildə musiqisi ifaçının özünə aid olan "Ünvanımız xoşbəxtlik" sinqlını təqdim etmişdir. 2021-ci ildə "Qaralama" adlı sinqlını təqdim etmişdir. 2021-ci ilin payız ayında "Olmaram" adlı sinqlını təqdim etmişdir.

2022-ci ilin fevral ayında "Кораблик" adlı mahnını Ülviyyə Rəhimova ilə duet şəklində ifa etmişdir. Mahnının söz və musiqisi ikilinin özünə aiddir. 2022-ci ildə "İsti-isti (feat. Ülkər MC Rain, Fidan Əliyeva & Ülviyyə Rəhimova)" adlı sinqlı təqdim etmişdir. 2022-ci ilin iyul ayında "Xarizma" adlı mahnısı təqdim etmişdir. "Xarizma" adlı sinqlın klip çəkilişlərində ifaçının staylinqi üzərində dünyaca məşhur türk stilist Seyit Ares çalışmışdır. 2022-ci ilin oktyabrında "Darıxsam da" sinqlını təqdim etmişdir.

Diskoqrafiyası[redaktə | mənbəni redaktə et]

Albomları[redaktə | mənbəni redaktə et]

Tarix Albomunların Adı(ları) İstinad
24.12.2015 Running

Sinqlları[redaktə | mənbəni redaktə et]

Tarix Sinqlların Adı(ları) İstinad
2012 "Doğma Mahnılar (feat. Orxan Zeynallı)"
2013 "Мысли"
2014 "Start a Fire"
2014 "Start a Fire (Remix)"
2017 "Dəm olmuşam"
2018 "613"
2018 "Не уходи"
2018 "Azərbaycan"
2018 "Mənim Evim Azərbaycan (feat. Fidan Hüseynova, Atilla Məmmədov, Hüseyn Abdullayev)"
2018 "Yalnız Səni gözlədim (feat. Murad Arif)"
2019 "Danış"
2019 "Harem"
2019 "Zeytun Bağları"
2019 "Moments (feat. Bikoo)" DJ RAFO Remix
2020 "Azərbaycanım"
2020 "Heç Vecimə Deyilsən"
2020 "Dəb Elə Mənəm"
2020 "Yeni İl Zəfərlə"
2020 "Xoş Gəldin Həyatima, Mela-Melanxoliya"
2021 "Əsl sevgi (feat. Elşad Xose)"
2021 "Ünvanımız xoşbəxtlik"
2021 "Qaralama"
2021 "Olmaram"
2022 "Кораблик (feat. Ülviyyə Rəhimova)"
2022 "Xarizma"
2022 "İsti-isti (feat. Ülkər MC Rain, Fidan Əliyeva & Ülviyyə Rəhimova)"
2022 "Darıxsam da"

Klipləri[redaktə | mənbəni redaktə et]

Say Ad Tarix
01 Мысли 2013
02 Start A Fire 2014
03 Running 2015
04 Dream 2016
05 Dəm 2017
06 Yalnız Səni Gözlədim ft. Murad Arif 2018
07 613 ft. Etibar Asadli, Sahib Asadli 2018
08 Azərbaycan 2018
09 Shine
10 Light
11 Danış 2019
12 Не уходи 2019
13 Harem 2019
14 Zeytun Bağları 2019
15 Heç Vecimə Deyilsən 2020
16 Xoş Gəldin Həyatıma, Mela-Melanxoliya 2020
17 Azərbaycanım 2020
18 Ünvanımız Xoşbəxtlik 2021
19 Qaralama 2021
20 Olmaram 2021
21 Xarizma 2022
22 İsti-İsti ft. Ulker MC Rain, Fidan, Ulviyya 2022
23 Darıxsam Da 2022
24 Alov 2023
25 Dəli 2023

Filmoqrafiya[redaktə | mənbəni redaktə et]

Aktrisa kimi
Tarix Adı Rol
2006 Çalış, nəfəs alma qız
2007 Sirat körpüsü Delya
2010 Qardaşımdan yaxşısı yox idi
2015 Dmitrov küçəsi 86 Delya
2017 Kəklikotu Delya
2019 Qış nağılı
Vokalçı kimi
2007 Sirat körpüsü
2015 Dmitrov küçəsi 86
2017 Kəklikotu

TV layihələri[redaktə | mənbəni redaktə et]

Tarix Proqram Obraz TV
2010 Jaunais Vilnis (azərb. Yeni Dalğa‎) Özü LTV
2014 Голос країни (azərb. Səs Ukrayna‎) Özü 1+1
2014 Böyük Səhnə Özü İctimai TV
2014 Eurovision 2014 Özü İctimai TV
2015 Şeffaf Oda Özü TV 8
2018 Star of Asia Özü NTK TV
2019 ЖАРА-2019 Özü ЖАРА TV

Mükafatları[redaktə | mənbəni redaktə et]

ESC Radio Awards[redaktə | mənbəni redaktə et]

İl Mükafat Nəticə
2014 The 2014 ESC Radio Awards Namizəd

The Big Apple Music Awards[redaktə | mənbəni redaktə et]

İl Mükafat Nəticə
2015 The Big Apple Music Awards Namizəd

Altın Kelebek Ödülleri[redaktə | mənbəni redaktə et]

İl Mükafat Nəticə
2018 En İyi Kadın Sanatçısı (azərb. Ən yaxşı qadın sənətçi‎) Namizəd

Konsertləri[redaktə | mənbəni redaktə et]

İl Adı İstinad
2017 Unplugged [11]

İstinadlar[redaktə | mənbəni redaktə et]

  1. "Dilarə Kazımovanı daha yaxından tanıyaq!" (azərb.). İtv.az. 25 aprel 2014. 4 December 2020 tarixində arxivləşdirilib. İstifadə tarixi: 2 may 2014.
  2. publika.az. "Dilarə Kazımova bədənini nümayiş etdirdi – FOTO/VİDEO" (az.). Publika.az. 12.01.2017. 2018-05-17 tarixində arxivləşdirilib. İstifadə tarixi: 2017-12-31.
  3. publika.az. "Dilarə ərindən boşandı, sonra da... – VİDEO" (az.). Publika.az. 19.05.2016. 2023-07-07 tarixində arxivləşdirilib. İstifadə tarixi: 2017-12-31.
  4. ""Eurovision-2014" təmsilçimiz bəlli oldu" (azərb). Səs İnformasiya Agentliyi. 1 mart 2014. İstifadə tarixi: 2 may 2014.[ölü keçid]
  5. 5,0 5,1 "About Dilara Kazimova". Avropa Yayım İttifaqı (ingilis). Eurovision.tv. 2017-03-23 tarixində arxivləşdirilib. İstifadə tarixi: 2014-05-02.
  6. 6,0 6,1 Aysel Qurbanzadə. "Azərbaycanın "Eurovision" təmsilçisi Dilarə Kazımova kimdir?" (azərb.). Anspress.com. 3 mart 2014. 15 March 2014 tarixində orijinalından arxivləşdirilib. İstifadə tarixi: 2 may 2014.
  7. milliyet.com.tr. "İtalyan tenordan Sarı Gelin" (türk). news. 1 mart 2015. 2023-02-11 tarixində arxivləşdirilib. İstifadə tarixi: 1 mart 2015.
  8. mallganjlik. "Dilarə Kazımova-nın İmza Gününü Qaçırmayın!" (az.). news. 24 sentyabr 2018. 2023-02-11 tarixində arxivləşdirilib. İstifadə tarixi: 24 sentyabr 2018.
  9. qafqazinfo.az. "Dilarə Kazımovanın yeni xiti "Zeytun bağları" - Fotolar + Video" (az.). news. 29 sentyabr 2019. 2023-02-13 tarixində arxivləşdirilib. İstifadə tarixi: 29 sentyabr 2019.
  10. oxu.az. "Bu mahnı işğaldan azad olunmuş torpaqlarla bağlı stimul verir - Video" (az.). news. 23 noyabr 2020. 2023-02-13 tarixində arxivləşdirilib. İstifadə tarixi: 23 noyabr 2020.
  11. events.az. ""Unplugged" – Dilarə Kazımovanın canlı konserti" (az.). news. 16 mart 2017. 2023-02-11 tarixində arxivləşdirilib. İstifadə tarixi: 16 mart 2017.

Xarici keçidlər[redaktə | mənbəni redaktə et]

Əvvəlki:
Hold Me mahnısı ilə
Fərid Məmmədov
Azərbaycan Avroviziya Mahnı Müsabiqəsində
2014
Sonrakı:
Hour Of The Wolf mahnısı ilə
Elnur Hüseynov

Həmçinin bax[redaktə | mənbəni redaktə et]