Dilarə Məmmədəliyeva

Vikipediya, açıq ensiklopediya
Jump to navigation Jump to search
Dilarə Məmmədəliyeva
Dilarə Əli qızı Məmmədəliyeva
Doğum tarixi 29 yanvar 1955 (1955-01-29) (64 yaş)
Doğum yeri Bakı
Vətəndaşlıq Flag of Azerbaijan.svg Azərbaycan
Elm sahəsi tibb
Elmi dərəcəsi tibb elmləri namizədi (1989)
Uşaqları Babayev Nəsrulla Natik oğlu (1978)
Atası Məmmədəliyev Əli Mehdi oğlu (1912-1985)
Anası Məmmədəliyeva Şəfiqə Tahir qızı (1926)

Dilarə Əli qızı Məmmədəliyeva (d.29 yanvar, 1955. Bakı) — tibb elmləri namizədi (1989), 2 nömrəli Bakı Baza Tibb Kollecinin direktoru (2007-indi), Yeni Azərbaycan Partiyasının üzvü (2000-indi).

Həyatı[redaktə | əsas redaktə]

Dilarə Məmmədəliyeva 29 yanvar 1955-ci ildə Bakı şəhərində ziyalı ailəsində anadan olmuşdur. 1962-ci ildə Nəsimi rayonu 23 saylı orta məktəbdə oxumuş və həmin məktəbi 1972-ci ildə bitirmişdir. 1972-ci ildə Azərbaycan Tibb İnstitutunun Stomotaloji fakültəsinə qəbul olmuş, institutu 1977-ci ildə bitirmişdir.

1977-ci ildən 1978-ci ilə qədər 1 saylı şəhər poliklinikasında stomatoloji şöbəsində həkim-interna çalışmışdır. 1978-ci ildən 1982-ci ilə qədər isə 1 saylı uşaq stomatoloji poliklinikasında həkim-stomotoloq olmuşdur. 1985-1986-cı illərdə Semaşko adına 1 saylı kliniki xəstəxananın "Üz-çənə cərrahiyə" şöbəsində həkim-ordinator işləmişdir.

1986-1990-cı illərdə 2 saylı Bakı Baza Tibb Məktəbində müəllim işləmişdir. Bu dövrdə "Diş xəstəlikləri" kabinet müdiri, "Diş texnikliyi" fənnbirləşmə sədri təyin olunmuşdur. O, ictimai olaraq "Tibbi profilaktika", "Ortepedik stomatologiya" şöbələrinin müdir müavini kimi də çalışmışdır.

1990-1992-ci illərdə 2 saylı Bakı Baza Tibb Məktəbinin tədris-hissə müdiri, 1992-2006-cı illərdə tədris-tərbiyə işləri üzrə direktor müavini, 2006-2007-ci illərdə isə direktor əvəzi vəzifələrində çalışmışdır.

2007-ci ildən 2 nömrəli Bakı Baza Tibb Kollecinin direktoru vəzifəsində işləyir.

1989-cu ildə ali dərəcəli həkim-stomotoloq adına layiq görülmüşdür.

Məmmədəliyeva Dilarə Əli qızı 10 may 2000-ci ildən Yeni Azərbaycan Partiyasının üzvüdür. O, həmçinin partiyanın Yasamal rayon idarə heyətinin üzvüdür[1].

Elmi fəaliyyəti[redaktə | əsas redaktə]

Dilarə Məmmədəliyeva 1982-1985-ci illərdə Azərbaycan Tibb İnstitutunun "Üz-çənə cərrahiyə" kafedrasının aspirantı olmuşdur.

1989-cu ildə Tbilisi şəhərindəki Həkimləri Təkmilləşdirmə İnstitutunda «Aşağı tezlikli ultrasəs kavitasiyası ilə uşaqlarda üz-çənə nahiyyəsinin kəskin iltihabi proseslərinin müalicəsi» mövzusunda namizədlik dissertasiyasını müdafiə edib[2] və tibb elmləri namizədi alimlik dərəcəsi almışdır.

Dilarə Məmmədəliyevanın elmi tədqiqatında — Aşağı tezlikli ultrasəslə irinli-iltihab xəstəliklərinin müalicəsi çox effektivdir. Lokal, antiseptik, bakterial təsiri ilə ödemi azaldır. Beləliklə də, istifadə edilən bu müalicəvi üsul xəstələrin stasionar şəraitində olmaq müddətini azaldır və müsbət təsir edir.

17 elmi işin müəllifidir.

Ailəsi[redaktə | əsas redaktə]

Dilarə Məmmədəliyevanın atası Məmmədəliyev Əli Mehdi oğlu (1912-1985), anası Məmmədəliyeva Şəfiqə Tahir qızı (1926), qardaşları isə Məmmədəliyev Heydər Əli oğlu (1949) və Məmmədəliyev Eldar Əli oğlu (1951).

Dilarə Məmmədəliyeva Babayev Natik Nəsrulla oğlu (1949) ilə ailə həyatı qurmuşdur. Babayev Nəsrulla Natik oğlu (1978) adlı bir oğul övladları var.

Həmçinin bax[redaktə | əsas redaktə]

İstinadlar[redaktə | əsas redaktə]