Dilqəm Əsgərov və Şahbaz Quliyevin girov götürülməsi

Vikipediya, açıq ensiklopediya
Jump to navigation Jump to search
Dilqəm Əsgərov və Şahbaz Quliyevin girov götürülməsi
Şahbaz Quliyev və Dilqəm Əsgərov
Şahbaz Quliyev və Dilqəm Əsgərov
Hücum yeri Şaplar, Kəlbəcər, Azərbaycan
Vaxt
Hücum üsulu Girov götürülməsi, sui-qəsd
Həlak olanlar Həsən Həsənov
Qatillər Ermənistan Silahlı Qüvvələri
Girov sayı2
GirovlarDilqəm Əsgərov
Şahbaz Quliyev

Dilqəm Əsgərov və Şahbaz Quliyevin girov götürülməsi2014-cü il iyulun 11-də Rusiya vətəndaşı Dilqəm ƏsgərovAzərbaycan vətəndaşı Şahbaz Quliyev Kəlbəcər rayonunda öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər, Azərbaycan vətəndaşı Həsən Həsənov isə öldürülüb.[1] İşğal altındakı Dağlıq Qarabağda Dilqəm Əsgərov və Şahbaz Quliyev üzərində qanunsuz "məhkəmə" qurublar. "Məhkəmə"nin qərarı ilə Dilqəm Əsgərov ömürlük, Şahbaz Quliyev isə 22 il müddətinə azadlıqdan məhrum edilmə cəzasına məhkum olunub.[1]

Zəmin[redaktə | əsas redaktə]

2009-cu ildə Dilqəm Əsgərov və Şahbaz Quliyev Kəlbəcərin Şaplar kəndində olunduğu videosu yayılmışdı.[2] Videoda çıxış edən Dilqəm Əsgərov Kəlbəcər rayonunun Şaplar kəndinin onlar üçün "ikinci Mədinə" olduğunu deyib.[2] O, videoda həmdə qeyd edirdi ki, o, iki ildir dalbadal 16 gün ac-susuz buranı ziyarət edirdi.[2]

Hadisə[redaktə | əsas redaktə]

Əməliyyat zamanı ermənilər tərəfindən öldürülən Həsənov Həsən Fərman oğlunun Binəqədi qəbiristanlığındakı məzarı.

2014-cü il iyulun 11-də Rusiya vətəndaşı Dilqəm Əsgərov və Azərbaycan vətəndaşları Şahbaz Quliyev və Həsən Həsənov Azərbaycanın işğal altında olan Kəlbəcər rayonunda yaxınlarının məzarlarını ziyarət etmək üçün gediblər.[3] Həmin gün Şaplar kəndində Ermənistan Silahlı Qüvvələri tərəfindən keçirilən əməliyyat zamanı Dilqəm Əsgərov və Şahbaz Quliyevi Kəlbəcərdə girov götürüblər.[4] Həsən Həsənov isə güllələnərək öldürülüb.[4]

2014-ci il oktyabrın 2-də Həsən Həsənovun nəşi qarşı tərəfdən alınıb və oktyabrın 4-də Həsən Həsənov Bakının Binəqədi qəbiristanlığında dəfn edilib.[5] Dəfn mərasimində Cəbrayıl rayon İcra Hakimiyyətinin başçısı Mahmud Quliyev və rayon ictimaiyyətinin nümayəndələri iştirak edib.[5]

Ermənilər tərəfindən verilən işgəncə[redaktə | əsas redaktə]

Qarabağ Azadlıq Təşkilatının sədri Akif Nağının sözlərinə görə, Dilqəm Əsgərov və Şahbaz Quliyevə girovluqda ermənilər işgəncə veriblər.[6]

Məhkəmə[redaktə | əsas redaktə]

Qondarma "DQR" Dilgəm Əsgərov və Şahnaz Quliyev üzərində qanunsuz "məhkəmə" qurmuşdur.[7] "Məhkəmə"nin qərarı ilə Əsgərova ömürlük, Quliyev isə 22 il müddətinə azadlıqdan məhrum edilib.[7]

Azərbaycanın reaksiyası[redaktə | əsas redaktə]

2016-cı il noyabrın 23-də Bakıda Dağlıq Qarabağda saxlanan Dilqəm Əsgərov və Şahbaz Quliyevin hüquqlarının müdafiə komitəsi yaradılıb.[4] Müdafiə komitəsinə 80-ə qədər üzv qəbul olunub.[4] Komitəyə Əlövsət Ağalarov sədrlik edib.[4]

Beynəlxalq reaksiya[redaktə | əsas redaktə]

Beynəlxalq Qızıl Xaç Komitəsinin nümayəndəliyi müntəzəm olaraq girovlara baş çəkir.[8] Onların məktublarını ailələrinə çatdırır.[8] Dilqəm və Şahbaz adətən məktublarında normal olduqlarını qeyd edirlər.[8] Lakin bəzi hallarda məktubda bəzi cümlələr qaralanmış formada olur.[8]

  • Flag of Ukraine.svg 2017-ci il 30 yanvarda Ukraynanın Milli Qəhrəmanı və deputat Nadejda Savçenko Dilqəm Əsgərov və Şahbaz Quliyevə dəstək bəyanatı yayıb və onların beynəlxalq səviyyədə müdafiəsinə qoşulacağını bildirib.[9]

İstinadlar[redaktə | əsas redaktə]

  1. 1,0 1,1 "Əsirlikdə olan Dilqəm Əsgərovdan məktub: "Ürəyimdə, başımda və sağ ayağımda şiddətli ağrılar var”". www.kanal13.tv. Arxivləşdirilib: [1] saytından 16 fevral 2017 tarixində. http://www.kanal13.tv/az/portal/xeber/2993/%C6%8Fsirlikd%C9%99-olan-Dilq%C9%99m-%C6%8Fsg%C9%99rovdan-m%C9%99ktub-%C3%9Cr%C9%99yimd%C9%99-ba%C5%9F%C4%B1mda-v%C9%99-sa%C4%9F-aya%C4%9F%C4%B1mda-%C5%9Fidd%C9%99tli-a%C4%9Fr%C4%B1lar-var%E2%80%9D.htm. İstifadə tarixi: 16 fevral 2017.
  2. 2,0 2,1 2,2 "Yeni Kəlbəcər videosu (VİDEO)". www.anspress.com. Arxivləşdirilib: [2] saytından 16 fevral 2017 tarixində. http://www.anspress.com/siyaset/23-07-2014/yeni-kelbecer-videosu-video. İstifadə tarixi: 16 fevral 2017.
  3. Məmmədova, Kəmalə. "Dilqəm və Şahbazın 1 illik girov həyatı". www.anspress.com. Arxivləşdirilib: [3] saytından 16 fevral 2017 tarixində. http://www.anspress.com/siyaset/11-07-2015/dilqem-ve-sahbazin-1-illik-girov-heyati-foto. İstifadə tarixi: 16 fevral 2017.
  4. 4,0 4,1 4,2 4,3 4,4 "Dilqəm Əsgərov və Şahbaz Quliyevin müdafiə komitəsi yaradılıb". www.azadliq.org. Arxivləşdirilib: [4] saytından 16 fevral 2017 tarixində. https://www.azadliq.org/a/dilqem-shahbaz/28135180.html. İstifadə tarixi: 16 fevral 2017.
  5. 5,0 5,1 "Kəlbəcərdə ermənilər tərəfindən öldürülmüş Həsən Həsənov Bakıda dəfn olunub". apa.az. Arxivləşdirilib: [5] saytından 16 fevral 2017 tarixində. http://apa.az/xeber-az/hadise/kelbecerde-ermeniler-terefinden-oldurulmus-hesen-hesenov-bakida-defn-olunub-yenilenib-fotosessiya-video.html. İstifadə tarixi: 16 fevral 2017.
  6. "Dilqəm Əsgərov və Şahbaz Quliyevin Müdafiə Komitəsinin İşçi Qrupu yaradılıb". www.meydan.tv. Arxivləşdirilib: [6] saytından 16 fevral 2017 tarixində. https://www.meydan.tv/az/site/news/19239/. İstifadə tarixi: 16 fevral 2017.
  7. 7,0 7,1 "BQXK əməkdaşları Dilqəm Əsgərov və Şahbaz Quliyevə baş çəkiblər". www.virtualkarabakh.az. Arxivləşdirilib: [7] saytından 16 fevral 2017 tarixində. http://www.virtualkarabakh.az/read.php?lang=1&menu=5&id=5094#.WKVM22-LSUk. İstifadə tarixi: 16 fevral 2017.
  8. 8,0 8,1 8,2 8,3 "Dilqəm Əsgərov ermənilərə boyun əymədi". www.azadliq.info. Arxivləşdirilib: [8] saytından 16 fevral 2017 tarixində. https://www.azadliq.info/122778.html. İstifadə tarixi: 16 fevral 2017.
  9. "Savçenko Dilqəm Əsgərovla Şahbaz Quliyevin MÜDAFİƏSİNƏ QALXDI". gecce.az. Arxivləşdirilib: [9] saytından 16 fevral 2017 tarixində. http://gecce.az/xbr-lenti/24466-savchenko-dilqem-esgerovla-shahbaz-quliyevin-mudafesne-qalxd.html. İstifadə tarixi: 16 fevral 2017.