Dinlə, Kiçik Adam (kitab)

Vikipediya, açıq ensiklopediya
Keçid et: naviqasiya, axtar
Dinlə, Kiçik Adam

"Dinlə, Kiçik Adam" (almanca: Rede an den kleinen Mann) - avstriyalı və ABŞlı psixiatr və psixoanalitik və Ziqmund Freydin tələbəsi Vilhelm Reyx tərəfindən yazılmış araşdırma tipli sosial-psixoloji, fəlsəfi kitab. Kitabı konkret bir kateqoriyaya aid etmək çətindir. Araşdırma tipli olan bu kitab sosial-psixoloji, fəlsəfi və həmçinin müəyyən dərəcədə ədəbiyyat əsəridir. Bu əsər sadəcə sırf yazıldığı günə ya da bu günümüzə xitab etməyib universal mahiyyət daşıyır.

"Sevgi, əmək və bilik həyatımızın tükənməz mənbələridir. Dolayısıyla, həyatı onların idarə etməsi lazımdır."

Zəncirdən Qurtulmuş Kölənin Təlaşı.

“Dinlə, Kiçik Adam”' adlı bu kitab elmi bir əsər deyil, oxucu ilə səmimi söhbətdir. 1946-cı ildə akademik dairələr üçün yazılmış bu kitabı, müəllifin geniş kütlə üçün çap etdirmək niyyəti olmamışdır. Bu sadəcə olaraq, bir naturalist alimin və həkimin, uzun illər boyunca, əvvəlcə uşaqsayağı bir saflıqla, daha sonra böyük bir heyrətlə və nəhayət dəhşət içində araşdırmaqda olduğu “kiçik adam”la bağlı öz daxilindəki qarmaşıq fikirləri sistemləşdirmək cəhdi olmuşdur. Küçədəki Kiçik Adam nələrə dözmək məcburiyyətində qalır və buna necə üsyan edir? Düşmənlərini başının üstünə qaldırmasının, dostlarını isə öldürməsinin səbəbləri nələrdir? Bu Kiçik Adam “xalqın bir təmsilçisi” olaraq müəyyən bir gücü ələ keçirdiyi anlarda bu səlahiyyəti hansı formada boşa xərcləməklə, ziyan etməklə səhv istifadə edir? Niyə eyni gücü daha əvvəl əlində tutan və onu, Kiçik Adamı əzmək üçün istifadə edən yuxarı təbəqələrin sadist fərdləri kimi davranır, əlinə keçirdiyi o idarəetmə gücünü necə olur ki, mərhəmətsiz bir təzyiq vasitəsi halına gətirir?Böyüklükdə toxunulmamış xəzinələr var. Bu dəyərlər insanoğlunun ümidlərinin reallaşması yolunda istifadə edilmək üçün hazır gözləyirlər. Məhz bu çıxış, xüsusən bu xəzinələrə olan böyük etibarı dilə gətirir.

Başla Kitab layihəsi çərçivəsində nəşr olunan kitabı azərbaycan dilinə rustürk dillərindən Tural Osman tərcümə edib. Kitab 2013-cü ildə çap olunub, redaktoru Ümid Əhmədovdur. Kitabdakı mətni çəkilmiş karikaturalar tamamlayır. Bu karikaturaların müəllifi Villiam Steyqdir.