Dobrınya Nikitiç adası

Dobrınya Nikitiç adası
rus. Добрыня Никитич
Ümumi məlumatlar
Hündür nöqtəsi	50 m
Əhalisi	0 nəfər (2015-ci il)
Yerləşməsi
76°38′19″ şm. e. 95°35′30″ ş. u.
Ölkə	Rusiya
Vilayət	Krasnoyarsk diyarı
Arxipelaq	Nordenşeld arxipelaqı
Akvatoriya	Şimal Buzlu okean Kara dənizi
Dobrınya Nikitiç adası

Dobrınya Nikitiç adası — Nordenşeld arxipelaqına daxil olan ada. Şimal Buzlu okeanın Kara dənizi suları ilə əhatələnmişdir. İnzibsti cəhətdən Rusiyanın Krasnoyarsk diyarı Taymır Dolqan-Nenes rayonu ərazidinə daxildir.

Yerləşməsi

Nordenşeld arxipelaqının mərkəzi hissəsində qərarlaşır. Üstəlik ada Paxtusov adaları qrupunun tərkibinə daxildir. Ada öz qrupuna və digər qruplara daxil olan adalarda əhatələnmişdir. Şimal və şərqdən Truvor adası, Paxtusov adası, Şpanberq adası, Petersen adası və Skudnıe adaları, qərbdən isə Şivolki adaları qrupuna daxil olan Krasin adası ilə əhatələnmişdir. Cənubdan Vilkis adaları qrupuna daxil olan Novıy adası ilə sərhədə malikdir. Şərində yerləşən adalardan Dobrınya Nikitiç boğazı, cənubunda yerləşən adalardan isə Radzeevski boğazı ilə ayrılır. Adanın Rusiyanın materik hissəsi ilə arasında məsafə 50 kilometrdir.

Ümumi məlumat

Dobrınya Nikitiç adası Petersen adasından sonra Paxtusov adaları qrupunun ikinci ən böyük adasıdır. Şərqdən qərbə U hərfinə bənzər formaya malikdir. Qərbində yerləşən Qryad burnundan şərqində yerləşən Palatka burnuna qədər məsafə 10,5 km, şimalında yerləşən Pribrejnıye Kamni burnundan cənubunda yerləşən Stfor burnuna qədər məsafə isə 6,5 kilometr təşkil edir.

Adanın daxilinə doğru Davıdov buxtası yerləşir. Buxtada maksimal dərinlik 24 metrdir. Ada ərazisinin böyük hissələrini üç zirvə əhatə edir. Onlar 30, 41 və 50 metr olmaqla hündürlüyə malikdirlər. Sahillərə doğru axarlar axır. Axarların heç birinin adı yoxdur. Qış ayları tamamən donurlar. Afanınmərkəzi hissəsi olan Davıdov buxtasına yaxın ərazilərdə kiçik laqunlar vardır. Buna bənzər göllər adanın şimal və qərb sahillərində belə müşahidə etmək olur. Adanın bir hissəsi bataqlıqlaşmış ərazilərdən ibarətdir.

Adanın sahilləri düzənlikdir. Nadir bitkilərdən Mamır-şibyələrdən ibarətdir. Bəzən isə ot bitkiləri belə bitir. Qərbində geodeziya məntəqəsi vardır. 1993-cü ildə Arktika qurşağının qorunması məqsədi ilə burada qoruq yaradılmışdır. Ada da həmçinin Böyük Arktik qoruğunun ərazisinə daxildir.

Ada rus pəhləvanı Dobrınya Nikitiçin şərəfinə adlandırılmışdır.

Digər faktlar

Davıdov buxtası 1939-cu ildə Toros gəmisində təşkil edilən ekspedisiya zamanı rus hidroqrafı və geodeziyaçısı Boris Bladimiroviç Davıdıvun şərəfinə adlandırılmışdır. O, Şimal Buzlu və Sakit okeanda hidroqrafik ölçmələr aparmışdır.