Doktrina Jurnalistlərin Hərbi Araşdırmalar Mərkəzi

Vikipediya, azad ensiklopediya
Jump to navigation Jump to search

2005-ci ilin may ayında Azərbaycanın NATO ilə İPAP sənədini imzalaması dövründə bir qrup hərbi jurnalist və hərbi ekspert tərəfindən yaradılmasına qərar verildi. Bundan sonra təşkilat aktiv şəkildə Azərbaycanın NATO ilə əməkdaşlığı çərçivəsində razılaşdırılmış sənədlərin ordumuza tətbiqi proseslərinin monitorinqinə başladı. “Doktrina” JHAM 2007-ci ilin dekabrında isə təşkilat ictimai birlik kimi dövlət qeydiyyatına alındı.

“Doktrina” JHAM hərbi jurnalistika sahəsində araşdırma aparır, bu sahənin inkişafına dəstək verir, jurnalist fəaliyyəti ilə əlaqədar əldə edilmiş məlumatları araşdırır və təhlil edir, ictimaiyyətdə müdafiə və vətənpərvərlik sahəsində maarifləndirmə işi aparır.

Missiya:

- birincisi, ölkənin müdafiə və təhlükəsizlik sektorunda baş verən proseslərin öyrənilməsi və araşdırılması, uğurların və problemlərin üzə çıxarılması, taktiki və strateji proqnozların irəli sürülməsi və ictimai məlumatlandırma; - ikincisi, ölkə KİV-də fəaliyyət göstərən və hərbi məqalələrlə çıxış edən jurnalistlərə münasibətin qurulması və hərbi jurnalistikanın peşəkarlığının artırılmasına səylərin göstərilməsi; - üçüncüsü, Azərbaycanın beynəlxalq təşkilatlarla və dövlətlərlə müdafiə və təhlükəsizlik sahəsində əməkdaşlığının vəziyyətinin öyrənilməsi, Cənubi Qafqazda hərbi-siyasi tədbirlərin, geosiyasi vəziyyətin öyrənilməsi və araşdırılması sahəsində araşdırmaların aparılması.

“Doktrina” JHAM ölkədə hərbi sahədə yazmağa maraq göstərən jurnalistlərlə daima bir yerdədir, onlarla əlaqə saxlanılır, lazımi informasiya dəstəyi, ekspert yardımı edilir. İmkan düşdükcə hərbi yazarlar arasında müxtəlif mövzularda müzakirələrin aparılmasına, müxtəlif layihələrdə onların iştirak etmələrinə çalışılır. “Doktrina” JHAM ekspertləri ölkənin bir sıra KİV və QHT-lərindən olan həmkarlarla Azərbaycanda hərbi jurnalistikanın inkişafının təmin edilməsi, mexanizmlərin yaradılması, güc strukturları ilə media təmsilçiləri arasında əməkdaşlığın qurulması istiqamətində səylə çalışırlar və müəyyən uğurlarımız ortadadır.

“Doktrina” JHAM-ın 2003-cü ildən başlayaraq Azərbaycanın müdafiə və təhlükəsizlik sektorunda baş verən itkilərin statistikasını aparması, Azərbaycanın NATO ilə razılaşdırdığı “Sülh Naminə Tərəfdaşlıq” proqramı (PfP), bu sənəddən irəli gələn İPAP, PARP, İPP, PAP-T, OCC və s. sənədlər çərçivəsində orduda həyata keçirilən islahatların monitorinqini aparması diqqətçəkəndir. Bu gün “Doktrina” JHAM-ın həyata keçirdiyi araşdırmaların, monitorinqlərin nəticələri əksər yerli KİV və QHT-lər tərəfindən, o cümlədən beynəlxalq təşkilatlar tərəfindən mötəbər bir informasiya kimi istifadə istifadə olunur və bu da təşkilatın fəaliyyətinin nəticələrinin səmərəliliyinə sübut kimi hesab edilə bilər. Konkret layihələrə gəldikdə isə, “Doktrina” mərkəzi 2008-ci ildən etibarən Azərbaycan Təhlükəsizlik və Müdafiə İctimai Assosiasiyasının illik hesabatlarının hazırlanmasında iştirak edir. 2009-2010-cu illərdə isə Açıq Cəmiyyət İnstitutu – Yardım Fondunun maliyyə dəstəyi ilə “Hərbi sahədə informasiya əldə etmək mədəniyyətinin inkişafı” layihəsini keçirib.

Bununla yanaşı təşkilatda təmsil olunan ekspertlər və jurnalistlər ölkənin ayrı-ayrı KİV-lərində məqalələrlə çıxış edir, ekspert rəyləri verirlər. “Doktrina” ekspertlərinin tez-tez xarici ölkələrdə mötəbər tədbirlərdə iştirak etməsi, Azərbaycanın müdafiə islahatlarında ictimai töhfənin artırılmasına yönəlik səylərimizin daha da təkmilləşdirilməsinə səbəb olur.