Məzmuna keç

Dubay körfəzi

25°15′21″ şm. e. 55°19′00″ ş. u.HGYO
Vikipediya, azad ensiklopediya
Dubay körfəzi
Yerləşməsi
25°15′21″ şm. e. 55°19′00″ ş. u.HGYO
Ölkə
[[Fayl:|280px|Dubay körfəzi xəritədə]]
Dubay körfəzi
Dubay körfəzi
Vikianbarın loqosu Vikianbarda əlaqəli mediafayllar

Dubay körfəziBirləşmiş Ərəb Əmirliklərinin (BƏƏ) Dubay şəhərində təbii su dərəsi. O, Fars körfəzindən Dubay əmirliyinə qədər 14 km. qədər uzanır və Dubay şəhərini iki yerə bölür: qərbdə Bur Dubay və Şərqdə Deira. Fars körfəzi ilə qovuşduğu yerdə eni 115 m, son hissəsində isə təxminən 1400 m-ir.[1]

Dubay körfəzi ticarət və nəqliyyat üçün təbii liman kimi istifadə edilir.[2]

Dubay körfəzi 1964-cü ildə

Tarixən körfəz şəhəri iki əsas hissəyə bölürdü - Deyra və Bur Dubay. Məhz Bur Dubay körfəzi ərazisi boyunca Bəni-Yas qəbiləsinin üzvləri ilk dəfə XIX-cu əsrdə məskunlaşaraq şəhərdə Əl-Məktum sülaləsini qurdular.[3]

XX-ci əsrin əvvəllərində körfəz, o zaman böyük miqyaslı nəqliyyatı dəstəkləmək iqtidarında olmasa da, Hindistan və ya Şərqi Afrika kimi uzaqlardan gələn gəmilər üçün kiçik bir liman rolunu oynayırdı. Axar su gəmilərin girməsinə mane olsa da, şəhərin yeganə limanı kimi Dubayın ticarət mövqeyinin qurulmasında mühüm rol oynayırdı.[4]

Dubay şəhərinin iqtisadiyyatının əsas sektorunu təşkil edən mirvari sənayesi, 1930-cu illərdə süni şəkildə yetişdirilmış mirvarilərin ixtirasına qədər, əsasən körfəzdəki ekspedisiyalar üzərində qurulmuşdu. O dövrdə əhəmiyyətli bir sənaye olan balıqçılıq da ən çox burada inkişaf etmişdir. Balıq tutmaq üçün istifadə edilən gəmilər körfəzin sahillərində tikilirdi.[5]

Dubay körfəzi 2007-ci ildə

Dubay körfəzi Dubay şəhərinin yaranmasında əsas rol oynamışdır. Məhz onun sahillərində şəhərin ilk binaları tikilmişdir. Əvvəlcə bunlar balıqçıların və mirvari çıxardanların daxmaları idi, lakin bölgənin strateji əhəmiyyətinin artması ilə burada ticarət evləri və gəmiçilik şirkətləri yarandı. Körfəz əlverişli təbii liman və dəniz limanı kimi getdikcə daha mühüm rol oynayırdı.

1970-ci illərdə Dubay körfəzi dərinləşdirildi ki, böyük tutumlu gəmilər də ondan istifadə edə bilsin. Hazırda onun liman kimi rolu əhəmiyyətli dərəcədə azalıb.

Dubay Milli Bankının binası Dubay körfəzi boyunca

2007-ci ildə Dubay körfəzi limanı kimi tanınan yeddi adadan ibarət yeni layihənin Dubay körfəzinin sahilində tikilməsi təklif edilib. Bu layihənin mərkəzi hissəsi dünyanın ən hündür binası olacaq Dubai Creek Tower olacaq. Dubay körfəzi ərazisində üç əlavə körpünün tikilməsi də planlaşdırılır.[6][7]

Dubay körfəzində yerləşən Dubai Festival City Mall 2007-ci ildə açılıb. Mohammed Bin Rəşid Kitabxanası körfəzə yaxın tikilir. Dubay metrosunun yaşıl xətti Dubai Creek metro stansiyasında bitir. Bu metro stansiyasının yaxınlığında Əl Cəddaf Dəniz stansiyası yerləşir, dərə üzərində bərələr işləyir.

Körfəzin bir hissəsinin şəkli (25°16′02″ şm. e. 55°18′24″ ş. u.HGYO)
  1. "Arxivlənmiş surət". 2024-08-20 tarixində arxivləşdirilib. İstifadə tarixi: 2025-01-08.
  2. Gupte, 2011. səh. 76
  3. Dubai. T. Carter, L Dunston. Lonely Planet. 2006
  4. Doing Business with the United Arab Emirates. Terterov, Marat. GMB Publishing Ltd. 2006
  5. "Dubai - Modern History" (PDF). 4 October 2011 tarixində orijinalından (PDF) arxivləşdirilib. (47.0 KB). Department of Tourism and Commerce Marketing. Government of Dubai
  6. Ahmed, Ashfaq. "Floating Bridge will stay till 2014". Gulf News. 6 November 2009. 6 September 2023 tarixində arxivləşdirilib. İstifadə tarixi: 8 January 2025.
  7. "Dubai Traffic, Architecture & Creek Bridges". ciio.unab.edu.co. 23 February 2014 tarixində arxivləşdirilib. İstifadə tarixi: 23 February 2014.