Eşşək arısı (komiks)

Vikipediya, açıq ensiklopediya
Jump to navigation Jump to search
Eşşək arısı
ing. Wasp
Wasp-comics.png
NəşriyyatFlag of the United States.svg Marvel Comics
Yayım tarixi"Heyranedici hekayələr" #44 (iyun, 1963)
Yaradıcı(lar)Sten Li
Cek Körbi
Xüsusiyyətlər
Əsl adıCanet Van Din
Doğum yeriKriskil, Nyu Cersi
Cinsiyyətiqadın
Boyu163 sm
Çəkisi50 kq
Göz rəngigöy
Saç rəngiqırmızımtıl qəhvəyi
Növüinsan
Komiks bioqrafiyası
ÜzvlükləriQisasçılar
Əsrarəngiz Qisasçılar
Leydi Xilaskarlar
Qərb Sahili Qisasçıları
Qüdrətli Qisasçılar
PartnerləriHenk Pim
DüşmənləriQasırğa
LəqəbləriCan, Doktor Spektrum, Canet Pim, Şirin
Gücləribioloji iynələr
uçmaq
böyüyüb-kiçilmə

Eşşək arısı (ing. Wasp) — Marvel Comics tərəfindən yaradılmış super qəhrəman personajı. Sten Li və Cek Körbi tərəfindən yaradılmış və ilk dəfə "Heyranedici hekayələr" komiksinin 1963-cü ilin iyununda çıxan sayında yer almışdır. "Şirin" ləqəbli bu personajın əsas gücləri böcək qanadları vasitəsilə uçmaq, əlindən bioelektrik iynələr göndərmək və böyüyüb-kiçilməkdir. Eşşək arısı Qisasçıların qurucu üzvlərindəndir və uzun illər komandanın üzvü olmuşdur. Partneri və həyat yoldaşı Henk Pim olmuşdur.

2011-ci ilin martında IGN "Ən yaxşı komik super qəhrəmanları" siyahısında Eşşək arısını 99-cu yerdə göstərmişdir.[1] "Comics Buyer's Guide" jurnalının "Ən cazibədar qadın komiks super qəhrəmanları" siyahısında 94-cü yeri tutmuşdur.[2] 2013-cü ildə isə Marvel.com saytı tərəfindən ən yaxşı 5-ci Qisasçı seçilmişdir.[3]

Bioqrafiya[redaktə | əsas redaktə]

Eşşək arısının komiks dünyasında debütu: "Heyranedici hekayələr" #44 (iyun, 1963)

Canet van Din zəngin alim Vernon van Dinin qızı kimi Nyu Cersinin Kriskill şəhərində anadan olur. Atasının yadplanetli bir varlıq tərəfindən öldürülməsindən sonra Canet kömək üçün onun həmkarı Henk Pimə gedir. Atasının intiqamını almaq üçün Pimin köməyi ilə Pim hissəcikləri vasitəsilə böyüyüb-kiçilmə, əlində bioelektrik iynələr atmaq və uçmaq qabiliyyətinə yiyələnir. Beləliklə, Canet van Din Eşşək arısı olur. Henk Pim və Canet van Din yadplanetlini tapıb Vernonun qisasını alırlar. Canet Eşşək arısı kimi qalmağa və Henk Pimlə birlikdə işləməyə qərar verir. Bu zaman Canetin Henkə qarşı hissləri yaranır. Lakin Henk öldürülmüş həyat yoldaşına görə bu münasibəti qəbul etmir.[4]

Henk Pimlə partnerliyi müddətində Eşşək arısı Yumurtabaş, Kirpi və Qasırğa ilə döyüşür. Eşşək arısı bacaqlı super qəhrəman olduğunu sübut edir, böcəklərlə ünsiyyətə girə bilir. Hava silahlarından istifadə etməyə başlayır.[5]

Loki hiylə yolu ilə Toru Halkla döyüşdürmək istəyir. Hadisə yerində Tor, Halk, Dəmir adam, Qarışqa-adam və Eşşək arısı Lokinin hiyləsini başa düşərək birlikdə ona qalib gəlirlər. Beləliklə, onlar Qisasçılar komandasını qururlar.[6] Eşşək arısı komandanın adını qoyur və qurucu üzvlərdən birinə çevrilir. Eşşək arısı həmişə döyüşlərdə sərt olur. Canetin gözəlliyi onun komanda yoldaşlarının diqqətini çəkir. Xüsusilə Torun ona qarşı hissləri Henkdə qısqanclıq yaradır. Eşşək arısının Qisasçılardakı ilk illərində Kont Nefariyaya qarşı döyüşdə ağciyər nahiyəsindən aldığı mərmi yarasından ciddi yaralanır və ölümdən son anda qurtulur.[7] Bir neçə saydan sonra Canet komandanı tərk edir.[8] "Qisasçılar" komiksinin 26-cı sayında komandaya yenidən qoşulur. Bu dəfə artıq Pim hissəcikləri kapsulasına ehtiyacı qalmır, öz ölçüsünü iradəsi ilə dəyişə bilir.

Canet Henklə münasibətlərinin düzələcəyinə ümid edir, amma münasibətləri düz getmir, hətta dramatik hadisələrlə nəticələnir.[9] Sarı Jaket kimliyinə bürünən Henk Pim Qisasçılar iqamətgahına gedərək Henk Pimi öldürdüyünü və Eşşək arısını qaçırdığını bildirir, komandadan üzvlük tələb edir.[10] Onu öldürdüyünə inanmayan Eşşək arısı Henkin harada gizlədildiyini öyrənməyə çalışır, amma Sarı Jaketin elə Henk Pim olduğunu öyrənir. Əvvəlcə o bunu etiraf etmir, lakin Eşşək arısı ilə evlənməyə razı olur. Toylarına Cinayət sirki basqın edir. Döyüş əsnasında Henk Pim olduğunu Eşşək arısına etiraf edir.[11]

Digər mediada[redaktə | əsas redaktə]

"Qisasçılar: Yerin qüdrətli qəhrəmanları" animasiya serialından Eşşək arısı.

Televiziya[redaktə | əsas redaktə]

  • Eşşək arısı "Marvel Super Qəhrəmanları" animasiya serialında Peq Dikson tərəfindən səsləndirilmişdir.
  • Eşşək arısı "Fantastik Dördlük"ün "Yaşayan planet üçün döyüşmək" seriyasında görünmüşdür.
  • Linda Ballantin tərəfindən "Qisasçılar: Birlikdə onlar güclüdür" animasiya serialında səsləndirilmiş və əsas personajlardan biri olmuşdur. Burada dəmir zirehdən istifadə etmişdir.
  • Canet van Din "Super qəhrəman heyəti şousu" animasiya serialında yer almış Cennifer Morrison tərəfindən səsləndirilmişdir.[12]
  • Eşşək arısı "Qisasçılar: Yerin qüdrətli qəhrəmanları" animasiya serialında Kolin Şauqnessi tərəfindən səsləndirilmişdir.[13] Serialda Eşşək arısı yeganə Qisasçı olmuşdur ki, bütün 52 seriya boyunca komandanı tərk etməmişdir. Personaj sarı-qara kostyumda təsvir edilmişdir.
  • "Marvel disk müharibələri: Qisasçılar" animasiya serialında peyda olmuşdur.[14]

Film[redaktə | əsas redaktə]

Eşşək arısın göründüyü ilk film 2015-ci ildə çəkilən "Qarışqa-adam" filmi olmuşdur və Eşşək arısını Hayli Lovit canlandırmışdır. Lakin burada Eşşək arısı cəmi bir neçə saniyəyə görsənmişdir. Belə ki, 1989-cu ildə bir misyada Canet öz həyatını itirdiyi kiçik səhnədə peyda olmuşdur. Lakin filmin sonunda Henk Pim qızı Hop Pimə yeni Eşşək arısı kostyumunu vermişdir[15][16][17]. Gələcək filmlərdə Eşşək arısının Canet deyil, Hop Pim olacağı güman olunur.[18] Marvel Studios prezidenti Kevin Feyc növbəti filmlərdə Eşşək arısının əhəmiyyətli yer tutacağını bildirmişdir.[19]

Video oyunlar[redaktə | əsas redaktə]

  • "Captain America and the Avengers"
  • "Marvel Super Hero Squad Online"
  • "Marvel: Avengers Alliance"
  • "Lego Marvel Super Heroes"
  • "Disney Infinity 2.0 Edition"
  • "Marvel Heroes"

İstinadlar[redaktə | əsas redaktə]

  1. http://www.ign.com/top/comic-book-heroes/99
  2. ISBN 1-4402-2988-0
  3. http://marvel.com/news/comics/21526/the_50_greatest_avengers_of_all-time_pt_5
  4. Tales to Astonish #44
  5. Tales to Astonish #57
  6. The Avengers #1
  7. Avengers #13-14
  8. Avengers #16
  9. The Avengers #57, 59-60
  10. The Avengers #59
  11. The Avengers #60
  12. http://www.comicscontinuum.com/stories/0907/28/voices.htm
  13. http://www.newsarama.com/4694-avengers-animated-assembling-w-phil-lamarr.html
  14. http://www.animenewsnetwork.com/news/2013-10-23/toei-makes-disc-wars/avengers-anime-for-marvel
  15. Goldberg, Matt (June 22, 2015). "Kevin Feige Reveals ANT-MAN Will Have another Beloved Marvel Superhero". Collider. http://collider.com/ant-man-movie-includes-wasp-says-kevin-feige/. İstifadə tarixi: June 22, 2015.
  16. Keyes, Rob (June 22, 2015). "How Does Wasp Factor Into 'Ant-Man' Movie?". Screen Rant. http://screenrant.com/ant-man-movie-wasp/.
  17. Goldberg, Matt (June 22, 2015). "ANT-MAN Set Visit: Evangeline Lilly Talks Ambiguity, Script Changes, and More". Collider. http://collider.com/ant-man-evangeline-lilly-talks-script-changes-ambiguity-more/.
  18. Davis, Erik (July 7, 2015). "Interview: Marvel Studios President Kevin Feige on 'Ant-Man,' 'Doctor Strange' and More". Fandango.com. Arxivləşdirilib: July 17, 2015 tarixində. http://www.fandango.com/movie-news/interview-marvel-studios-president-kevin-feige-on-ant-man-doctor-strange-and-more-749486. İstifadə tarixi: July 17, 2015.
  19. "Kevin Feige Onayladı: Wasp Marvel Evreninin Büyük Bir Parçası Olacak!". http://www.cizgiroman.com/kevin-feige-onayladi-wasp-marvel-evreninin-buyuk-bir-parcasi-olacak.html.

Xarici keçidlər[redaktə | əsas redaktə]