Ebru Dəmir
| Ebru Dəmir | |
|---|---|
| türk. Ebru Demir | |
| Doğum tarixi | 1976 (49–50 yaş) |
| Doğum yeri | |
| Təhsili | |
| Fəaliyyəti | ətraf mühit fəalı |
Ebru Dəmir və ya Ebru Baybara (türk. Ebru Demir; 1976, Mardin) — Türkiyəli sosial sahibkar və aşpaz. O, qadınlara və biomüxtəlifliyə yönəlmiş bir çox layihədə iştirak edib.[1]
Həyatı
[redaktə | vikimətni redaktə et]Ebru Dəmir 1976-cı ildə Mardində doğulub və İstanbulda böyüyüb.[2] 1999-cu ildə Mərmərə Universitetinin turizm fakültəsini bitirib. Məzun olduqdan sonra Mardinə yerləşərək orada turist bələdçisi kimi çalışıb. 2001-ci ildə Mardində 21 qadınla birlikdə "Cercis Murat Konağı" adlı turistik restoran açıb. O, həmçinin Mardində "Zamarot 1890" adlı başqa bir restoranın da əsasını qoyub. Dəmir əsasən Anadolu mətbəxinin xüsusiyyətlərinə diqqət yetirir.[3]
Ebru Dəmir ailəlidir və üç övladı var.[2]
Fəaliyyəti
[redaktə | vikimətni redaktə et]Dəmir qadınların məşğulluğunu və biomüxtəlifliyi hədəfləyən sosial layihələrdə iştirak edib. O, "Torpaqdan Boşqaba Kənd Təsərrüfatının İnkişafı Koaktivi"nin təsisçisidir və "Torpaqdan Torpağa Bioloji Parçalanan Tullantıların İdarə Edilməsi" adlı kənd təsərrüfatı layihəsini başladıb. Bu fəaliyyət çərçivəsində Mesopotamiyanın ən qədim buğdası olan "Sorgül" buğdası yenidən çoxaldılıb.[2]
HBO Max platforması Demir haqqında "Dünyanın 12 Sıfır Tullantı Şefi" (12 Zero-Waste Chefs of the World) adlı sənədli film hazırlayıb. O, Birləşmiş Millətlər Təşkilatının Ümumdünya Turizm Təşkilatı tərəfindən təşkil edilən Ümumdünya Qastronomiya Turizmi Forumunda Türkiyəni təmsil edib.[4][5]
"Ümid Mətbəxi" və "Harran Qastronomiya Məktəbi" kimi layihələri vasitəsilə Demir həm suriyalı qaçqınlara, həm də yerli qadınlara çörəkbişirmə, bağçılıq, əkinçilik və göbələk yetişdirilməsi kimi bacarıqlar öyrədərək köməklik göstərib. Onun layihələrinə onlar üçün savadlılıq proqramları da daxildir.[6][7]
6 fevral 2023-cü ildə Türkiyənin cənub və mərkəzi hissələrində baş verən zəlzələdən sonra Dəmir Hatayda hələ də fəaliyyət göstərən bir xeyriyyə mətbəxi (aşevi) qurub.[8]
Mükafatları
[redaktə | vikimətni redaktə et]Dəmir müxtəlif mükafatlara, o cümlədən "Basque Culinary World Prize" (2023) və **"Aenne Burda Yaradıcı Liderlik Mükafatı"**na (2023) layiq görülüb.[1][4][9]
İstinadlar
[redaktə | vikimətni redaktə et]- 1 2 Buse Keskin. "Ebru Baybara Demir 1st Turkish female chef to win Nobel of gastronomy". en:Daily Sabah. Istanbul. 8 iyun 2023. 8 iyun 2023 tarixində arxivləşdirilib. İstifadə tarixi: 8 iyun 2023.
- 1 2 3 "Şef Ebru Baybara Demir Kimdir?". Lezzet (türk). 8 iyun 2023 tarixində arxivləşdirilib. İstifadə tarixi: 8 iyun 2023.
- ↑ Katharina Richter. "The Aenne Burda Award goes to Ebru Baybara Demir". Hubert Burda Media. 14 yanvar 2023. İstifadə tarixi: 8 iyun 2023.
- 1 2 "Keynote Speaker. Ebru Baybara Demir". Speaker Agency. 8 iyun 2023 tarixində arxivləşdirilib. İstifadə tarixi: 8 iyun 2023.
- ↑ "Ebru Baybara Demir kimdir?". NTV (türk). 27 dekabr 2022. 8 iyun 2023 tarixində arxivləşdirilib. İstifadə tarixi: 8 iyun 2023.
- ↑ Michael Karsh. "Turkish Chef Creates Humanitarian Aid Through Social Gastronomy". en:Food Tank. 12 may 2021. İstifadə tarixi: 8 iyun 2023.
- ↑ Patrick Keddie. "'We Have to Help These People'". Eater. 25 yanvar 2021. 8 iyun 2023 tarixində arxivləşdirilib. İstifadə tarixi: 8 iyun 2023.
- ↑ "Turkiye woman chef brings 'gastronomy's Nobel' to Turkiye". Middle East Monitor. 8 iyun 2023. 8 iyun 2023 tarixində arxivləşdirilib. İstifadə tarixi: 8 iyun 2023.
- ↑ "Ebru Baybara Demir". Basque Culinary World Prize. 7 iyun 2023 tarixində arxivləşdirilib. İstifadə tarixi: 8 iyun 2023.
Xarici keçidlər
[redaktə | vikimətni redaktə et]- ebrubaybarademir.com/kimdir/ — rəsmi saytı