Edqar Davids

Vikipediya, azad ensiklopediya
Jump to navigation Jump to search
Edqar Davids
nid. Edgar Davids
Edgar Davids.jpg
Ümumi məlumatlar
Doğum tarixi 13 mart 1973(1973-03-13)[1][2][3] (49 yaş)
Doğum yeri
Vətəndaşlığı
Boyu 168 sm[4]
Çəkisi 69 kq[4]
Mövqeyi yarımmüdafiəçi
Vikianbarın loqosu Vikianbarda əlaqəli mediafayllar

Edgar Steven Davids (Niderlandca tələffüz: [ˈɛdɡɑr ˈdaːvɪts]  ( dinlə) ;13 mart 1973[1][2][3], Paramaribo) — Surinam əsilli Niderlandlı keçmiş peşəkar futbolçu. Hal hazırda məşqçilik fəaliyyəti ilə məşğuldur.

Karyerasına Ayaks klubunda başlayıb. Niderland nəhəngi ilə bir neçə yerli və beynəlxalq titullar qazandıqdan sonra, İtaliyanın Milan klubuna transfer edilir. Futbolçu aha sonra Yuventusa keçir. Sonralar Barselona, İnter Milan, Tottenham Hotspur və Kristal Palas klublarında çıxış edib.

Futbolçu Niderland milli komandasının heyətində 74 oyunda oynayaraq 6 qol vurub.

Öz nəslinin ən böyük və ən tanınan oyunçularından biri olan Davids tez-tez qlaukoma səbəbiylə taxdığı saçları və qoruyucu eynəkləri ilə futbol meydançasında fərqlənirdi.[5][6] Döyüşkən və enerjili, eyni zamanda yaradıcı və bacarıqlı yarımmüdafiəçi olan Davids aqressivliyi, mövqe seçmə və sərt mübarizə tərzinə görə Lui van Qaal tərəfindən "Pitbull" ləqəbini alıb.[7][8]

2004-cü ildə o, Pele tərəfindən seçilmiş, FIFA 100 dünyanın ən yaxşı yaşayan futbolçuları siyahısında yer alır.

Həyatı[redaktə | mənbəni redaktə et]

Davids Surinamda anadan olub və afro-surinamlı və ana nənəsi tərəfindən qismən yəhudi mənşəlidir.[9]

Davids körpə ikən ailə Hollandiyaya köçur. Onun əmisi oğlu Lorenzo da futbolçudur.

Klub karyerası[redaktə | mənbəni redaktə et]

Ayaks[redaktə | mənbəni redaktə et]

Davids karyerasına 12 yaşında Ayaks klubunda başlayıb. O, komandada debütünü 6 sentyabr 1991-ci ildə "RKC Waalwijk" üzərində 5–1 hesablı ev oyununda edir.

Davids, Amsterdam klubu ilə üç Erediviziya çempionluğu, həmçinin 1992 UEFA Kuboku və 1995 UEFA Çempionlar Liqası çempionluğunu qazanır.

Milan və Yuventus[redaktə | mənbəni redaktə et]

28 may 2003-cü ildə UEFA Çempionlar Liqasının finalında " Yuventus "un futbolçusu Davids və " Milan "ın futbolçusu Cennaro Qattuzo toqquşub .

1996–97 mövsümünün əvvəlində Davids komanda yoldaşı Maykl Reizigerlə birlikdə Milana transfer edilir. Mövcud çempion Milanın iki dəfə baş məşqçi dəyişdiyi və A Seriyasını 11-ci pillədə bitirdiyi uğursuz mövsümdə Davids 23 fevral 1997-ci ildə Peruca ilə oyunda zədələnərək ayağını sındırır. Zədədən sonra komandadakı yerini bərpa edə bilmədiyi üçün 1997-ci ilin dekabrında 9 milyard italyan lirəsi (3 milyon funt sterlinq) transfer haqqı qarşılığında Yuventusa transfer edilir.

Yuventusda o, tezliklə daimi əsas komandasının üzvü olur. Yuventusda adətən sol cinahda və ya mərkəzdə dayaq yarımmüdafiəçisi kimi çıxış edərək, fransız oyun qurucusu Zinəddin Zidanla birlikdə diqqətəlayiq orta sahə tandemi yaradır.[10]

Davids Yuventus ilə 1998, 2002 və 2003-cü illərdə A Seriya çempionluğu, həmçinin iki İtaliya Superkuboku qazanmaqla Turində altı uğurlu mövsüm keçirdir. Yuventusun məşqçisi Marsello Lippi bir dəfə onu "mənim tək adamlıq maşın otağım" adlandırır.[11]

Barselona (icarə)[redaktə | mənbəni redaktə et]

Davids 2004-cü ilin yanvarında "Yuventus"dan icarə əsasında Barselona klubuna keçir. Klubun orta sıralarda qərarlaşdığı bir mövsümün ortasında komandaya gələn Davids, Barsanın inkişafına kömək edir və klub mövsümu Valensiyadan sonra ikinci yerdə bitirir.

Davidsin gəlişi Kataloniya klubunun 2000-ci illərin ortalarından axırlarına qədər (onillik) İspaniya və Avropa futbolunda dominantlığının katalizatoru kimi göstərilir.

İnter Milan və Tottenhem Hotspur[redaktə | mənbəni redaktə et]

2004-cü ilin yayında Davids üç illik müqavilə ilə İtaliyanın İnter Milan klubuna keçir.[12]

İnter 2005-ci ilin avqustunda onunla müqaviləsinin qalan hissəsini pozur.

İnterdən sonra futbolçu azad agent kimi Tottenhem Hotspur klubuna keçir.[13]

Ayaksa dönuş[redaktə | mənbəni redaktə et]

Davids Ajax komandasının meneceri David Endti Ajax-dakı ikinci dövründə qucaqlayır, arxada Tomas Vermaelen və Gregory van der Wiel .

Davids 28 yanvar 2007-ci ildə Niderlanda qayıdaraq Ayaks ilə müqavilə imzalayır.

Kristal Palas[redaktə | mənbəni redaktə et]

20 avqust 2010-cu ildə Davids İngiltərə Çempionatı klubu Kristal Palas ilə müqavilə bağlamışdır.

Milli karyerası[redaktə | mənbəni redaktə et]

Davids (8 nömrəli forma), Avro 2004-də İsveçə qarşı oyunda.

Davids Niderlan millisində debütünü 20 aprel 1994-cü ildə Tilburqda İrlandiya Respublikasına qarşı oyunda etmişdir.

Məşqçilik karyerası[redaktə | mənbəni redaktə et]

2011-ci ilin iyununda Davids Yohan Kroyf ilə birlikdə Ayaksda komandanın müşahidə şurasına seçilmişdir.

Barnet[redaktə | mənbəni redaktə et]

Davids 2013-cü ildə Barnetdə oynayan məşqçi olan zaman

2010-cu ildən Davids Londonda yaşamağa başlayır və küçə futbolunda iştirak edir, həmçinin bazar günü həvəskar komanda olan "Brixton Yunayted" klubunu çalışdırır. 11 oktyabr 2012-ci ildə Davids, Mark Robsonla birlikdə oynayan məşqçi kimi İkinci Liqa komandası olan Barnetə qoşulur.

Telstar[redaktə | mənbəni redaktə et]

2020-ci ildə Davids Hollandiyanın Eerste Divisie klubunun Telstar komandasına köməkçi məşqçi təyin edilir.

4 yanvar 2021-ci ildə Davids Portuqaliya komandasının SC Olhanense klubunun baş məşqçisi elan edilir. 19 iyul 2021-ci kl tarxində buradakı vəzifəsindən qovulur

Nailiyyətlər[redaktə | mənbəni redaktə et]

Ayaks

Yuventus

İnter Milan

Niderlans Millisi

Fərdi

  • UEFA Avropa Çempionatının Turnirin Komandası : 2000
  • FIFA Dünya Kuboku Bütün Ulduzlar Komandası : 1998
  • FIFA 100

İstinadlar[redaktə | mənbəni redaktə et]

  1. ↑ 1 2 Edgar Davids // Transfermarkt (çd.). 2000.
  2. ↑ 1 2 Edgar Steven Davids // Enciclopèdia de l'esport català (kat.). Grup Enciclopèdia Catalana, 2012.
  3. ↑ 1 2 EDGAR DAVIDS // Base de Datos del Futbol Argentino (isp.).
  4. ↑ 1 2 https://www.eurosport.com/football/edgar-davids_prs239/person.shtml.
  5. ↑ "Goggles are Davids' most glaring feature".
  6. ↑ ""Dedicated followers of fashion"".
  7. ↑ "Edgar Davids: One-on-One".
  8. ↑ ""Davids: Dutch can go all the way"".
  9. ↑ (#empty_citation)
  10. ↑ "David v Goliath?".
  11. ↑ (#empty_citation)
  12. ↑ inter.it, Edgar Davids joins Inter, 11 July 2004
  13. ↑ [1], Tottenham complete Davids signing, 3 August 2005

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Edqar_Davids&oldid=6508096"