Elçin Həşimov

Vikipediya, açıq ensiklopediya
Jump to navigation Jump to search
Elçin Həşimov
Elçin Həşimov.jpg
Sənətçi məlumatları
Doğum tarixi 5 sentyabr 1973(1973-09-05) (46 yaş)
Doğum yeri
Vətəndaşlığı
Peşəsi musiqiçi

Musiqi aləti tar
Mükafatları "Azərbaycan Respublikasının əməkdar artisti" fəxri adı — 2007

Elçin Ləzgi oğlu Həşimov (d. 5 sentyabr 1973(1973-09-05), Bakı) — Azərbaycan tarzəni, Azərbaycanın əməkdar artisti (2007).

Həyatı[redaktə | əsas redaktə]

Elçin Ləzgi oğlu Həşimov 1973-cü il sentyabr ayının 5-də Bakı şəhərində anadan olub. 1992-ci ildə A.Zeynallı adına Bakı Musiqi texnikumunu, 1997-ci ildə isə Bakı Musiqi Akademiyasının xalq çalğı alətləri şöbəsini (tar) bitirmişdir.

Əmək fəaliyyətinə 1997-ci ildə A.Zeynallı adına Bakı Musiqi texnikumunda müəllim kimi başlamışdır. Hazırda həm də Azərbaycan Milli konservatoriyasında çalışır.

1999-cu ildən Azərbaycan Dövlət Akademik Opera və Balet teatrının simfonik orkestrində çalışır. Tar qrupunun yüksək dərəcəli artistidir.

Bir çox muğam tamaşaları "Leyli və Məcnun", "Aşıq Qərib", "Gəlin qayası", "Şah İsmayıl" operaları və Niyazinin "Rast" baletində solo partiyaları yüksək professionallıqla ifa edir.

E.Həşimov bu gün çox populyar olan bir çox muğam ifaçıları – xalq artistləri Mənsum İbrahimov, Nəzakət Teymurova, Aygün Bayramova və s. ilə birgə muğam üçlüklərinin tərkibində geniş konsert fəaliyyəti ilə məşğul olur.

Mahir bir tarzən kimi milli musiqi sənətimizi dünyanın bir çox ölkələrində ABŞ, Fransa, Almaniya, İngiltərə, İsveç, İsveçrə, Finlandiya, Hollandiya, İran, Türkiyə, Rusiya, Ukrayna və s. ləyaqətlə təmsil etmişdir.

15 may 2007-ci ildə "Azərbaycan Respublikasının əməkdar artisti" fəxri adına,[1] 30 aprel 2014-cü ildə,[2] 6 may 2015-ci ildə,[3] 6 may 2016-cı ildə,[4] 1 may 2017-ci ildə[5]9 may 2018-ci ildə[6] Prezident Mükafatına layiq görülmüşdür.

Filmoqrafiya[redaktə | əsas redaktə]

  1. Güllələnmiş heykəllər (film, 2002)
  2. Məhəllə 2 Moskvada (film, 2004)
  3. Biz qayıdacağıq (film, 2007)

İstinadlar[redaktə | əsas redaktə]

Xarici keçidlər[redaktə | əsas redaktə]

  • Elçin Həşimov - Rast muğamı (TAR) [1]
  • Elçin Həşimov - Zabul Segah muğamı (TAR) [2]
  • Mənsum İbrahimov - Şur muğamı (Elçin Həşimov - Tar, Elnur Əhmədov - Kamança) [3]
  • Mənsum İbrahimov, Təyyar Bayramov, Arzu Əliyeva - Qarabağ Şikəstəsi [4]