Elçin Mirzəbəyli

Vikipediya, açıq ensiklopediya
Jump to navigation Jump to search
Elçin Mirzəbəyli
Elçin Əbdülrəhim oğlu Mirzəbəyli
Fotoqrafiya
Doğum tarixi 12 avqust 1967 (1967-08-12) (51 yaş)
Doğum yeri Flag of the Soviet Union.svg SSRİ
Flag of the Azerbaijan Soviet Socialist Republic.svg Azərbaycan SSR, Lənkəran
Atası Mirzəbəyli Əbdülrəhim Cəlil oğlu
Anası Hüseynova Şərqiyyə İbrahim qızı
Təhsili
Fəaliyyəti jurnalist
Mükafatları "Tərəqqi" medalı

Elçin Mirzəbəyli (tam adı: Mirzəbəyli Elçin Əbdülrəhim oğlu) — politoloq, jurnalist, şair

Həyatı[redaktə | əsas redaktə]

Elçin Mirzəbəyli 12 avqust 1967-ci ildə Lənkəran şəhərində doğulub.

Təhsili[redaktə | əsas redaktə]

Azərbaycan Dövlət Mədəniyyət və İncəsənət Universitetini və Sankt-Peterburq Teatr, Musiqi və Kinematoqrafiya İnstitutunu bitirib.

Əmək fəaliyyəti[redaktə | əsas redaktə]

Azərbaycan Dövlət Mədəniyyət və İncəsənət Universitetində, Azərbaycan Respublikasının Mədəniyyət Nazirliyində müxtəlif vəzifələrdə çalışıb.

"Sevil" kinoteatrının direktoru, "Sara" TV-nin "Xəbər" departamenti direktorunun müavini və redaktoru, "Üç nöqtə" qəzetinin redaktoru olub. Azərbaycan Dövlət Televiziyasında (AzTV), "Space", "Sara" telekanalında müəllif proqramları ilə çıxış edib. Məhəmməd Füzulinin 500 illiyinə həsr olunmuş filmin rejissoru, Bəxtiyar Vahabzadə, Rüstəm Behrudi və digər görkəmli şəxslər haqqında çəkilmiş filmlərin müəllifi və rejissorudur.

Naxçıvan Dövlət Musiqili Dram Teatrında Nəriman Nərimanovun "Nadir şah" dramına quruluş verib. Quruluşçu rejissoru olduğu "Nadir şah" dramı paytaxt Bakıda və Azərbaycanın müxtəlif bəlgələrində, eləcə də Türkiyədə, İranda uğurla nümayiş etdirilib. Mədəniyyət Nazirliyində çalışdığı dövrlərdə bir çox dövlət tədbirlərinin ssenari müəllifi, rejissoru və redaktoru olub. Onların arasında Azərbaycan Demokratik Respublikasının 80, Şeyx Şamilin 200 illiyinə həsr olunmuş tədbirlər mühüm yer tutur. Milli Azadlıq Hərəkatının marşı olan, hal-hazırda Azərbaycan Respublikasının Silahlı Qüvvələrində ifa olunan, orta ümumtəhsil müəssisələrində tədris edilən "Azadlıq" marşının müəllifidir. Şeirlərinə Abbas Əhməd, Nailə Mirməmmədli, Hikmət Mirməmmədli, Hatəm Nəbioğlu və digər tanınmış musiqiçi və bəstəkarlar tərəfindən mahnılar bəstələnib. Bu mahnıların arasında Abbas Əhmədin ifa etdiyi "Ürəyim yanar" mahnısı daha çox populyarlıq qazanıb. Şeirləri, esseləri və publisistik məqalələri Azərbaycan, Türkiyə, İtaliya, Özbəkistan və Rusiyada nəşr olunub. Azərbaycan Yazıçılar Birliyinin üzvüdür. Gündəlik yayımlanan "Xalq Cəbhəsi" qəzetinin, Azərbaycan və İtalyan dillərində yayımlanan "Via della Seta" (İpək yolu) jurnalının baş redaktoru və Beymedia İnformasiya Agentliyinin baş direktorudur.

Azərbaycan Mətbuat Şurası İdarə Heyətinin, Azərbaycan Yazıçılar Birliyinin və Beynəlxalq Mətbuat İnstitutunun (İnternational Press İnstitute) üzvüdür.

Bakı Natiqlik Məktəbi İctimai Birliyinin sədridir.

Siyasi fəaliyyəti[redaktə | əsas redaktə]

Bütöv Azərbaycan Xalq Cəbhəsi Partiyası (BAXCP) sədrinin müavinidir.

2003-cü ildə Azərbaycan Respublikası prezidentliyə namizəd Qüdrət Həsənquliyevin Azərbaycan Respublikası Mərkəzi Seçki Komissiyasında məşvərətçi səs hüquqlu üzvü olmuşdur[1].

2008-ci ildə Azərbaycan Respublikası Prezidentinin seçkilərində Bütöv Azərbaycan Xalq Cəbhəsi Partiyasının Azərbaycan Respublikası Mərkəzi Seçki Komissiyasında səlahiyyətli nümayəndələrindən biri olmuşdur[2].

Kitabları[redaktə | əsas redaktə]

  • "Bir gecənin tənhalığı" şeir kitabı.
  • "İtirilmiş vaxtın adamı" şeir kitabı.
  • "Poz bu sükutu" şeir kitabı.
  • "Sevgi məktubları" şeir kitabı

Filmoqrafiya[redaktə | əsas redaktə]

  1. Vicdan haqqı (teleserial, 2016) - şeirlərindən istifadə olunan

Mükafatları[redaktə | əsas redaktə]

  • 21.07.2010 — Flag of Azerbaijan.svg "Tərəqqi" medalı[3].
  • 2013-cü ildə Beynəlxalq Türk Mədəniyyəti Təşkilatı TÜRKSOY-un Basın Onur Ödülünə (Mətbuat Şərəf Mükafatı) layiq görülüb.
  • 2013-cü il iyulun 22-də Ali Media Mükafatı ilə təltif olunub.

İstinadlar[redaktə | əsas redaktə]

  1. "E.Ə.Mirzəbəylinin prezidentliyə namizəd Q.M.Həsənquliyevin Mərkəzi Seçki Komissiyasında məşvərətçi səs hüquqlu üzvü kimi təsdiq edilməsi haqqında" Azərbaycan Respublikası Mərkəzi Seçki Komissiyasının 15 avqust 2003-cü il tarixli, 24/177 nömrəli Qərarı.  (azərb.)
  2. "Azərbaycan Respublikasının Prezidenti seçkilərində bəzi partiyaların səlahiyyətli nümayəndələri və maliyyə məsələləri üzrə səlahiyyətli nümayəndələri barədə" Azərbaycan Respublikası Mərkəzi Seçki Komissiyasının 12 avqust 2008-ci il tarixli, 11/52 nömrəli Qərarı.  (azərb.)
  3. "Azərbaycan Respublikasının mətbuat işçilərinin “Tərəqqi” medalı ilə təltif edilməsi haqqında" Azərbaycan Respublikası Prezidentinin 21 iyul 2010-cu il tarixli, 1037 nömrəli Sərəncamı. e-qanun.az  (azərb.)