Elçin Mirzəbəyli

Elçin Mirzəbəyli
Elçin Mirzəbəyli
Bütöv Azərbaycan Xalq Cəbhəsi Partiyasının ictimai-siyasi məsələlər üzrə katibi
	Vəzifədədir
	30 aprel 2018
Sədr	Qüdrət Həsənquliyev
Baş katib	Yaşar Kələntərli
Bütöv Azərbaycan Xalq Cəbhəsi Partiyasının beynəlxalq məsələlər üzrə katibi
	? – ?
Sədr	Qüdrət Həsənquliyev
Baş katib	Yaşar Kələntərli
Şəxsi məlumatlar
Doğum tarixi	12 avqust 1967 (55 yaş)
Doğum yeri	Lənkəran, Lənkəran rayonu, Azərbaycan SSR, SSRİ;
Partiya	Bütöv Azərbaycan Xalq Cəbhəsi Partiyası;
Təhsili	Azərbaycan Dövlət Mədəniyyət və İncəsənət Universiteti;
Təltifləri	;

Elçin Əbdülrəhim oğlu Mirzəbəyli (12 avqust 1967, Lənkəran) — əməkdar jurnalist, şair, siyasi ekspert.^[4]

Həyatı[redaktə | mənbəni redaktə et]

Elçin Mirzəbəyli 12 avqust 1967-ci ildə Lənkəran şəhərində doğulub.

Azərbaycan Dövlət Mədəniyyət və İncəsənət Universitetini və Rusiya Dövlət Səhnə Sənətləri İnstitutunu (Sankt-Peterburq Teatr, Musiqi və Kinematoqrafiya İnstitutu) bitirib^[5].

Əmək fəaliyyəti[redaktə | mənbəni redaktə et]

Azərbaycan Dövlət Mədəniyyət və İncəsənət Universitetində, Azərbaycan Respublikasının Mədəniyyət Nazirliyində müxtəlif vəzifələrdə çalışıb.

"Sevil" kinoteatrının direktoru, "Sara" TV-nin "Xəbər" departamenti direktorunun müavini və redaktoru, "Üç nöqtə" qəzetinin redaktoru olub. 2015–2017-ci illərdə Lider Televiziyasında "Geosiyasət" proqramının müəllifi və aparıcısı, 2017–2019-cu illərdə Xəzər TV-də gündəlik "Xəzər Aktual" proqramının aparıcısı olub. Azərbaycan Dövlət Televiziyasında (AzTV), "Space", "Sara" telekanalında müəllif proqramları ilə çıxış edib. Məhəmməd Füzulinin 500 illiyinə həsr olunmuş filmin rejissoru, Bəxtiyar Vahabzadə, Rüstəm Behrudi və digər görkəmli şəxslər haqqında çəkilmiş filmlərin müəllifi və rejissorudur.

Naxçıvan Dövlət Musiqili Dram Teatrında Nəriman Nərimanovun "Nadir şah" dramına quruluş verib. Quruluşçu rejissoru olduğu "Nadir şah" dramı paytaxt Bakıda və Azərbaycanın müxtəlif bəlgələrində, eləcə də Türkiyədə, İranda uğurla nümayiş etdirilib. Mədəniyyət Nazirliyində çalışdığı dövrlərdə bir çox dövlət tədbirlərinin ssenari müəllifi, rejissoru və redaktoru olub. Onların arasında Azərbaycan Demokratik Respublikasının 80, Şeyx Şamilin 200 illiyinə həsr olunmuş tədbirlər mühüm yer tutur. Milli Azadlıq Hərəkatının marşı olan, hal-hazırda Azərbaycan Respublikasının Silahlı Qüvvələrində ifa olunan, orta ümumtəhsil müəssisələrində tədris edilən "Azadlıq" marşının müəllifidir. Şeirlərinə Abbas Əhməd, Xanım İsmayılqızı, Nailə Mirməmmədli, Hikmət Mirməmmədli, Hatəm Nəbioğlu və digər tanınmış musiqiçi və bəstəkarlar tərəfindən mahnılar bəstələnib. Bu mahnıların arasında Abbas Əhmədin ifa etdiyi "Ürəyim yanar" mahnısı daha çox populyarlıq qazanıb. Şeirləri, esseləri və publisistik məqalələri Azərbaycan, Türkiyə, İtaliya, Özbəkistan və Rusiyada nəşr olunub. "Xalq Cəbhəsi" qəzetinin, Azərbaycan və İtalyan dillərində yayımlanan "Via della Seta" (İpək yolu) jurnalının baş redaktoru və Beymedia İnformasiya Agentliyinin baş direktorudur.

Azərbaycan Mətbuat Şurası İdarə Heyətinin, Azərbaycan Yazıçılar Birliyi İdarə Heyətinin və Beynəlxalq Mətbuat İnstitutunun (İnternational Press İnstitute) üzvüdür.

Bakı Natiqlik Məktəbi İctimai Birliyinin sədridir.

Siyasi fəaliyyəti[redaktə | mənbəni redaktə et]

Bütöv Azərbaycan Xalq Cəbhəsi Partiyası (BAXCP) sədrinin müavinidir.

2003-cü ildə Azərbaycan Respublikası prezidentliyə namizəd Qüdrət Həsənquliyevin Azərbaycan Respublikası Mərkəzi Seçki Komissiyasında məşvərətçi səs hüquqlu üzvü olmuşdur^[6].

2008-ci ildə Azərbaycan Respublikası Prezidentinin seçkilərində Bütöv Azərbaycan Xalq Cəbhəsi Partiyasının Azərbaycan Respublikası Mərkəzi Seçki Komissiyasında səlahiyyətli nümayəndələrindən biri olmuşdur^[7].

Kitabları[redaktə | mənbəni redaktə et]

"Bir gecənin tənhalığı" şeir kitabı.
"İtirilmiş vaxtın adamı" şeir kitabı.
"Poz bu sükutu" şeir kitabı.
"Sevgi məktubları" şeir kitabı

Filmoqrafiya[redaktə | mənbəni redaktə et]

Vicdan haqqı (teleserial, 2016) — şeirlərindən istifadə olunan

Mükafatları[redaktə | mənbəni redaktə et]

21.07.2010 — "Tərəqqi" medalı^[8].
2013-cü ildə Beynəlxalq Türk Mədəniyyəti Təşkilatı TÜRKSOY-un Basın Onur Ödülünə (Mətbuat Şərəf Mükafatı) layiq görülüb.
2013-cü il iyulun 22-də Ali Media Mükafatı ilə təltif olunub.[1] ^{[ölü keçid]}
Azərbaycan Respublikasının Prezidentinin 2019-cu il 25 iyul tarixli sərəncamı ilə "Azərbaycan Xalq Cümhuriyyətinin 100 illiyi (1918-2018)" yubiley medalı ilə təltif olunub
22.07.2020 — Azərbaycan Respublikasının əməkdar jurnalisti

İstinadlar[redaktə | mənbəni redaktə et]

↑ "Mirzəbəyli və Orduxanlı müavin təyin olundular". 2023-04-10 tarixində arxivləşdirilib. İstifadə tarixi: 2023-04-10.
↑ "BAXCP-də yeni təyinatlar". 2023-04-10 tarixində arxivləşdirilib. İstifadə tarixi: 2023-04-10.
↑ "Qüdrət Həsənquliyev yenidən sədr seçilib". 2023-04-15 tarixində arxivləşdirilib. İstifadə tarixi: 2023-04-10.
↑ "Azərbaycan Respublikasının kütləvi informasiya vasitələrinin əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı". 2021-12-26 tarixində arxivləşdirilib. İstifadə tarixi: 2020-08-17.
↑ "Arxivlənmiş surət". 2022-05-31 tarixində arxivləşdirilib. İstifadə tarixi: 2022-01-28.
↑ "E. Ə. Mirzəbəylinin prezidentliyə namizəd Q. M. Həsənquliyevin Mərkəzi Seçki Komissiyasında məşvərətçi səs hüquqlu üzvü kimi təsdiq edilməsi haqqında" Azərbaycan Respublikası Mərkəzi Seçki Komissiyasının 15 avqust 2003-cü il tarixli, 24/177 nömrəli Qərarı. ^{[ölü keçid]} (az.)
↑ "Azərbaycan Respublikasının Prezidenti seçkilərində bəzi partiyaların səlahiyyətli nümayəndələri və maliyyə məsələləri üzrə səlahiyyətli nümayəndələri barədə" Azərbaycan Respublikası Mərkəzi Seçki Komissiyasının 12 avqust 2008-ci il tarixli, 11/52 nömrəli Qərarı. ^{[ölü keçid]} (az.)
↑ "Azərbaycan Respublikasının mətbuat işçilərinin "Tərəqqi" medalı ilə təltif edilməsi haqqında" Azərbaycan Respublikası Prezidentinin 21 iyul 2010-cu il tarixli, 1037 nömrəli Sərəncamı. e-qanun.az ^{[ölü keçid]} (az.)

[1] "Mirzəbəyli və Orduxanlı müavin təyin olundular". 2023-04-10 tarixində arxivləşdirilib. İstifadə tarixi: 2023-04-10.

[2] "BAXCP-də yeni təyinatlar". 2023-04-10 tarixində arxivləşdirilib. İstifadə tarixi: 2023-04-10.

[3] "Qüdrət Həsənquliyev yenidən sədr seçilib". 2023-04-15 tarixində arxivləşdirilib. İstifadə tarixi: 2023-04-10.

[4] "Azərbaycan Respublikasının kütləvi informasiya vasitələrinin əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı". 2021-12-26 tarixində arxivləşdirilib. İstifadə tarixi: 2020-08-17.

[5] "Arxivlənmiş surət". 2022-05-31 tarixində arxivləşdirilib. İstifadə tarixi: 2022-01-28.

[6] "E. Ə. Mirzəbəylinin prezidentliyə namizəd Q. M. Həsənquliyevin Mərkəzi Seçki Komissiyasında məşvərətçi səs hüquqlu üzvü kimi təsdiq edilməsi haqqında" Azərbaycan Respublikası Mərkəzi Seçki Komissiyasının 15 avqust 2003-cü il tarixli, 24/177 nömrəli Qərarı. ^{[ölü keçid]} (az.)

[7] "Azərbaycan Respublikasının Prezidenti seçkilərində bəzi partiyaların səlahiyyətli nümayəndələri və maliyyə məsələləri üzrə səlahiyyətli nümayəndələri barədə" Azərbaycan Respublikası Mərkəzi Seçki Komissiyasının 12 avqust 2008-ci il tarixli, 11/52 nömrəli Qərarı. ^{[ölü keçid]} (az.)

[8] "Azərbaycan Respublikasının mətbuat işçilərinin "Tərəqqi" medalı ilə təltif edilməsi haqqında" Azərbaycan Respublikası Prezidentinin 21 iyul 2010-cu il tarixli, 1037 nömrəli Sərəncamı. e-qanun.az ^{[ölü keçid]} (az.)

[1]

[2]

[3]

[4]

[5]

[6]

[7]

[8]