Elşən Əzim

Elşən Əzim
Elşən Əzim
Doğum tarixi	28 avqust 1975 (49 yaş)
Doğum yeri	Zülfüqarlı, Kəlbəcər rayonu, Azərbaycan SSR, SSRİ;
Təhsili	Gəncə Dövlət Universiteti (–2002),; Bakı Slavyan Universitetinin Yaradıcılıq fakültəsi[d] (–2008);
Fəaliyyəti	şair, müəllim, yazıçı
İstiqamət	şeir, hekayə
Üzvlüyü	Azərbaycan Yazıçılar Birliyi (2003–),; Dünya Gənc Türk Yazarlar Birliyi;

Elşən Əzim (Elşən Baxşeyiş oğlu Əzimov; 28 avqust 1975, Zülfüqarlı, Kəlbəcər rayonu) — Azərbaycan şairi, yazıçısı və pedaqoqu; Azərbaycan Yazıçılar Birliyi (2003) və Dünya Gənc Türk Yazarlar Birliyi məsləhət şurasının üzvü. "Söz odası" qəzetinin təsisçisi və baş redaktoru.

Həyatı

Elşən Əzim 28 avqust 1975-ci ildə Kəlbəcər rayonunun Zülfüqarlı kəndində müəllim ailəsində anadan olub. 2002-ci ildə Gəncə Dövlət Universitetinin filologiya, 2008-ci ildə isə Bakı Slavyan Universitetinin Yaradıcılıq fakültəsini bitirib.^[1]

Milli Qəhrəman Şahlar Şükürov adına Kəlbəcər rayon 35 nömrəli Zülfüqarlı kənd tam orta məktəbinin direktorudur.

Yaradıcılığı

2005-ci ildə Mingəçevir şəhərində "Sovqat" uşaq qəzetinin baş redaktoru işləmiş, 2011-ci ildə "Söz odası" ədəbi bədii qəzetini təsis etmişdir. Azərbaycan ədəbiyyatını Türkiyədə, Qırğızıstanda, Özbəkistanda müxtəlif tədbirlərdə təmsil etmişdir.

Şeirləri rus, belarus, bolqar, türk, qırğız, qazax, özbək dillərinə tərcümə olunaraq həmin ölkələrin mətbuatında və şeir antologiyalarında çap olunmuşdur. Eyni zamanda Özbək, Qırğız, Qazax dillərindən Azərbaycan dilinə şeirlər poemalar tərcümə edərək Azərbaycan mətbuatında yayımlamışdır.

2013-cü ildə Qırğızıstanın paytaxtı Bişkek şəhərində düzənlənən "Türkcənin Uluslararası Şeir Şöləni"nin iştirakçısı olub.

Təltifləri

2013-cü ilin iyun ayında Türk Dünyası Yazarlarının Bakı Toplantısında Dünya Gənc Türk Yazarlar Birliyi tərəfindən Türk Dünyasına Xidmət Ödülü ilə mükafatlandırılıb.^[2]

Kitabları

Könlümə yağan yağış, Bakı, "Şur", 2000
Yuxu danışıram, Bakı, "Borçalı", 2006
İllərin o tayı, Bakı, "Qanun", 2014

İstinadlar

↑ Esmira Hidayətova, Fuad Bayramov. "Çox kövrək olmuşam" (az.). "Zaman" qəzeti. 2014-11-25. 2021-06-04 tarixində arxivləşdirilib. İstifadə tarixi: 2021-06-04.
↑ "Elşən Əzim – 40" (az.). kultur.az. 2015-08-28. 2021-06-04 tarixində arxivləşdirilib. İstifadə tarixi: 2021-06-03.

[1] Esmira Hidayətova, Fuad Bayramov. "Çox kövrək olmuşam" (az.). "Zaman" qəzeti. 2014-11-25. 2021-06-04 tarixində arxivləşdirilib. İstifadə tarixi: 2021-06-04.

[2] "Elşən Əzim – 40" (az.). kultur.az. 2015-08-28. 2021-06-04 tarixində arxivləşdirilib. İstifadə tarixi: 2021-06-03.

[1]

[2]