Elşən Qəni

Vikipediya, azad ensiklopediya
Jump to navigation Jump to search
Elşən Qəni
Elşən Soltan oğlu Qəniyev
ElşəJPGn Qəniyev..jpg
İlk adı Elşən
Təxəllüsü Qəni
Doğum tarixi 25 iyul 1965 (1965-07-25) (54 yaş)
Doğum yeri Qazyan, Ucar rayonu,
Azərbaycan Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Uşaqları Rəmzi, Türkay
Atası Soltan
Təhsili S.M. Kirov adına Azərbaycan Dövlət Universiteti
İxtisası Jurnalistika
Fəaliyyət illəri 1982–indi
Mükafatları "Qızıl qələm" mükafatı

Elşən Qəni — Elşən Soltan oğlu Qəniyevyazıçı-publisist, ssenarist, Azərbaycan Jurnalistlər Birliyinin üzvü

Həyatı[redaktə | əsas redaktə]

Elşən Soltan oğlu Qəniyev 25 iyul 1965-ci ildə Ucar rayonunun Qazyan kəndində ziyalı ailəsində anadan olub.

1972 ci ildə Qazyan kənd 1 nömrəli orta məktəbin 1-ci sinfinə gedib, 1982-ci ildə həmin məktəbin 10-cu sinfini əla qiymətlərlə bitirib.

Fəaliyyəti[redaktə | əsas redaktə]

1982-ci ildə Qazyan kəndində fəaliyyət göstərən Nizami adına kolxozda kolxozçu kimi ilk əmək fəaliyyətinə başlayıb.

1983-cü ildə o zamankı Azərbaycan Dövlət Universitetinin, indiki Bakı Dövlət Universitetinin jurnalistika fakültəsinə (qiyabi) daxil olub.

1984-1986-cı illərdə Rusiyanın Çita vilayətində Sovet ordusu sıralarında xidmət edib. Orduda nümunəvi xidmətinə görə o zamankı SSRİ-nin müdafiə nazirliyi tərəfindən “Əla hərbi inşaatçı” döş nişanı, qiymətli hədiyyələr, eləcə də ÜİLKGİ MK-nın laureatı adına layiq görülüb.

1986-cı ildə Sovet ordusundan tərxis olunduqdan sonra Ucar rayonunun “Nizami” kolxozunda komsomol komitəsinin katibi işləyib.

E.S. Qəniyev 1987-ci ilin oktyabr ayından 1991-ci ilin avqust ayına kimi Ucar rayonunda çıxan “Yeni söz” qəzetində Yerli radio verilişlərinin diktoru, Teletaypçı müxbir, kiçik ədəbi işçi, ədəbi işçi, müxbir və kənd təsərrüfatı şöbəsinin müdiri vəzifələrində çalışıb.

E.S. Qəniyev 1991-ci ilin avqust ayında Azərbaycan Həmkarlar İttifaqları Konfederasiyasının orqanı olan “Ülfət” qəzetinə işə dəvət olunub və 1992-ci ilin avqust ayına kimi orada müxbir vəzifəsində işləyib.

E.S. Qəniyev 1992-ci ilin avqust ayından 1994-cü ilin fevralına kimi Ucar rayon İcra Hakimiyyəti başçısının köməkçisi və müavini vəzifələrində çalışıb.

1994-cü ildən 2000-ci ilə kimi təsərrüfat fəaliyyəti ilə məşğul olub. “Rəmzi” Kəndli fermer təsərrüfatının və “Rəmzi İstehsalat ticarət firması”nın təsisçisi və direktoru olub.

E.S. Qəniyev 2000-ci ildən 2003-cü ilə kimi ”Şirvanın səsi” MMC-ni təsis etməklə eyni adlı regional qəzetin baş redaktoru olub.

2003-cü ildən 2010-cu ilə kimi Rusiya Federasiyasının Moskva şəhərində yaşamaqla biznes fəaliyyəti ilə məşğul olub.

E.S. Qəniyev 2010-cu ildən 2014-cü ilə kimi Bakı şəhərində yaşamaqla təsisçisi və baş redaktoru olduğu “Demokrat” qəzetində çalışıb.

2014-cü ildən müstəqil jurnalist kimi fəaliyyət göstərib.

Yaradıcılığı[redaktə | əsas redaktə]

Bu illər ərzində bir sıra mətbuat orqanlarında “Azadlıq hökmü” adlı povesti, “İki tale” hekayəsi, onlarca publisistik məqalələri dərc olunub. “Ağarəhim yaradıcılığının özəllikləri” adlı monoqrafiyası çap olunub.

“Xalqa həsr olunmuş ömür” (2016), “Səngərdə açılan səhər” (2017), “Ruhum sözümdür” (2017), “Qəhrəman Tərtər” (2018), ”Zirvəyə doğru” (2018), “Sumqayıt-Xəyalların gerçəkləşdiyi şəhər” (2018), “Zirvədən zirvəyə” (2018), “Qələbəyə gedən yol-Müsüslü döyüşləri” (2018), ”Vətən üçün yaşanmış ömür” (2019) sənədli filmlərinin müəllifidir.

Ailəsi[redaktə | əsas redaktə]

Ailəlidir, iki övladı var.

Mükafatları[redaktə | əsas redaktə]

Mətbuatda çoxillik səmərəli fəaliyyətinə görə 2012-ci ildə Azərbaycan jurnalistlərinin “Qızıl qələm” mükafatı laureatı adına layiq görülmüşdür.

Xarici keçidlər[redaktə | əsas redaktə]

Ucar rayonu

Ria24.az [[1]]

Demokrat (qəzet, Bakı) [[2]]