Elşad Ərşadoğlu

Vikipediya, açıq ensiklopediya
Jump to navigation Jump to search
Picto infobox auteur.png
ELŞAD ƏRŞADOĞLU
Elşad Ərşad oğlu Əliyev
Fotoqrafiya
Doğum tarixi
29 iyul 1986 (1986-07-29) (32 yaş)
Doğum yeri Füzuli, Yağlıvənd Flag of Azerbaijan.svg Azərbaycan

Əliyev Elşad Ərşad oğlu (Elşad Ərşadoğlu) — şair.

Həyatı[redaktə | əsas redaktə]

Elşad Ərşadoğlu (Əliyev) 29 iyul 1986-cı ildə Füzuli rayonunun Yağlıvənd kəndində anadan olub. 1993-cü ildən ailəsi ilə birlikdə məcburi köçkün kimi İsmayıllı rayonunun Quşencə kəndində məskunlaşıb. 2004-cü ildə həmin kənddə orta məktəbi bitirərək, Bakı Dövlət Universitetinin Filologiya fakültəsinə daxil olub. Həmin universitetdə Filologiya ixtisası üzrə 2004-2008-ci illərdə bakalavr, 2009-2011-ci illərdə Filologiya fakültəsində "Ədəbi tənqidin tarixi və nəzəriyyəsi" ixtisası üzrə magistratura təhsili alıb. 2008-2009-cu illərdə isə həqiqi hərbi xidmətdə olub.

2012-ci ildən 2013-cü ilə qədər Mədəniyyət və Turizm Nazirliyinin Nəşriyyat, reklamın təşkili və informasiya şöbəsində işləmişdir. 2013-cü ildən isə Mədəniyyət və Turizm Nazirliyinin Kinematoqrafiya şöbəsində çalışır.

Elşad Ərşadoğlu bədii yaradıcılıqla XX-əsrin 90-cı illərinin sonlarından məşğul olur. İlk şeri 2002-ci ildə “İnam Yolu” qəzetində çap olunub. Həmin vaxtdan Azərbaycan Yazıçılar Birliyinin ədəbi orqanlarında – “Azərbaycan”, “Ulduz” jurnallarında, “Ədəbiyyat” qəzetində, həmçinin “525-ci qəzet”, “Ədalət” və digər qəzet, jurnal və almanaxlarda, ədəbiyyat internet portallarında şeirləri ilə müntəzəm şəkildə çıxış edir. Şerləri italyan və türk dillərinə tərcümə olunaraq, İtaliyada və Türkiyədə çap olunmuşdur.

2007-ci ildə “Yarsan mənim ürəyimi...”, 2010-cu ildə “Kələfin ucu”, 2014-cü ildə isə “Eşqə doğru” adlı şeir kitabları işıq üzü görmüşdür.

2008-2010-cu illərdə M.F.Axundzadə adına Azərbaycan Milli Kitabxanasında fəaliyyət göstərmiş, Mədəniyyət və Turizm Nazirliyi ilə Azərbaycan Yazıçılar Birliyi tərəfindən yaradılan Gənc Ədiblər Məktəbinin məzunu olmuş, Diplomla təltif olunmuşdur.

2011-ci ildə Azərbaycan Respublikası Prezidentinin təqaüdünə layiq görülmüşdür.

2013-cü ildə Gənclər və İdman Nazirliyi tərəfindən ədəbiyyat sahəsindəki xidmətlərinə görə “İlin gənci” mükafatına layiq görülmüşdür.

2014-cü ildə Mədəniyyət və Turizm Nazirliyi tərəfindən 2 fevral Gənclər Gününə həsr olunmuş “Gəncliyin səsi” Festivalında Diplomla təltif edilmişdir.

2009-cü ildən Azərbaycan Yazıçılar Birliyinin üzvü, 2014-cü ildən isə Birliyin Gənclər Şurasının sədri və İdarə Heyətinin üzvüdür.

Kitabları[redaktə | əsas redaktə]

  1. "Yarsan mənim ürəyimi..." Bakı, 2007
  2. "Kələfin ucu" Bakı, 2010
  3. "Eşqə doğru" Bakı, 2014

Həmçinin bax[redaktə | əsas redaktə]