Elşad Hüseynov

ELŞAD HÜSEYNOV
Elşad Eynulla oğlu Hüseynov
Doğum tarixi	8 oktyabr 1960
Doğum yeri	Masallı rayonu, SSRİ
Vəfat tarixi	15 iyun 1992 (31 yaşında)
Vəfat yeri	Fərrux, Xocalı rayonu, Azərbaycan
Vəfat səbəbi	şəhid olmuşdur.
Dəfn yeri	Xıl, Masallı rayonu, Azərbaycan
Mükafatları

Elşad Hüseynov (8 oktyabr 1968(1968-10-08), Masallı, Masallı rayonu – 15 iyun 1992(1992-06-15), Fərrux, Xocalı rayonu) — Azərbaycanın Milli Qəhrəmanı; Qarabağ müharibəsi şəhidi.

Həyatı

1960-ci il 8 oktyabr Masallı rayonunun Xıl kəndində anadan olmuşdur. 1978-ci ildə burada məktəbi bitirib sovxozda işləyir. 1979-1981-ci illərdə Batumidə hərbi xidmətdə olmuşdur. Daha sonra Bakı şəhərində DİN-nin milis nəfəri kimi işə qəbul olunur. Ermənilərin doğma torpaqlarımıza basqınlarını görən Elşad cəbhəyə getmək istəyirdi, bir neçə dəfə müraciətdən sonra o cəbhəyə yola düşür.

Döyüşlərdə iştirakı

Elşad Cuvarlı, Ağbulaq və bir çox başqa kəndlərin azad edilməsində rəşadətlə vuruşdu. Onun şücaəti erməni qəsbkarlarını lərzəyə salmışdı. 15 iyun 1992-ci il döyüşçülərimiz Fərrux kəndini düşməndən azad etməli idilər. Elşad döyüşün qızğın yerində idi, mövqeyini dəyişmək istəyərkən düşmən gülləsinə tuş gəldi. Cəsur polis işçisinin ömrü beləcə qırıldı. Beləliklə, 1992-ci il 15 iyunda Ağdam-Fərrux istiqamətində gedən döyüşdə qəhrəmancasına şəhid olmuşdur.

Masallı rayonunun Xıl kəndində dəfn edilib.

Ailəsi

Ailəli idi, üç övladı yadigar qalıb.

Xatirəsi

Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə Hüseynov Elşad Eynulla oğluna ölümündən sonra "Azərbaycanın Milli Qəhrəmanı" adına layiq görülmüşdür.

Masallı rayonunda adına küçə var, büstü qoyulmuşdur.

Həmçinin bax

• Qarabağ müharibəsi
• Erməni terrorizmi
• Azərbaycanlıların Soyqırımı Günü

Mənbə

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 121.

Xarici keçidlər

• Hüseynov Elşad
• Elşad Hüseynov Arxivləşdirilib 2016-03-05 at the Wayback Machine