Elşad Məmmədov (milli qəhrəman)

Elşad Məmmədov
Şəxsi məlumatlar
Doğum tarixi	14 fevral 1975(1975-02-14)
Doğum yeri	Haçaqaya, Xanlar rayonu, Azərbaycan SSR, SSRİ
Vəfat tarixi	17 mart 1995(1995-03-17) (20 yaşında)
Vəfat yeri	Bakı, Azərbaycan
Dəfn yeri	Qırıxlı
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	1993-1995
Rütbəsi	Əsgər
Döyüşlər	Qarabağ müharibəsi
Təltifləri

Elşad Məmmədov (14 fevral 1975, Haçaqaya, Xanlar rayonu – 17 mart 1995, Bakı) — Azərbaycanın Milli Qəhrəmanı, Mart hadisələri zamanı dövlətçiliyimiz, suverenliyimiz uğrunda ömrünü qurban verərək şəhidlik zirvəsini fəth etmiş fateh.

Həyatı

Elşad Məmmədov 14 fevral 1975-ci ildə Göygöl rayonunun Haçaqaya kəndində anadan olmuşdur. 1990-cı ildə burada məktəbi bitirmişdir. 1993-cü ildə Milli Ordu sıralarına çağırılmışdır. Elşad Ağdərədə gedən qanlı döyüşlərdə iştirak etmişdir. 1995-ci il 13-17 mart hadisələri zamanı dövlətçiliyimizə xəyanət edən silahlı dəstənin zərərsizləşdirilməsi zamanı o qardaş gülləsinə tuş gəldi.

Ailəsi

Subay idi.

Milli Qəhrəman

Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Məmmədov Elşad Eldar oğlu ölümündən sonra "Azərbaycanın Milli Qəhrəmanı" adına layiq görülmüşdür.

Göygöl rayonunun Qırıxlı kəndində dəfn edilmişdir.

Haçaqaya kənd orta məktəbi qəhrəmanımız Elşad Məmmədovun adını daşıyır.

Daşkəsən yolu üstündə büstü qoyulub.

Ədəbiyyat

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 194.

Xarici keçidlər

• Məmmədov Elşad Arxivləşdirilib 2014-10-22 at the Wayback Machine
• Elşad Məmmədov Arxivləşdirilib 2011-11-17 at the Wayback Machine