Elbrus Abbasov (şair)
| Elbrus Abbasov | |
|---|---|
| Elbrus Xaspolad oğlu Abbasov | |
.jpg) Elbrus Abbasov | |
| Doğum tarixi | |
| Doğum yeri | Daşlı, Laçın rayonu, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Atası | Xaspolad Abbasov |
| Fəaliyyəti | şair-publisist |
Abbasov Elbrus Xaspolad oğlu (d. 16 may 1946. Daşlı, Laçın rayonu, Azərbaycan SSR) — Şair-publisist.
Həyatı[redaktə | mənbəni redaktə et]
Elbrus Abbasov 16 may 1946-cı ildə Laçın rayonunun Daşlı kəndində ziyalı ailəsində anadan olmuşdur. İlk təhsilini (I-VII sinif ) Daşlı kəndində, orta təhsilini isə (VIII-XI sinif ) Daşlı kəndindən 15 km aralıda olan Kürdhacı kəndində almışdır. 1963-cü ildə Azərbaycan Kənt Təsərrüfatı İnstitutunun (indiki Azərbaycan Dövlət Aqrar Universiteti) Baytarlıq fakultəsinə qəbul olmuş, 1968-ci ildə həmin institutu müvəffəqiyyətlə bitirmişdir. İnstitut həyatında da fəal tələbələrdən olmuş, Tələbə elmi cəmiyyətin üzvü olmuşdur.
1969-cu ildən rayonda Kürdhacı, Cağazur, Pircahan, Şəlvə baytar məntəqələrində məntəqə müdiri, 1977-ci ildən 1987-ci ilə kimi Daşlı kənd XDS icrayyə Komitəsinin sədri, 1987-ci ilədən 1999-cu ilin dekabr ayınadək Şəlvə Jdanov adına sovxozda direktor , Daşlı kənd Nəsimi adına Kolxozda sədr işləmişdir. 2000-ci ildən 2010-cu ilədək isə ümumxalq səsverməsi yolu ilə Məcburi köçkün kimi müvəqqəti məskunlaşdığı Ağsu rayon Gürcüvan kənd bələdiyyəsinin sədri seçilmişdir. Ardıcıl işlədiyi 1969-2010–cu illər ərzində rəhbərlik tərəfindən müxtəlif mükafatlarla təltif edilmişdir.[1]
Ailəsi[redaktə | mənbəni redaktə et]
Ailəlidir, 5 oğlu, 1 qızı və 14 nəvəsi var.
Yaradıcılığı[redaktə | mənbəni redaktə et]
Elbrus Abbasovun məktəbdə oxuduğu zamanlarda şer yazmaq həvəsi olsa da belə yazdığı şerləri ən yaxın yoldaşlara oxuyar, hər hansı mətbuatda nəşr olunmasına həvəs göstərməmişdir. Lakin 2006-cı ildə yazdığı şerlərdən "Xəyalım yön alıb yenə Laçına", 2016-cı ildə isə "Mənə dağ çəkən dağlar" şerlər kitabı işıq üzü görmüşdür.
Hazırda 3-cü kitab üzərində işləyir. Doğma Daşlı kəndinin yaranma tarixi, soy kökü barədə faktlara əsaslanaraq qeydiyyat aparır, respublikanın 58 bölgəsində məskunlaşmış Laçın sakinlərinin taleyini düşünərək doğma Laçına qayıdışa böyük ümid bəsləyir.