Eldəniz Məmmədov (Elman oğlu)

Vikipediya, azad ensiklopediya
Jump to navigation Jump to search
Eldəniz Məmmədov
Eldəniz Elman oğlu Məmmədov
Eldaniz Mammadov.jpg
Doğum tarixi (40 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Elm sahəsi kitabxanaşünaslıq
biblioqrafiyaşünaslıq
kitabşünaslıq
Elmi dərəcəsi tarix üzrə fəlsəfə doktoru
İş yeri Bakı Dövlət Universitetinin Kitabxanaçılıq-informasiya fakültəsi
Təhsili Bakı Dövlət Universitetinin Kitabxanaçılıq-informasiya fakültəsi
Elmi rəhbəri BDU-nun Fəxri professoru Abuzər Xələfov

Eldəniz Məmmədov (tam adı: Eldəniz Elman oğlu Məmmədov‎; 25 iyul 1981, Bakı şəhəri) — kitabxanaşünaslıq, biblioqrafiyaşünaslıqkitabşünaslıq elmi sahələri üzrə azərbaycanlı alim, tarix üzrə fəlsəfə doktoru.[1][2]

Mirzə Fətəli Axundov adına Azərbaycan Milli Kitabxanasının dövri mətbuat fondunun 1923-2007-ci illər dövrünü tədqiq edərək kitabxanaşünaslıq elminə, milli mətbuatımıza töhfə vermişdir.[3][4]

Həyatı[redaktə | əsas redaktə]

Eldəniz Məmmədov 25 iyul 1981-ci ildə Bakı şəhərində dünyaya gəlmişdir. 1988-1998-ci illərdə Bakıda 13 saylı orta məktəbdə təhsil almışdır.[1][5] Orta məktəbi bitirdikdən sonra, 1998-2002-ci illərdə Bakı Dövlət Universitetinin Kitabxanaçılıq (indiki Kitabxanaçılıq-informasiya) fakültəsində bakalavr, 2002-2004-cü illərdə isə magistr təhsili almışdır.[1][5]

2004-2005-ci illərdə hərbi xidmətdən sonra Bakı Dövlət Universitetində akademik və əmək fəaliyyətini davam etdirmişdir.[1]

Evlidir, iki övladı var.[1]

Elmi və pedaqoji fəaliyyəti[redaktə | əsas redaktə]

2000-2002-ci illərdə yerli gənc mütəxəssis Eldəniz Məmmədov ABŞ-ın Azərbaycandakı səfirliyinin nəzdində «Kitabxanaçılar üçün İnformasiya Resursları və Təlim Mərkəzi»ndə (ing. IRTCL - Information Resources and Training Center for Librarians) layihə köməkçisi vəzifəsində ilk əmək fəaliyyətinə başlamışdır.[6]

O, 2004-cü ildən 2020-ci ilədək Bakı Dövlət Universitetinin Elmi Kitabxanasında biblioqraf vəzifəsində çalışmışdır.[5]

2014-2015-ci tədris ilindən indiyədək Bakı Dövlət Universitetinin Kitabxanaçılıq-informasiya fakültəsinin «Kitabxanaşünaslıq» kafedrasının müəllimdir.[1]

O, eyni zamanda, 2015-2016-cı tədris ilindən indiyədək Azərbaycan Dövlət Mədəniyyət və İncəsənət Universitetinin (ADMİU) Kulturologiya fakültəsində «Turizm və kitabxana-informasiya fəaliyyəti» kafedrasının müəllimidir. ADMİU-nun Kulturologiya fakültəsində, ilk ixtisas müəllimi kimi, Eldəniz Məmmədovun «kitabxanaçılıq və informasiya» ixtisasının formalaşmasında xüsusi xidmətləri olmuşdur.[7]

Eldəniz Məmmədov 1 monoqrafiya, 10 tədris proqramı, 30-dan çox elmi məqalə və tezisin müəllifi, eləcə də respublika, beynəlxalq elmi seminar və konfransların məruzəçisi, "Kitabşünaslıq və redaktor sənəti" elmi jurnalının redaksiya heyətinin üzvüdür.[8][2]

İstinadlar[redaktə | əsas redaktə]

  1. 1 2 3 4 5 6 Internet archive: Lecturers. Department of the "Library science" of Baku State Universiy. Eldaniz Elman ogly Mammadov
  2. 1 2 Kitabşünaslıq və redaktor sənəti: elmi-nəzəri və təcrübi-metodik jurnal. 2019, N1 (8), Bakı, Azərbaycan.
  3. M.F.Axundov adına Azərbaycan Milli Kitabxanasının dövri mətbuat fondu
  4. Məmmədov E.E. M.F.Axundov adına Azərbaycan Milli Kitabxanasının dövri mətbuat fondu: tarixi, müasir vəziyyəti, oxuculara xidmət və inkişaf perspektivləri (1923-2007-ci illər): tarix üzrə fəlsəfə doktoru elmi dərəcəsi almaq üçün təqdim edilmiş dissertasiyanın avtoreferatı: 3356.01 / Azərbaycan Respublikası Təhsil Nazirliyi, Bakı Dövlət Universiteti, Bakı: Mütərcim, 2017, 22 s.
  5. 1 2 3 Eldəniz E. Məmmədov. Bakı Dövlət universitetinin Elmi Kitabxanası. Əməkdaşlar. Arxivləşdirilib: 15 sentyabr 2019-cu il.
  6. U.S. Government Assistance to and Cooperative Activities with Eurasia. January 2003. Report: Country Assessments – Azerbaijan
  7. Azərbaycan Dövlət Mədəniyyət və İncəsənət Universiteti "Turizm və kitabxana-informasiya fəaliyyəti" kafedrası
  8. Eldəniz Məmmədov. Biblioqrafiya