Eldar Əliyev (həkim)

Vikipediya, açıq ensiklopediya
Jump to navigation Jump to search
Eldar Əliyev
Əliyev Eldar Allahverdi oğlu
Eldar Əliyev (həkim).jpg
Doğum tarixi 18 iyul 1962 (1962-07-18) (56 yaş)
Doğum yeri Laçın rayonu
Vətəndaşlıq Flag of Azerbaijan.svg Azərbaycan
Elm sahəsi tibb
Elmi dərəcəsi Tibb elmləri namizədi

Eldar Əliyev - tibb elmləri namizədi, Azərbaycan Tibb Universitetinin dosenti.

Həyatı[redaktə | əsas redaktə]

Əliyev Eldar Allahverdi oğlu 1962-ci il iyulun 18-də Laçın şəhərində ziyalı ailəsində anadan olmuşdur. 1979-cu ildə Laçın rayonunun Ərdəşəvi kənd orta məktəbini bitirmişdir. 1980-82-ci illərdə hərbi xidmətdə olmuşdur. 1983-cü ildə Azərbaycan Tibb Universitetinin I müalicə profilaktika fakültəsinə daxil olmuş, 1989-cu ildə həmin fakültəni Lenin təqaüdü və fərqlənmə diplomu ilə bitirmişdir.

1989-91-ci illərdə Azərbaycan Tibb Universitetinin I cərrahi xəstəliklər kafedrasında klinik ordinatura keçmişdir. 1991-ci ildə həmin kafedrada “cərrahlıq” ixtisası üzrə aspiranturaya daxil olmuş və 1994-cü ildə oranı müvəffəqiyyətlə bitirmişdir.

1995-ci ildə “Kəskin xolesistitin kompleks müalicəsində lazer şüaların müştərək tətbiqi” mövzusunda tibb elmləri namizədi alimlik dərəcəsi almaq üçün dissertasiya müdafiə etmişdir. 1994-cü ildən I cərrahi xəstəliklər kafedrasında assistent vəzifəsində işləyir. 2008-ci ildən dosent vəzifəsinə seçilmişdir.

200-dən artıq çap edilmiş elmi əsərin müəllifidir. Əsərləri Rusiya, Ukrayna, Türkiyə, Belarusiya və digər ölkələrdə dərc edilmişdir. “Anal sfinkter çatmazlığın cərrahi müalicəsinin nəticələrinin yaxşılaşdırılması yolları” mövzusunda doktorluq dissertasiyasının ilkin müzakirəsi olmuşdur.

“Proktoloji xəstəliklərin propedevtikası”, “Koloproktologiya“, “Düz və yoğun bağırsaq operasiyalarının atlası“ adlı dərs vəsaitlərinin həmmüəlliflərindən biridir.

Rusiya Koloproktoloqlar Assosiasiyası və Azərbaycan Cərrahlar Cəmiyyətinin üzvüdür. Peşəkar cərrah kimi tanınan Eldar həkimin bəlkə də ən böyük titulu xeyirxah insan olması, sadəliyi və Hippokrat andına sadiqliyidir.

Evlidir, üç övladı var.

Mənbə[redaktə | əsas redaktə]