Elliot Peyc
 | Bu məqalənin bəzi məlumatlarının mənbəsi göstərilməmişdir. Daha ətraflı məlumat üçün məqalənin müzakirə səhifəsinə baxa və məqaləyə uyğun formada mənbələr əlavə edib Vikipediyanı zənginləşdirə bilərsiniz. |
| Elliot Peyc | |
|---|---|
| ing. Elliot Philpotts-Page | |
 2009-cu il Toronto Beynəlxalq Kino Festivalında | |
| Doğum adı | Ellen Grace Philpotts-Page[1] |
| Doğum tarixi | |
| Doğum yeri |
Qalifaks, Yeni Şotlandiya, .svg){kind=small} Kanada |
| Vətəndaşlığı |
Kanada |
| Fəaliyyəti | Aktyor |
| Fəaliyyət illəri | 1997-indiyədək |
| IMDb | ID 0680983 |
 Vikianbarda əlaqəli mediafayllar | |
Elliot Peyc (ing. Elliot Philpotts-Page; 21 fevral, 1987-ci il, Qalifaks, Yeni Şotlandiya, Kanada) — kanadalı aktyor. Peyc "Cuno" filmində canlandırdığı xarakterə görə həm Qızıl Qlobus, həm də Oskar mükafatına layiq görülüb.
Onun 2011-ci ildə rol aldığı "Başlanğıc" filmi də karyerasında önəmli filmlərindən biri oldu. "Başlanğıc" filmi 2011-ci il Oskar mükafatının təqdimetmə mərasimində müxtəlif sahələrdə 4 Oskar mükafatına layiq görüldü və 2011-ci ildə ən çox Oskar alan iki filmdən biri oldu (digər film də 4 Oskar almışdır. Bu film "Kral danışır"dır).
Həyatı[redaktə | mənbəni redaktə et]
Elliot Peyc 21 fevral 1987-ci ildə Kanadanın Yeni Şotlandiya əyalətindəki Qalifaks şəhərində anadan olub. "Neptun" teatr məktəbini bitirən Peycin karyerası 10 yaşında başlayır. 2014-cü ildə "gizlənməkdən yoruldum" deyərək homoseksual olduğunu açıqlayıb.
2020-ci ildə transgender olduğunu açıqlayıb, adını Elliot Page olaraq dəyişdirdi.
Karyerası[redaktə | mənbəni redaktə et]
Onun 10 yaşında çəkildiyi "Pit Poni" telefilmi sonradan serial kimi yayımlanmağa başlayır. Bir qədər sonra Kanada televiziyasında efirə çıxan aktyor kinodakı ilk mükafatını "Pişik-kabus" filmindəki roluna görə alır. "Bu oğlanı sev" (2003) filmindən sonra 16 yaşlı Peyc ilk dəfə "Üz-üzə" (2004) adlı Avropa filminə çəkilir. 2005-ci ildə Qalifaksdakı Şambala məktəbini bitirən Elliot Peyc "Böyük Vilbi" (2004) filmindən sonra "Nabat" (2006) trillerində baş rolu oynayır. 2006-cı ildə isə onun iştirakı ilə bir neçə film çıxır. "İks adamlar: Sonuncu döyüş" və "Amerika cinayəti" filmlərindən sonra çəkildiyi "Treysinin fraqmentləri" (2007) filmində aktryor tərkidünya qız obrazını canlandırır. "Cuno" filmi isə ona daha böyük şöhrət gətirir. Bu filmə görə Peyc Oskar və Qızıl Qlobus mükafatlarının nominantı şərəfinə layiq görülür. 27 yaşlı aktyor artıq 20-dən çox filmdə rol oynayıb. Onun ən diqqətəlayiq rolu "İks adamlar" filminin üçüncü hissəsində canlandırdığı Kitti Prayd xarakteri hesab olunur.