Elman Əliyev

Vikipediya, azad ensiklopediya
Jump to navigation Jump to search
ELMAN ƏLİYEV
Doğum tarixi 1944(1944-Şablondakı doğum və ya ölüm tarixində texniki yanlışlıq var!-00)
Peşəsi Aktyor

Elman Əliyev — operator, fotoqraf-rəssam, aktyor, operator assistenti, operator köməkçisi, ikinci operator.[1]

Həyatı[redaktə | əsas redaktə]

Bakıdakı 132 saylı orta məktəbdə oxuyub. 1964-cü ildən kinostudiyanın foto sexində işləyib. 1973-cü ildə 6 aylıq operator kursu keçmək üçün Moskvaya göndərilmişdir.

Teyyub Axundovun “Xalq istedadları” filmində, 1974-cü ildə rejissor Əlihüseyn Hüseynovun Cəmil Əlibəyovun ssenarisi əsasında çəkdiyi “Naxçıvan - qədim diyar”, Rauf Hacıyevin “Səadət naminə” sənədli filmlərində operator kimi çalışır.

Tammetrajlı filmlərə də dəvət alan Elman müəllim Rasim Ocaqov, Oqtay Mirqasımov, Əlihüseyn Hüseynov və digər tanınmış kinorejissorların ekran əsərlərinin çəkilişlərində ikinci operator, operator assistenti kimi iştirak edib. Son illərdə Xalq artisti Eldar Quliyevin çəkdiyi “İstanbul reysi”, “Dərvişin qeydləri” filmlərinin fotoqraf-rəssamı olub. Xalq artisti Ramiz Əzizbəylinin “Yalan”, Elxan Qasımovun “Biz qayıdacağıq” filmlərində həm də fotoqraf obrazını canlandırıb.

Məşhur futbolçular Lobanovskini, Peleni, kosmonavtlardan Komarovu çəkmək ona qismət olub. Hətta 1973-cü ildə Moskvada “Lujniki” stadionunda sərbəst operator kimi ümumdünya universiadasını da çəkmişdir.

“Brejnev Bakıda” filmində də işləmişdir.

Təltif və mükafatları[redaktə | əsas redaktə]

  • Əməkdar mədəniyyət işçisi — 2007

Filmoqrafiya[redaktə | əsas redaktə]

  1. Pirverdinin xoruzu (film, 1987)
  2. Etiraf (film, 1992)
  3. Girov (film, 2005)
  4. Unudulmuş qəhrəman (film, 2005)
  5. Yalan (film, 2006)
  6. Biz qayıdacağıq (film, 2007)
  7. Seçilmişlər (film, 2007)
  8. Absurdistan (film, 2008)(tammetrajlı bədii film) (operator köməkçisi)
  9. 416-cı diviziya. Biz qalib gəldik (film, 2010)
  10. İstanbul reysi (film, 2010)
  11. Əlavə təsir (film, 2010)
  12. 20 müstəqil il (film, 2011) (qısametrajlı sənədli film) (operator)
  13. Ağ qan (film, 2012)
  14. Çölçü (film, 2012)
  15. Dərvişin qeydləri (film, 2013)
  16. Ayaqqabı əməliyyatı (film, 2016)
  17. Hədiyyə (film, 2016)

İstinadlar[redaktə | əsas redaktə]

  1. Azəri, L. Ömrün sənət üfüqləri: [“Azərbaycanfilm” kinostudiyasında fotoqraf-rəssam, operator kimi çalışmış Elman Əliyev haqqında] //Mədəniyyət.- 2013.- 6 sentyabr.- S. 7.