Məzmuna keç

Elman Məmmədov (siyasətçi)

Vikipediya, azad ensiklopediya
Elman Məmmədov
Şəxsi məlumatlar
Doğum tarixi 18 oktyabr 1950(1950-10-18) (75 yaş)
Doğum yeri
Partiya
Təhsili
Fəaliyyəti siyasətçi
Təltifləri "Şöhrət" ordeni "Heydər Əliyevin 100 illiyi (1923–2023)" yubiley medalı

Elman Camal oğlu Məmmədov (18 oktyabr 1950, Xocalı, Muxtar Dağlıq Qarabağ Vilayəti) — Azərbaycan Respublikası Milli Məclisinin deputatı, Qarabağ müharibəsi veteranı.

Həyatı

[redaktə | vikimətni redaktə et]

Elman Məmmədov 1950-ci il oktyabrın 18-də Xocalı şəhərində anadan olmuşdur. Azərbaycan Dövlət Pedaqoji İnstitutunun riyaziyyat fakültəsini və Bakı Sosial İdarəetmə və Politologiya İnstitutunu bitirmişdir. Rus və erməni dillərini bilir.

Evlidir, 7 övladı var.

Oğlu polis polkovnik-leytenantı Elşad Məmmədov 2015-ci ilə qədər Yasamal rayon Polis İdarəsinin Yol Polisi Bölməsinin rəisi,[1] 2015–2016-cı illərdə Bakı şəhər Dövlət Yol Polisi İdarəsinin Müşayiət Eskort Bölüyünün komandiri vəzifəsini tutub. 2016-cı ildən 2020-ci ilə qədər isə Baş Dövlət Yol Polisi İdarəsinin Avtomobillərin Texniki Müayinə Mərkəzinin rəisi vəzifəsini icra edib.[2]

İctimai-siyasi fəaliyyəti

[redaktə | vikimətni redaktə et]

1973-cü ildən Xocalı kənd orta məktəbində müəllim, direktor müavini, direktor işləmişdir. 1985-ci ildən Xocalı tərəvəzçilik-südçülük sovxozunda partiya təşkilatının katibi, 1987-ci ildən Xocalı İcraiyyə Komitəsinin sədri, 1991–2000-ci illərdə Xocalı İcra Hakimiyyətinin başçısı vəzifələrində çalışmışdır.

Yeni Azərbaycan Partiyasının üzvüdür.

İkinci çağırış Azərbaycan Respublikası Milli Məclisinin deputatı olmuşdur.

2005-ci il noyabrın 6-da 124 saylı Şuşa-Füzuli-Xocalı-Xocavənd seçki dairəsindən deputat seçilmişdir. Milli Məclisin Təhlükəsizlik və müdafiə məsələləri daimi komissiyasının üzvüdür. Azərbaycan-Belarus, Azərbaycan-Bolqarıstan, Azərbaycan-Fransa, Azərbaycan-İsveçrə, Azərbaycan-Lüksemburq parlamentlərarası əlaqələr üzrə işçi qruplarının üzvüdür.

GUAM-ın Parlament Assambleyasında Azərbaycan nümayəndə heyətinin üzvüdür.

Təltifləri

[redaktə | vikimətni redaktə et]
  • "Şöhrət" ordeni ilə təltif edilmişdir.[3]

İstinadlar

[redaktə | vikimətni redaktə et]
  1. ↑ Avtosfer.az. "Oğlu yol polisində rəis müavini olan deputat danışdı - Yeni YP 302". Avtosfer.az (az.). 11 may 2020. İstifadə tarixi: 26 yanvar 2025.
  2. ↑ Avtosfer.az. "Deputatın polis oğluna yüksək vəzifə verildi – YP 500 getdi". Avtosfer.az (az.). 11 may 2020. İstifadə tarixi: 26 yanvar 2025.
  3. ↑ "E.C.Məmmədovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". 8 iyul 2023 tarixində arxivləşdirilib. İstifadə tarixi: 30 dekabr 2020.
Mənbə — "https://az.wikipedia.org/w/index.php?title=Elman_Məmmədov_(siyasətçi)&oldid=8757142"