Elman Quliyev (siyasətçi)

Vikipediya, azad ensiklopediya
Jump to navigation Jump to search
Elman Quliyev
Elman Guliyev's interview with VOA (cropped).png
bayraqMüsavat Partiyasının Gənclər Təşkilatının sədri
2019
Prezident Arif Hacılı
Sələfi Əbülfəz Sadıqbəyli
Şəxsi məlumatlar
Partiya Müsavat Partiyası
Təhsili
  • Yıldırım Beyazıt Universiteti[d]
Doğum tarixi 11 oktyabr 1993(1993-10-11) (27 yaş)
Doğum yeri
Vətəndaşlığı Azərbaycan
Milliyyəti azərbaycanlı

Elman Fizuli oğlu Quliyev[1] (11 oktyabr 1993(1993-10-11), Bakı) — Azərbaycan siyasətçisi, iqtisadçısı, siyasi fəalı, Müsavat Partiyasının Gənclər Təşkilatının sədri.

Həyatı[redaktə | əsas redaktə]

Elman Fizuli oğlu Quliyev 11 oktyabr 1993-cü il tarixində Azərbaycan Respublikasının paytaxtı Bakı şəhərində anadan olmuşdur. Əslən Laçının Avazlar kəndindəndir. O, 2012–2013-cü illərdə Füzuli rayonunda hərbi xidmətdə olmuşdur. Ali təhsilini 2014-2018-ci illərdə Türkiyənin Ankara Yıldırım Beyazıt Universitetinin İqtisadiyyat fakültəsində almışdır.[2]

Siyasi fəaliyyəti[redaktə | əsas redaktə]

Elman Quliyev 2008-ci ildən Müsavat Partiyasının təşəbbüskarı, 2011-ci ildən isə rəsmi üzvüdür.[2]

Elman Quliyev 19 yanvar 2019-ci il tarixində Milli Şuranın siyasi məhbuslara dəstək məqsədi ilə keçirilən mitinqindən əvvəl,[3] 18 yanvar tarixində 15 sutka inzibati həbsə məhkum edilmişdir.[4]

Elman Quliyev 9 iyun 2019-cu il tarixində Müsavat Partiyasının Gənclər Təşkilatının VII konfransında Müsavat Partiyasının Gənclər Təşkilatının sədri seçilmişdir.[5]

Elman Quliyev 29 iyul 2019-cu il tarixində Nəsimi Rayon Məhkəməsinin qərarı ilə 30 sutka inzibati qaydada həbs olunmuşdur. Müsavat Partiyasının fəalı həmin günlərdə həbsdə aclıq aksiyası keçirən Azad Həsənova azadlıq tələbi ilə etiraz aksiyasında iştiraka görə İnzibati Xətalar Məcəlləsinin 535.1 maddəsilə ittiham edilmişdir.[6] Quliyev haqqındakı qərarın əsassız olduğunu vurğulamış, işinə vəkilsiz baxıldığını bildirmişdir.[7] iddiasına görə, onun saxlandığı təcridxanaya özünü Daxili İşlər Nazirliyinin Mütəşəkkil Cinayətkarlıqla Mübarizə İdarəsinin nümayəndəsi kimi təqdim edən bir nəfər gəlmiş, ona yaxşı maaşlı iş və imkanlar qarşılığında əməkdaşlıq təklif etmişdir. Lakin Quliyev təklifdən imtina edəndə özünü polkovnik kimi təqdim edən həmin şəxsin hədələrilə üzləşmişdir.[8]

Elman Quliyev 12 noyabr 2020-ci il tarixində Müsavat Partiyasının Bakı metropoliteninin "İçərişəhər" stansiyasının qarşısında, Bakı Şəhər İcra Hakimiyyətinin yaxınlığında keçirdiyi piketdə iştirak etmişdir. Piket iştirakçılarının bildirdiyinə görə, onların etiraz səbəbi 12 noyabr – Konstitusiya günündə, konstitusiyanın 49-cu madəsində nəzərdə tutulan "sərbəst toplaşmaq azadlığının pozulması" olub.[9] Elman Quliyeb piket zamanı polis tərəfindən saxlanılmış, lakin daha sonra azadlığa buraxılmışdır.[10]

Elman Quliyev 9 fevral 2020-ci il tarixində keçirilən növbədənkənar parlament seçkilərində 12 saylı Qaradağ-Binəqədi-Yasamal seçki dairəsindən deputatlığa namizəd olmuşdur.[11] O, seçkilər zamanı uğur əldə edə bilməmişdir. Quliyev 11 fevral 2020-ci il tarixində bir neçə deputatlığa namizəd və fəal ilə seçkinin nəticələrinin ləğv olunmasını tələb edərək Azərbaycan Respublikası Mərkəzi Seçki Komissiyasının binası qarşısında oturaq aksiya keçirmişdir. Aksiya polis tərəfindən dağıdılmış, iştirakçıların hamısı saxlanılmışdır.[12] Elman Quliyev isə həbs edilmişdir.[13] Müsavat Partiyasının başqanı Arif Hacılı etirazçıların, o cümlədən Elman Quliyevin polis zorakılığına məruz qaldığını qeyd etmişdir.[14] Daha sonra namizəd olduğu dairə üzrə seçki məntəqələrində seçki günü seçki qanunvericiliyinin pozulması halları baş verdiyini qeyd edən Quliyev Respublikaçı Alternativ Partiyasının Siyasi Komitəsinin üzvü Natiq Cəfərli ilə birlikdə MSK-ya müraciət etmişdir. MSK-nın 23 fevral 2020-ci il tarixli iclasında bu müraciət müzakirəyə çıxarılmış, müzakirə nəticəsində 6, 9, 10, 13, 14, 23, 25, 27, 28, 29, 31 saylı seçki məntəqələrində səsvermənin nəticələri etibarsız sayılmış və müraciət qismən təmin edilmişdir.[15] Elman Quliyev 27 fevral 2020-ci il tarixində parlament seçkilərinin nəticələrinin etibarsız sayılması tələbi ilə aclıq aksiyası keçirməyə başlamış,[16] 3 mart tarixində partiya rəhbərliyinin xahişi ilə aksiyanı sonlandırmışdır.[17]

Elman Quliyev 2020-ci ilin sentyabr ayının əvvəlindən Milli Şuranın və Müsavat Partiyasının funksioneri Tofiq Yaqublunun həbsinə etiraz olaraq və onun keçirdiyi aclığa dəstək məqsədi ilə Müsavat Partiyasının qərargahında özü və daha üç nəfər, Azərbaycan Xalq Cəbhəsi Partiyası üzvləri — Tofiq Məmmədov, Ayət İsmayılov və Elnur Həsənov[18] üçün ayırılmış otaqda aclıq aksiyasına başlamışdır.[19]

İstinadlar[redaktə | əsas redaktə]

  1. Azərbaycan Respublikası Mərkəzi Seçki Komissiyası (26 dekabr 2019). "2020-ci il fevralın 9-na təyin edilmiş Azərbaycan Respublikasının Milli Məclisinə seçkilərdə Müsavat Partiyasının səlahiyyətli və maliyyə məsələləri üzrə səlahiyyətli nümayəndələrinin qeydə alınması haqqında". e-qanun.az (azərb.). Azərbaycan Respublikası Ədliyyə Nazirliyinin Qanunvericilik baş idarəsi. İstifadə tarixi: 8 sentyabr 2020.
  2. 1 2 "Müsavatçı Gənclər Təşkilatında yeni lider". Novator.az (azərb.). 10 iyun 2019. 19 sentyabr 2020 tarixində arxivləşdirilib. İstifadə tarixi: 19 sentyabr 2020.
  3. "AXCP və Müsavat: "Fəalların polisə dəvət edilməsinə son qoyulsun"". Amerikanın səsi (azərb.). Voice of America. 23 yanvar 2019. İstifadə tarixi: 8 sentyabr 2020.
  4. "Mitinqdən öncə 8 müxalifət fəalı həbs edilib". Amerikanın səsi (azərb.). Voice of America. 20 yanvar 2019. İstifadə tarixi: 8 sentyabr 2020.
  5. "Müsavat Gənclər Təşkilatına yeni sədr seçilib". Müsavat (azərb.). 9 iyun 2019. İstifadə tarixi: 8 sentyabr 2020.
  6. Bayramova, Pərvanə (2 avqust 2019). "Məhkəmə Müsavat Partiyasının fəalının şikayətini təmin etməyib". Amerikanın səsi (azərb.). Voice of America. İstifadə tarixi: 8 sentyabr 2020.
  7. "Elman Quliyev: "Mənim işimə vəkilsiz baxılıb"". Arqument.az (azərb.). 2 avqust 2019. İstifadə tarixi: 8 sentyabr 2020.
  8. "Müsavat partiyasının fəalı hüquqlarının pozulduğunu deyir". Aqreqator.az (azərb.). 2 avqust 2019. İstifadə tarixi: 8 sentyabr 2020.
  9. ""İslahatlar, demokratik dəyişiklər istəyirəm", Müsavat partiyasının piketindən görüntülər". BBC Azərbaycanca (azərb.). BBC. 12 noyabr 2020. İstifadə tarixi: 8 sentyabr 2020.
  10. "Müsavat şəhərin mərkəzində 'sərbəst toplaşmaq azadlığı' tələbi ilə aksiya keçirib [video]". Abzas.net (azərb.). 12 noyabr 2020. İstifadə tarixi: 8 sentyabr 2020.
  11. "Müsavat Partiyası Gənclər Təşkilatının rəhbəri aclığa başlayıb". Toplum.tv (azərb.). 27 fevral 2020. İstifadə tarixi: 8 sentyabr 2020.
  12. Fərhadoğlu, Tapdıq (11 fevral 2020). "Deputatlığa namizədlərin MSK-nın binası qarşısındakı aksiyasını polis dağıdıb". Amerikanın səsi (azərb.). Voice of America. İstifadə tarixi: 8 sentyabr 2020.
  13. Fərhadoğlu, Tapdıq (12 fevral 2020). ""Etirazlar siyasi təlatümlərin bazasını yaradacaq", dinc aksiyaya siyasi və ekspert baxışları". Amerikanın səsi (azərb.). Voice of America. İstifadə tarixi: 8 sentyabr 2020.
  14. Fərhadoğlu, Tapdıq (12 fevral 2020). "Müsavat Partiyası: Zorakılığa yol verənlərin dərhal cəzalandırılmasını tələb edirik". Amerikanın səsi (azərb.). Voice of America. İstifadə tarixi: 8 sentyabr 2020.
  15. "MSK 12 saylı Qaradağ-Binəqədi-Yasamal Seçki Dairəsinin 11 seçki məntəqəsində səsvermənin nəticələrini ləğv edib". Apa.az (azərb.). 23 fevral 2020. İstifadə tarixi: 8 sentyabr 2020.
  16. Bayramova, Pərvanə (1 mart 2020). "Parlament seçkilərinin nəticələrinin etibarsız sayılması tələbi ilə keçirilən aclıq aksiyası davam etdirilir". Amerikanın səsi (azərb.). Voice of America. İstifadə tarixi: 8 sentyabr 2020.
  17. "Azərbaycan müxalifətçiləri partiya rəhbərliyinin xahişi ilə aclıq aksiyasını dayandırdılar". Jam News (azərb.). 3 mart 2020. İstifadə tarixi: 8 sentyabr 2020.
  18. "Müsavat Partiyasının qərargahında aclıq aksiyası keçirilir". Aze Voice (azərb.). 7 sentyabr 2020. 8 sentyabr 2020 tarixində arxivləşdirilib. İstifadə tarixi: 8 sentyabr 2020.
  19. Rəşidova, Aygün (8 sentyabr 2020). "AXCP fəalı: Tofiq Yaqublu azad olunanadək aclığı davam etdirəcəyəm". Amerikanın səsi (azərb.). Voice of America. 7 sentyabr 2020 tarixində arxivləşdirilib. İstifadə tarixi: 8 sentyabr 2020.

Xarici keçidlər[redaktə | əsas redaktə]