Elman dayı

Vikipediya, azad ensiklopediya
Jump to navigation Jump to search
Elman dayı
Doğum tarixi 1940
Doğum yeri
Vəfat tarixi 11 fevral 2019(2019-02-11)
Vəfat yeri
Təhsili
Fəaliyyəti Kitabçı

Elman dayı (tam adı: Elman Mustafayev) — Azərbaycan kitabçısı.

Həyatı[redaktə | əsas redaktə]

Elman Mustafayev 1940-cı ildə Şəki şəhərində ziyalı ailəsində anadan olmuşdur[1].

Orta təhsilini elə doğma şəhərdə almışdır[1].

Cavan vaxtlarımda orkestrdə tar çalmışdır[1]. Sonra iki illik kulinar şagirdlik məktəbini bitirmişdir[1]. Bir müddət Şəkidə restoran müdiri, daha sonra elektrik işləmişdir[1].

Litvanın Kaunas şəhərində Sovet Ordusunda xidmət edərkən[2] suvaqçı, rəngsaz, bənnalıq kimi inşaatçı ixtisaslarına yiyələnmişdir[1].

Amma uşaqlıqdan kitaba olan həvəsi ilə Azərbaycan Dövlət Universitetinin Kitabxanaçılıq fakültəsində "Kitab-əmtəəşünaslıq və biblioqrafiya" ixtisası üzrə ali təhsil almışdır. Gündüzlər işləmiş, gecələr isə universitetdə oxumuşdur[1].

2018-ci ilin sonlarından xəstə olan Elman dayı 2019-cu ilin fevral ayının 11-də vəfat etmişdir[3].

Kitab sahəsində fəaliyyəti[redaktə | əsas redaktə]

50 ildən çox kitab sahəsində çalışmışdır[3]. Hələ tələbəlik illərindən kitab mağazasının müdiri işləmişdir[1].

1967-1980-ci illərdə Bakıda Fəvvarələr meydanının yanında Tədris Pedaqoji Kitab Mağazasının[q 1] direktoru vəzifəsində işləmişdir[4].

O, 1980-1985-ci illərdə ilk Bakı Kitab Evinin ilk direktoru olmuşdur[4]. Kitab evinin direktoru olduğu müddətdə elm, mədəniyyət, incəsənət xadimləri ilə mütəmadi görüşlər təşkil etmişdir. Xarici ölkələrdə keçirilmiş beynəlxalq səviyyəli kitab sərgilərində Azərbaycanı təmsil etmişdir.

1985-ci ildən[5] həyatının sonuna qədər İçəri Şəhərdə, Qız qalasının yaxınlığında yerləşən kitab mağazasının - İçəri Şəhər kitab evinin direktoru idi[6]. 2005-ci ildən işlədiyi mağazanı özəlləşdirərək[1], onun sahibi olmuşdur. Oxucular arasında həmin mağaza "Elman dayının kitab dükanı" kimi tanınırdı[6].

Yaradıcılığı[redaktə | əsas redaktə]

"Kitab əhlinin sərrafı oldum" kitabı

Elman Mustafayev "Kitab əhlinin sərrafı oldum" adlı kitabın müəllifidir. Həmin kitab 2013-cü ildə Bakıdakı "Elm" nəşriyyatında çap olunub. Əsərdə onun ədəbiyyat sahəsindəki çalışmaları, həyatla bağlı özünəməxsus fikirləri, düşüncələri, tanınmış şəxsiyyətlər və baməzə adamlarla bağlı acılı-şirinli xatirələri, o cümlədən mətbuatda onun haqqında çap olunmuş yazılar yer almışdır[7].

Qeydlər[redaktə | əsas redaktə]

  1. İndi həmin yerdə Prezident Kitabxanası yerləşir.

İstinadlar[redaktə | əsas redaktə]

  1. 1 2 3 4 5 6 7 8 9 Sadə peşəkar - 7 ixtisaslı məşhur kitab satıcısı: “Kitab satmağı kartof satmağa döndəriblər” - PROJE. modern.az, 02.05.2012  (azərb.)
  2. Elxan Xanəlizadə. KİTAB ALLAHI. 24.01.2011  (azərb.)
  3. 1 2 Bakının ən məşhur kitabçısı vəfat edib. modern.az, 13.02.2019  (azərb.)
  4. 1 2 Kitabsevən gənclərin Elman dayısı - 30 ilin kitab aşiqi - FOTOLAR. musavat.com, 02.04.2017  (azərb.)
  5. “Bakıda kitab ticarəti həmişə yüksək olub”. medeniyyet.az, 23.09.2013  (azərb.)
  6. 1 2 İngiltərədə kitab dükanları, Əli və Nino və Elman dayı. bbc.com, 15.09.2014  (azərb.)
  7. Elman Mustafayev. "Kitab əhlinin sərrafı oldum", Bakı, "Elm" nəşriyyatı, 2013  (azərb.)

Xarici keçidlər[redaktə | əsas redaktə]