Məzmuna keç

Elmira Mirzəyeva

Vikipediya, azad ensiklopediya
Elmira Mirzəyeva
rus. Эльмира Мирзоева
Ölkə
Doğum tarixi (44 yaş)
Doğum yeri Moskva, SSRİ
Titulu qadınlar arasında beynəlxalq qrosmeyster (2002)
Son reytinqi
  • 2.282 (2024)[3]
Maksimal reytinqi 2379 (dekabr 2015)
FİDE nömrəsi 4127951
elmirachess.com
Vikianbarın loqosu Vikianbarda əlaqəli mediafayllar

Elmira Mirzəyeva (rus. Эльмира Мирзоева; doğ. 2 noyabr 1981, Moskva, Rusiya SFSR, SSRİ) — əvvəllər Rusiyanı, 4 aprel 2024-cü ildən bu yana isə İngiltərəni təmsil edən şahmatçı.[4] Qadınlar arasında beynəlxalq qrosmeyster (2002).[5] İdman jurnalisti, Ümumrusiya Dövlət Televiziya və Radio Verilişləri Şirkətinin şahmat şərhçisi.[6]

Elmira Mirzəyeva 1981-ci il noyabrın 2-də Moskva şəhərində azərbaycanlı ailəsində anadan olub.[7] Əslən Gəncəlidir.[8] Elmiranın özündən böyük Gülnarə adında bacısı və özündən kiçik Nizami adında qardaşı var.[8] Qardaşı şair Nizami Gəncəvinin şərəfinə adlandırılıb.[8]

1995-ci ildə məktəbli qızlar arasında mütləq Moskva çempionu olub.[9] 1996-cı ildə o, Kaluqa şəhərində keçirimiş Rusiya birinciliyinin finalında 16 yaşa qədər qızlar arasında Rusiya çempionu adını qazanıb.[9] 1996-cı ilin oktyabr-noyabr aylarında İspaniyada keçirilmiş yeniyetmələrin dünya birinciliyində Rusiya yığmasının heyətində çıxış edib. 1998-ci ildə qadınlar arasında blits üzrə Moskva çempionu, bir il sonra isə qadınlar arasında blits üzrə Rusiya Kubokunun sahibi olub.[9]

2008-ci ildə şahmat üzrə jurnalistlər arasında qeyri-rəsmi dünya çempionatının qalibi olub.[9]

2011, 2012, 2013 və 2014-cü illərdə "Moskva open" beynəlxalq şahmat festivalının mükafatçısı olmuşdur.[5]

2024-cü ildə İngiltərə Açıq çempionatının qalibi olub.[10]

2025-ci ildə Gürcüstanın Batumi şəhərində keçirilmiş Şahmat üzrə Milli Komandaların Avropa çempionatında qadınlardan ibarət İngiltərə yığmasının heyətində dördüncü lövhədə çıxış edib.[11]

2003–2004-cü illərdə "7TV" telekanalının xüsusi müxbiri işləyib. 2004–2006-cı illərdə "Sport" kanalının müxbiri və şahmat şərhçisi olmuşdur. 2005–2006-cı illərdə "Sport" telekanalında yayımlanmış "Alp dağlarında şahmat" və "Şah və ya mat" proqramlarının müəllifi və aparıcısı olmuşdur. 2006-cı il Turin Qış Olimpiya Oyunlarında "Sport" telekanalının xüsusi müxbiri kimi çalışıb. 2008-ci ildən 2010-cu ilə kimi "NTV+Sport" və "NTV+Futbol" kanallarında "Xəbərlər" informasiya proqramının apacısı işləyib. 2006-cı ildən günümüzədək "Mayak", "Vesti Ef Em" və "Rusiya Radiosu"nda informasiya proqramının aparıcısı və şahmat şərhçisi işləyir.[5]

  1. ↑ FİDE FIDE Standard Ratings as of 30 april 2024. 2024.
  2. ↑ FİDE Transfers to another chess federation in 2024. 2024.
  3. ↑ FİDE FIDE Standard Ratings as of 30 jun 2024. 2024.
  4. ↑ "Transfers in 2024". Fide.com. 5 fevral 2024 tarixində arxivləşdirilib. İstifadə tarixi: 25 iyun 2024.
  5. 1 2 3 "О Себе". Elmirachess.com. 4 yanvar 2022 tarixində arxivləşdirilib. İstifadə tarixi: 15 mart 2018.
  6. ↑ "Эльмира Мирзоева" (rus). radiomayak.ru. 20.07.2013. 2014-11-08 tarixində orijinalından arxivləşdirilib. İstifadə tarixi: 2015-07-17.
  7. ↑ "Azərbaycanlı Elmira Mirzəyeva şahmat üzrə Moskva çempionu olub" (az.). AZƏRTAC. 14 aprel 2017 tarixində arxivləşdirilib. İstifadə tarixi: 15 mart 2018.
  8. 1 2 3 "Эльмира МИРЗОЕВА: "Для России Азербайджан стал серьезным конкурентом во многих видах спорта"" (rus). Extratime.az. 12 oktyabr 2011 tarixində orijinalından arxivləşdirilib. İstifadə tarixi: 28 sentyabr 2018.
  9. 1 2 3 4 "Эльмира Мирзоева" (rus). Chess-portal.net. 4 avqust 2020 tarixində arxivləşdirilib. İstifadə tarixi: 15 mart 2018.
  10. ↑ "Azərbaycanlı şahmatçı İngiltərə çempionu olub". Oxu.az (az.). 24 iyun 2024 tarixində arxivləşdirilib. İstifadə tarixi: 24 iyun 2024.
  11. ↑ "Chess-Results Server Chess-results.com - European Team Chess Championship 2025 - Women". chess-results.com. İstifadə tarixi: 16 oktyabr 2025.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Elmira_Mirzəyeva&oldid=8376281"