Elmira Qasımzadə

Vikipediya, açıq ensiklopediya
Jump to navigation Jump to search
Elmira Qasımzadə
Elmira Əliağa qızı Qasımzadə
Elmira Qasimzade.jpg
Doğum tarixi: 23 noyabr 1958 (1958-11-23) (59 yaş)
Doğum yeri: Azərbaycan Respublikası, Bakışəhəri
Vətəndaşlıq: Flag of Azerbaijan.svg Azərbaycan
Elm sahəsi: Kimya
İş yeri: AMEA Neft-Kimya Prosesləri İnstitutu
Elmi dərəcəsi: Kimya üzrə fəlsəfə doktoru
Elmi vəzifəsi: baş elmi işçi
Təhsili: Azərbaycan Neft və Kimya institutu (indiki Azərbaycan Dövlət Neft və Sənaye Universiteti)

Elmira Əliağa qızı Qasımzadə - Azərbaycan alimi, AMEA akad. Yusif Məmmədəliyev adına Neft-Kimya Prosesləri İnstitutunun “Patent-lisenziya tədqiqatları” şöbəsinin rəhbəri, kimya üzrə fəlsəfə doktoru.

Ümumi məlumatlar[redaktə | əsas redaktə]

Elmira Əliağa qızı Qasımzadə Elmira Əliağa qızı 23 noyabr 1958-ci ildə Bakı şəhərində ziyalı ailəsində anadan olmuşdur. 1976-cı ildə Bakı şəhəri 12 saylı orta məktəbi fərqlənmə ilə bitirmiş və həmin il Azərbaycan Neft və Kimya İnstitutuna (indiki Azərbaycan Dövlət Neft və Sənaye Universiteti) daxil olmuşdur. 1981-ci ildə institutun kimya-texnoloji fakültəsini bitirərək kimyaçı-mühəndis-texnoloq ixtisasına yiyələnib. Həmin ildə təyinatla Azərbaycan Milli Elmlər Akademiyasının akad. Y.H.Məmmədəliyev adına Neft-Kimya Prosesləri İnstitutunun (NKPİ) “Katalitik krekinq və piroliz” laboratoriyasında mühəndis-texnoloq vəzifəsində iş fəaliyyətinə başlayıb. 1984-cü ildə AMEA NKPİ-nin “Yanacaq və qazın kimyası” ixtisası üzrə aspiranturaya daxil olmuş, akademik M.İ.Rüstəmovun bilavasitə rəhbərliyi ilə elmi tədqiqatlar aparmış və 1991-ci ildə “Kimyəvi kinetika və kataliz” ixtisası üzrə “Seolittərkibli katalizatorların iştirakı ilə metanolun doymamış karbohidrogenlərə çevrilməsi” adlı namizədlik dissertasiyasını müdafiyə edərək kimya elmləri namizədi alimlik dərəcəsini almışdır. Müdafiyədən sonra elmi işçi, 1995-ci ildən etibarən NKPİ-nin böyük elmi işçisi vəzifəsində çalışmışdır. 2000-ci ildə Azərbaycan Respublikasının Ali Attestasiya Komissiyasının qərarı ilə E.Ə.Qasımzadə “baş elmi işçi” elmi adına layiq görülmüşdür. 2002-ci ildən aparıcı elmi işçi vəzifəsində çalışır. 2008-ci ildən “Patent-lisenziya tədqiqatları” şöbəsinin rəhbəridir. E.Ə.Qasımzadənin 70-ə qədər elmi əsərləri, o cümlədən müəlliflik şəhadətnaməsi, 10 ədəd Azərbaycan patentin, 10 ədəd “Neft kimyası sahəsində Patent – Lisenziya tədqiqatları” toplularının, 23 məqalə, 26 tezisin müəllifidir.[1]

Əsas elmi istiqamətləri[redaktə | əsas redaktə]

1981-1996-cı illərdə neftə alternativ xammal sayılan metanolun katalitik çevrilməsində kiçik molekullu (C2-C4) karbohidrogenlərin alınması, metanol və etanolun katalizator iştirakı ilə benzin fraksiyaları ilə birgə reaksiyalarından oktan ədədini artıran əlavələr kimi efirlərin alınması və nəhayət müxtəlif daşıyıcılar üzərində seolittərkibli katalizatorların iştirakında metil spirti ilə birgə reaksiyada açıq rəngli müxtəlif növ katalitik termoneytral krekinq məhsullarının katalitik krekinqi aparılmışdır. Sonuncu prosesin tədqiqi və nəticələri Respublikada Dövlət əhəmiyyətli, perspektivli nailiyyətlər sırasında yer tutmuşdur. 1997-ci ildən hal-hazıra qədər Azərbaycan patent qanununa uyğun olaraq AMEA-nın “Neft-kimyası və neft emalı” adlı ən mühüm istiqamətlərinin “Neft-kimya və neft emalı, yanacaq, sürtgü yağları və qazın kimyəvi texnologiyası; neftin və neft məhsullarının kompleks sxemləri” problemi üzrə institutun yerinə yetirdiyi elmi-tədqiqat işlərinin ixtira səviyyəsində alınan nəticələrinə milli və beynəlxalq ixtiraya iddia sənədlərinin hazırlanması və təyinatlı təşkilatlara (Azərbaycan Respublikasının “Standartlaşdırma, Metrologiya və Patent üzrə Dövlət Komitəsinin “Patent və Əmtəə Nişanları Mərkəzi (publik hüquqi şəxs); “PCT” beynəlxalq təşkilatına, Avrasiya Patent təşkilatına (AEПО)) təqdimi, aparılan ekspertizanın müsbət nəticəsindən asılı olaraq onların rəsmi informasiya bülletenlərində dərci və patentlərin alınmasında beynəlxalq internet saytlarından uyğun mövzuların patentlərinin toplanması, təhlili və toplu şəklində çap olunması kimi icrasını müvəffəqiyyətlə aparır.[2] Son 10 ildə (2007-2017) E.Ə.Qasımzadənin yeni elmi istiqamətlərindən biri də son zamanlar Beynəlxalq səviyyədə təşkilatlanmış elmi informasiya və innovasiyalar mərkəzləri ilə aparılan işləri göstərmək olar. Beləki, Neft-Kimya prosesləri institunun patentləşmiş innovasiya xarakterli elmi-işlərin məqalə və məlumatlar formasında Rusiyanın Moskva şəhərində çap olunаn “Информация и инновации” və yerli “Elm və innovasiya” jurnallarında dərc edilmişdir. 2008, 2010 və 2011-ci illərdə Qasımzadə E.Ə. Bakı şəhərində keçirilən Beynəlxalq seminarların məzunu kimi “İnformasiya və innovasiyaların texnologiyaları” üzrə sertifikatlar almışdır.

Əsas elmi nəticələri[redaktə | əsas redaktə]

E.Ə. Qasımzadə neftə alternativ xammal olan metanoldan katalizatorun iştirakı ilə kiçik molekullu olefinlərin yüksək çıxımla alınmasına və benzin fraksiyaları ilə birgə metanolun iştirakında termoneytral prosesinin aparılmasına və nəticədə benzinlərin oktan ədədinin artırılmasına nail olmuşdur. E.Ə.Qasımzadə rəhbəri olduğu “Patent-lisenziya tədqiqatları” qrupu tərəfindən 170-yə yaxın Azərbaycan patenti, Beynəlxalq patent və nəhayət 10-a yaxın AVRASİYA patenti alınmışdır.

Elmi – təşkilatı fəaliyyəti[redaktə | əsas redaktə]

1981-ci ildən başlayaraq E.Ə.Qasımzadənin sonrakı əmək və elmi fəaliyyəti bilavasitə Azərbaycan MEA akademik Y.Məmmədəliyev adına Neft-Kimya Prosesləri Institutu ilə bağlıdır;

  • AMEA NKPİ-nin Elmi şurasının üzvi;
  • AMEA NKPİ-nin Dissertasiya Şurası nəzdində fəaliyyət göstərən Birləşmiş Elmi Seminarın üzvü;
  • NKPİ-nin Neft emalı texnologiyası və Neft kimyası üzrə ekspert komissiyasının üzvüdür.

Nəaliyyətləri[redaktə | əsas redaktə]

AMEA Y.Məmmədəliyev adfına Neft Kimya Prosesləri İnstitutunun “Patent –Lisenziya tədqiqatları” qrupunun rəhbəri kimya üzrə fəlsəfə doktoru Elmira Əliağa qızı Qasımzadə Ümumdünya Əqli Mülkiyyət Təşkilatı (WIPO) tərəfindən təşkil edilmiş: I Patent sənədlərinin hazırlanmasının əsasları II Əqli Mülkiyyərin əsasları Mövzuları üzrə 2017 –ci il, 5 aprel-15 iyul və 1 oktyabr- 17 noyabr tarixlərində distant təhsil kurslarını mənimsəmiş, final imtahanlarını müvəffəqiyyətlə keçərək Ümumdünya Əqli Mülkiyyət Təşkilatı Akademiyasının (Академия Воис) “Distant təhsilini” fərqlənmə ilə bitirdiyini təsdiq edən şəhadətnamələr almışdır.


Qasimzade 1.jpg
ScanPatent.jpg

İş yeri və ünvanı: AMEA-nın akad. Y.H.Məmmədəliyev adına Neft-Kimya Prosesləri İnstitutu, Az1025, Azərbaycan Respublikası, Bakı ş., Xocalı prospekti, 30

Mənbə[redaktə | əsas redaktə]

  • "Neft Kimya Prosesləri İnstitutu"

İstinadlar[redaktə | əsas redaktə]

  1. http://www.nkpi.az/?page=directorate&id=33
  2. http://www.science.gov.az/institutes/135