Elnarə Xəlilova
| Elnarə Xəlilova | |
|---|---|
| Elnarə Sabit qızı Xəlilova | |
| Ümumi məlumatlar | |
| Doğum tarixi | |
| Doğum yeri | Bakı, Azərbaycan SSR |
| Vətəndaşlığı |
 Azərbaycan |
| Milliyyəti | azərbaycanlı |
| Həyat yoldaşı | Rövşən Cahangirov[1] |
| Uşaqları | Burlaxatun, Tuğər Harun Cahangir, Öndər Xaqan |
| Musiqiçi məlumatları | |
| Fəaliyyəti | Müğənni |
| Fəaliyyət illəri | 2000– |
| Janr | pop-musiqi |
| Mükafatları |
 |
Xəlilova Elnarə Sabit qızı (1 oktyabr 1980, Bakı) — Azərbaycan müğənnisi və aktrisası.
Həyatı[redaktə | əsas redaktə]
Uşaqlıq illəri[redaktə | əsas redaktə]
Elnarə Xəlilova 1 oktyabr 1980-ci ildə Bakıda anadan olub. 1987-ci ildə 144 № orta məktəbə gedib, 1997-ci ildə həmin məktəbi bitirib. Elə həmin ildə Azərbaycan Dövlət Dillər Universitetinin Filologiya fakültəsinə daxil olub və universitetdən qırmızı diplomla məzun olub. Daha sonra təhsilini Milli Konservatoriyada davam etdirib.
13 yaşında ikən anası onu «Azərbaycan Televiziya və Radio Verilişləri» Qapalı Səhmdar Cəmiyyəti "Bənövşə" uşaq xorununa aparıb və ilk səhnə fəaliyyətini də belə başlayıb. Əfsər Cavanşirovun rəhbərliyi altında həmin xorun solisti olub. Sənətçi sonrada birlikdə çalışdığı Xuraman Şuşalı ilə burada tanış olub.
Gənclik illəri[redaktə | əsas redaktə]
1999-cu ildə “Qızıl Açar-99” mahnı müsabiqəsinin laureatı olub. 2000-ci ildə Vaqif Gərayzadənin triosuna dəvət alıb. Qrupda çalışdığı vaxtlar Zülfiyyə Xanbabayevanın, Aygün Kazımovanın və bir çox ulduzların bek vokalisti olub. Qrupdan ayrıldıqdan sonra "Şərq ulduzları" uşaq teatrında çalışıb. Sonradan "Elnarə və onun dostları" qrupunu yaradıb. 2003-cü ildə "SS Production" şırkəti ilə 5 il müddətinə müqavilə bağlayıb və solo karyerasına başlayıb. İlk mahnısı "Sənsizəm" olub. Həmin il "Qəm otağı" adlı ilk klipi işıq üzü görüb. "Gənc Sim", "Pantene Pro-v" markalarının Azərbaycanda siması olub. Bundan əlavə Özbəkistanda "Nəzakət", Azərbaycanda istehsal olunan "Məşədi İbad-97" filmlərində baş rol alıb. İndiyə kimi 6 klipi işıq üzü görüb - "Qəm otağı", "Məhəbbət payım", "Uzaqlara", "Yuxulu şəhər", "Çünki gəncsən", "Cibdə varsa pul". 2006-cı ildə ailə həyatı qurub. Həmin il "Məhəbbət payım" adlı solo albomunu buraxıb. "Səbuhi" studiyasında yazılan disk 16 mahnıdan ibarət olub.
Ailəlidir. 4 övladı - 1 qızı, 3 oğlu var. 2006-cı ildə ailə həyatı quran Elnarənin 2007-ci il iyunun 22-də qızı, 2009-cu il oktyabrın 11-də oğlu olub.[2]
Filmoqrafiya[redaktə | əsas redaktə]
- Məşədi İbad-94 (film, 2005) — Gülnaz
- Milçək (film, 2006) (mahnı ifa edən)
İstinadlar[redaktə | əsas redaktə]
- ↑ domenaz.com: Müğənni Elnarə ana olacaq---yayımlanma tarixi: 24.02.11
- ↑ "Müğənni Elnarənin oğlu oldu". 2009-10-13 tarixində orijinalından arxivləşdirilib. İstifadə tarixi: 2009-10-12.
Xarici keçidlər[redaktə | əsas redaktə]
- Elnarə Xəlilova Arxivləşdirilib 2016-03-05 at the Wayback Machine
- Elnarə Xəlilova Arxivləşdirilib 2014-07-02 at the Wayback Machine
- Facebook-da rəsmi fan səhifəsi