Elnur İrəvanlı

Vikipediya, açıq ensiklopediya
Jump to navigation Jump to search
Elnur İrəvanlı
Mehdiyev Elnur Sədi oğlu
Elnur İrəvanlı Elnur İrəvanlı
İlk adı Elnur
Təxəllüsü İrəvanlı
Doğum tarixi 14 avqust 1981 (1981-08-14) (37 yaş)
Doğum yeri Bakı, Azərbaycan SSR, SSRİ
Atası Sədi Səttar oğlu Mehdiyev
Anası İradə Nadir qızı Mehdiyeva
Vətəndaşlığı Flag of the Soviet Union.svg SSRİ
Flag of Azerbaijan.svg Azərbaycan
Milliyyəti azərbaycanlı
İxtisası həkim-nevropatoloq
Təhsili Azərbaycan Tibb Universiteti
Fəaliyyəti şair, jurnalist
Fəaliyyət illəri 2001-indi
Əsərlərinin dili Azərbaycan dili
İstiqamət şeir, publisistika
Janr poeziya
İlk əsəri Səni sevdiyimə peşman deyiləm

Elnur İrəvanlı (Mehdiyev Elnur Sədi oğlu; d. 14 avqust 1981, Bakı, Azərbaycan SSR, SSRİ) — Azərbaycan şairi, jurnalist, Azərbaycan Yazıçılar Birliyinin (2006), Azərbaycan Jurnalistlər Birliyinin (2007) üzvü, "Laçın yurdu" jurnalının məsul katibi (2011), Prezident təqaüdçüsü (2012).

Həyatı[redaktə | əsas redaktə]

Elnur İrəvanlı 1981-ci il avqustun 14-də Bakı şəhərində həkim ailəsində doğulub. Əslən Qərbi Azərbaycanın İrəvan şəhərindəndir. 1988-ci ildə Bakı şəhəri, Əzizbəyov rayonunun (indiki Xəzər rayonu) Buzovna qəsəbəsində yerləşən 26 saylı orta məktəbin I sinfinə qəbul edilib və 1998-ci ildə həmin məktəbi bitirib. 2000-ci ildə N.Nərimanov adına Azərbaycan Tibb Universitetinin pediatriya fakültəsinə daxil olub və həmin fakültəni 2006-cı ildə yüksək qiymətlərlə başa vurub. 2006-2007-ci illər Ə.F.Qarayev adına 2 saylı Klinik Uşaq Xəstəxanasında internatura keçib.[1]

Elnur İrəvanlı Uşaq Nevroloji Xəstəxanasında 15.09.2008-ci il tarixdən 06.04.2009-cu il tarixədək nevropatoloq ixtisası üzrə iş yerində təkmilləşdirmə kursu keçib.

Universitetdə təhsil aldığı zaman bir sıra ictimai işlərə xüsusi diqqət ayırıb. Belə ki, 2004-2006-cı illər ərzində Azərbaycan Qızıl Aypara Cəmiyyətinin ATU komitəsində pediatriya fakültəsi üzrə sədr olub.

2004-cü ilin oktyabrından Yeni Azərbaycan Partiyasının üzvüdür.

Yaradıcılığı[redaktə | əsas redaktə]

2001-ci ildən bu günə qədər Elnur həm də bədii yaradıcılıqla məşğuldur. 2006-cı ildən Azərbaycan Yazıçılar Birliyinin, 2007-ci ildən isə Azərbaycan Jurnalistlər Birliyinin üzvüdür.[2]

2004-cü ildən dövri mətbuatda şeirləri və tibbi yazıları çap olunur. "Təbiətin öz məlhəmi" adlı ilk mətbu yazısı Azərbaycan Tibb Universitetinin orqanı olan "Təbib" qəzetində 10 aprel 2004-cü ildə işıq üzü görüb. Elə ilk şeiri də həmin qəzetdə çap olunub.

Elnurun poeziyaya həvəsi ötəri olmayıb. Təsadüfi deyildir ki, 2005-ci ildən indiyədək 6 şeirlər kitabını - "Səni sevdiyimə peşman deyiləm", "Qəlbin sözləri", "Səni sevməyimdir günahım mənim", "Doğmalar, müdriklər", "Sənsiz bu dünyanı neyləyirəm mən", "Tanrının töhfəsi" - oxucuların ixtiyarına verib. Onlarla kitabın korrektoru və bədii redaktorudur.

Bundan sonra "Ekspress", "Xalq qəzeti", "Mövqe", "PressPost", "Mühakimə", "Kredo", "Zerkalo", "Sağlamlıq və Rifah", "Kaspi", "Zaman" qəzetlərində və "Xəzər xəbər", "Azərbaycan dünyası" və s. jurnallarda şeir və publisistik yazıları dərc olunub, amma bu gün də uğurla əməkdaşlıq etdiyi "Təbib" qəzeti ona xüsusilə doğmadır.

Adı pofessor Teymur Əhmədovun tərtib etdiyi 1056 səhifəlik "Azərbaycan yazıçıları XX-XXI yüzillikdə" ensiklopedik məlumat kitabına (2011) daxil edilib.

Kitabları[redaktə | əsas redaktə]

  • "Səni sevdiyimə peşman deyiləm", Bakı, "Nurlan", 2005.
  • "Qəlbimin sözləri", Bakı, "Nurlan", 2006.
  • "Səni sevməyimdir günahım mənim", Bakı, "Nurlan", 2007.
  • "Doğmalar, müdriklər", Bakı, "Azərnəşr", 2008.
  • "Sənsiz bu dünyanı neyləyirəm mən", Bakı, "Azərnəşr", 2009.
  • "Tanrının töhfəsi", Bakı, "Azərnəşr", 2010.

Mükafatları[redaktə | əsas redaktə]

Ailəsi[redaktə | əsas redaktə]

Elnur İrəvanlı ailəlidir. Ayişə adlı qızı, Sədi adlı oğlu var.[3]

Atası Sədi Səttar oğlu Mehdiyev Bakı şəhəri Sabunçu rayonu Maştağa qəsəbəsində yerləşən 7 saylı Birləşmiş Şəhər Xəstəxanasının Poliklinika Şöbəsində 36 il həkim-cərrah işləyib.

Anası İradə Nadir qızı Mehdiyeva Bakı şəhəri Sabunçu rayonu Bilgəh qəsəbəsində yerləşən Bilgəh Kardioloji Sanatoriyasında 34 ildir ki, həkim-kardioloq vəzifəsində çalışır.

İstinadlar[redaktə | əsas redaktə]

  1. Arif Məmmədli, "Qələm dostumuza yubiley təbriki", "Laçın yurdu" jurnalı, №2(2), 2011.
  2. Teymur Əhmədov. Azərbaycan yazıçıları (XX-XXI yüzillikdə), ensiklopedik məlumat kitabı, "Nurlar", Bakı, 2011.
  3. Elnur İrəvanlı (31.03.2017). "Poeziya". "Laçın yurdu" №1(21) ("Elm və təhsil" nəşriyyatı): səh.61. İstifadə tarixi: 2017-05-22.

Mənbə[redaktə | əsas redaktə]

Vikianbarda Elnur İrəvanlı ilə əlaqəli mediafayllar var.