Elnur Astanbəyli

Vikipediya, azad ensiklopediya
Jump to navigation Jump to search
Elnur Astanbəyli
Elnur Astanbəyli.jpg
Doğum tarixi 13 oktyabr 1980(1980-10-13)
Doğum yeri Aslanbəyli, Qazax
Fəaliyyəti jurnalist

Elnur Astanbəyli — şair; publisist, "Almadan küsən" və "Oktyabra məktublar" adlı iki şeir, "3Q - Qələm, qadın, qədəh" adlı bir publisistik kitabın müəllifidir. "Rafiq Tağı" və "Həsən bəy Zərdabi" mükafatlarının laueratı.

Həyatı[redaktə | əsas redaktə]

Elnur Astanbəyli 1980-ci il oktyabrın 13-də Qazax rayonunun Aslanbəyli kəndində anadan olub. İlk təhsilini buradakı orta məktəbdə alıb. 2002-ci ildə Gəncə Dövlət Universitetini filologiya ixtisası üzrə bitirib. Bundan sonra Bakı şəhərinə gəlib və həmin vaxtdan burada yaşayır.

Bir çox aparıcı qəzetlərdə çalışıb. Xalq və modern üslubda şeirlər müəllifidir. Yazıçılar Birliyinin üzvü olub. 2004-cü ildə birliyin ədəbi siyasətinə və sədr Anar Rzayevin fəaliyyətinə etiraz olaraq istefa verib. Müsavat Partiyasının və "NİDA" Vətəndaş Hərəkatının üzvüdür[Mənbə göstərin]

Yaradıcılığı[redaktə | əsas redaktə]

Elnur Astanbəylinin ilk şeirləri 1990-cı illərin sonlarından çap olunmağa və diqqəti cəlb etməyə başlayıb.

2000-ci ildə Azərbaycan Gənclər və İdman Nazirliyinin "İlin ən yaxşı gənc şairi" mükafatına layiq görülüb.

2000-ci illərin əvvəllərindən etibarən "Xalq Cəbhəsi" qəzetində mədəniyyət yazarı, "Ədalət" qəzetində mədəniyyət şöbəsinin redaktoru, "Milli Yol" və "Alma" qəzetlərində baş redaktorun müavini kimi çalışıb.

Klassik və modern üslubda şeirləri ilə ilə yanaşı, siyasət və mədəniyyətə dair çoxsayda sərt tənqidi köşə yazılarının müəllifi kimi tanınır. 2000-ci illərin ortalarından etibarən gündəlik "Azadlıq" və həftəlik "Reytinq" qəzetilərində bir çox səs-küylü müəllif yazıları ilə çıxış edib.

2012-ci ildə "Almadan küsən" adlı ilk, 2014-cü ildə isə "Oktyabra məktublar" adlı ikinci şeir kitabı nəşr olunub.

2016-cı ildə esselərdən ibarət "Üç Q (Qələm, qadın, qədəh)" kitabı işıq üzü görüb.

Ailəlidir, iki övladı var.

Mükafatları[redaktə | əsas redaktə]