Elnur Eltürk

Vikipediya, azad ensiklopediya
Jump to navigation Jump to search
Elnur Eltürk
Elnur Hüseynov
Elnur Eltürk (MEK).jpg
Doğum tarixi (37 yaş)
Doğum yeri Sahil qəsəbəsi, Qaradağ rayonu, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti Azərbaycan türkü
İxtisası tarix
Təhsili Azərbaycan Dövlət Pedaqoji Universiteti
Fəaliyyəti Diaspor fəalı və jurnalist
Fəaliyyət illəri 2008 - h. h.
Vikianbarın loqosu Vikianbarda əlaqəli mediafayllar

Elnur Eltürk (Elnur Hüseynov Nazim oğlu; d. 26 noyabr 1983, Sahil qəsəbəsi, Qaradağ rayonu, Azərbaycan SSR, SSRİ) — diaspor üzrə araşdırmaçı ekspert.[1] Azərbaycan Kikboksinq Federasiyası üzvü və AMEA Mərkəzi Elmi Kitabxanasında Sərbəst Elektron Resursları şöbəsinin müdiri(2018–2020)[2]. Elnur Eltürk Azərbaycan diasporunun inkişafı üçün göstərdiyi fəaliyyətlərə görə mərkəzi Niderlandda yerləşən Niderland Türk Federasiyasının təşəkkür plaketi ilə təltif olunmuşdur, AMEA Mərkəzi Elmi Kitabxanasının direktor müavini (2019–2020)[3].

Həyatı[redaktə | mənbəni redaktə et]

Elnur Eltürk 1983-cü ilin 26 noyabr tarixində Qaradağ rayonunun Sahil qəsəbəsində anadan olmuşdur. Orta məktəbi bitirdikdən sonra 2001–2005-cü illərdə Azərbaycan Dövlət Pedaqoji Universitetinin Tarix faklütəsində təhsil almışdır. Təhsil aldığı müddətdə ictimai fəallığı ilə seçilən Elnur Eltürk ilk jurnalist təcrübələrinidə tələbəlik illərində qazanmışdır. Jurnalist kimi Azərbaycan mətbuatına gəlməsi 2008-ci ildə baş verib. İnternet üzərindən yayımlanan müxtəlif xəbər saytlarında işləməyə başlayan Elnur Eltürk 2012-ci ildən etibarən Azərbaycan diasporunun inkişafı istiqamətlərində də işlər görməyə başlayır. Müxtəlif vaxtlarda Güney Azərbaycan TeleviziyasıTəzadlar qəzetində mütəxəssis kimi çalışmışdır. Mətbuat sahəsində çalışdığı orqanlardan biri də BayMedia İnformasiya Portalıdır[4].

Azərbaycan Kikboksinq Federasiyasında idarə heyətinin üzvüdür. AMEA Mərkəzi Elmi Kitabxanasında Sərbəst İnformasiya Resuslar şöbəsinin rəhbəridir[2]. 2016-cı ilin sentyabr ayında Elnur Eltürk Makedoniya parlamentinin deputatı Enes İbrahim ilə birlikdə Makedoniya-Azərbaycan Dostluq Cəmiyyəti adlı diaspor təşkilatı yaratmışdır.[5]

Elnur Eltürk Almaniyanın "Köln Universitetində" ,"Soyqırım Həqiqətlərini Tanıtma İctimai Birliyinin təşkilatçılığı" ilə Xocalı soyqırımı ilə bağlı keçirilmiş konfransda iştirak edib.[6]

Fəaliyyəti[redaktə | mənbəni redaktə et]

  • Elnur Eltürk Macarıstanın alimi Borbala Obrusanszkynın və Soyqırım Həqiqətlərinin Tanıdılması İctimai Birliyinin sədri Ceyhun Ələkbərovun birgə müəllifi olduğu "Qafqazın parlayan ulduzu — Azərbaycan" adlı kitabın redaktoru olmuşdur.[7]
  • Müxtəlif illərdə "Gün az","Publika.az", "Milli.az" saytlar ilə əməkdaşlıq etmişdir.
  • Ermənistan-Azərbaycan, Dağlıq Qarabağ münaqişəsi ilə bağlı "Türkiyə Beynəlxalq və Strateji Araşdırmalar Mərkəzində" ekspert kimi fikri yayımlanmışdı.[8]
  • Elnur Eltürk Könül Ordubadinin İstanbulda Xocalı soyqırımının 24-cü ildönümü ilə əlaqədar "Unudulmayan Xocalı" şeirlər toplusunun redaktoru olmuşdur[4].[9]
  • "Adil insan" (müəllif:Elxan Sahinoğlu və jurnalistlər — Rüfət Soltanla Elnur Eltürk ) adlı kitabının tərtibatçısı olmuşdur.[10]
  • Eldəniz Elgünün "Erməni psixologiyası" adlı kitabının redaksiya heyetinin üzüvü olmuşdur.[11]
  • Sərdar Ünsalın Türkiyədə "Ürəyim İrəvanda Qaldı" adlı romanının redaksiya heyetinin üzüvü olmuşdur.[12]
  • 2017-ci ildə 28 iyun Azərbaycan-Makedoniya arasında dostluq münasibətlərinin möhkəmləndirilməsində roluna görə "Ufuk dərnəyinin" sədri Dr.Elvin Hasan tərəfindən "Təşəkkürnamə "ilə təltif olunub.[13]
  • 2007–2009-cu illərdə "Dünya Azərbaycanlıları Konqresi Gənclər Təşkilatı"nda sədr müavini və sədr vəzifəsini icra edib.[14]
  • 2008–2010-cu illərdə "Bakı Strateji Araşdırmalar Mərkəzi"nin sədri olmuşdur.
  • 2013-cü ilin avqust ayının 24-də  Kastamon Şəhər bələdiyyəsinin təşkilatçılığı və "Avrasiya İqtisadi Əlaqələr Dərnəyinin" təşəbbüsü ilə keçirilən "Türk Dünyası Günləri" çərçivəsində Azərbaycan və Türkiyə arasında mədəni,sosial əlaqələrin güclənməsində oynadığı rola görə bələdiyyə tərəfindən mükafatlandırılıb[15].
  • "Beynəlxalq Əsassız Erməni İddialarıyla Mübarizə Dərnəyi"nin (ASİMDER) sədri Göksel Gülbey "Azərbaycan Müharibə Veteranları Birliyi"nin (AMVB) Sumqayıt Təşkilatının fəalları ilə görüşüb.Daha sonra ASİM-DER başqanı Göksel Gülbey tərəfindən erməni qətliamlarının dünya ictimaiyyətinə çatdırılmasında ortaq fəaliyyətlərə vermiş olduğu dəstəyə görə BDM sədri İsmayıl Ağayev, AMVB-nin Sumqayıt Təşkilatının sədri Mübariz Quliyev, BDM-in aparat rəhbəri Samir Adıgözəlli, BDM-in Rusiya təmsilçisi Ələmdar Nəbiyev və araşdırmaçı-jurnalist Elnur Eltürkə təşəkkür plaketi təqdim edilib.[16]
  • 2014-cü ilin noyabr ayının 24-də "Avrasiya İqtisadi Əlaqələr Dərnəynin" (EkoAvrasiya), "Soyqırım Həqiqətlərinin Tanıdılması İctimai Birliyi"nin, "Avrasiya İctimai Əlaqələr və Əməkdaşlıq Dərnəyi"nin birgə təşkilatçılığı ilə keçirilən Xocalı soyqırımıyla əlaqədar tədbirdə iştirak edib.[17]
  • 2015-ci ilin martın 10-da "Diaspor Jurnalistləri Birliyinin İdarə Heyəti"nin üzvü Elnur Eltürk "Türkiyə Gənclik və Xidmət Vəqfinin" (Türgev) təqdimat mərasimində iştirak etmişdir.[18]
  • 2017-ci ilin may ayının 6-da Heydər Əliyevin anadan olmasının 94-cü ildönümü ilə əlaqədar İqtisadiyyat Nazirliyinin Azərbaycan Mətbuat Şurası ilə birlikdə KİV nümayəndələri arasında təşkil etdiyi "Heydər Əliyev və iqtisadi islahatlar" mövzusunda yaradıcılıq müsabiqəsinin qaliblərindən bir olub.[19]
  • 2017-ci ilin 26 may ''Avrasiya İqtisadi Əlaqələr Dərnəyinin sədri Hikmət Ərən (EkoAvrasya) və Pursaqlar Bələdiyyəsinin sədri Səlcuk Çətin birgə təşkilatçılığı ilə Türkiyə-Azərbaycan əlaqələri: qardaşlıq və strateji tərəfdaşlıq adlı beynəlxalq simpozium'' da göstərdiyi fəallığa görə mükafatla təltif olunub.
  • 2018-ci ildə Qərbi Kaspi Universitetinin Tətbiqi Politologiya Mərkəzinin çap etdirdiyi "Qərbi Kaspi" siyasi dərgisinin redaksiya heyətinin üzvü olub.[20]
  • 8 may 2019-cu ildə AMEA Mərkəzi Elmi Kitabxanasının direktor müavini təyin olunub[21].
  • İspaniyada yaşayan azərbaycanlıların fəaliyyətinin təbliğində və təşkilatlanmasında göstərdiyi fəaliyyətlərə görə,Valensiya Azərbaycanlıları Cəmiyyəti tərəfindən "Fəxri Fərman"la təltif edilib.[22]
  • 2020-ci il 7 sentyabrda Azərbaycan Milli Elmlər Akademiyası (AMEA) Mərkəzi Elmi Kitabxanasının direktor müavini vəzifəsindən öz ərizəsi ilə çıxıb.[23]

Xarici mətbuatda məqalələri[redaktə | mənbəni redaktə et]

Vətən müharibəsi dövründə jurnalist Əli Zülfüqaroğlu ilə birlikdə Yunanıstanın karfitsa.gr saytında[24], Pakistanın "globalnewspakistan.com" informasiya portalında[25], İngiltərənin t-vine.com saytında[26], İraqın "afkarhura.com" xəbər portalında[27], İspaniyanın "TuVozenPinares" nəşri və eyniadlı saytında[28], Əlcəzair, Misir mediasında[29], Özbəkistanın "İnterpress" informasiya agentliyində[30] yayımlanıb. Siyasi analitik Elxan Şahinoğlu ilə İngiltərənin t-vine.com saytında Dağlıq Qarabağ və ətraf rayonların azad olunması məqsədilə aparılan müharibəyə həsr olunan geniş təhlil yazısı ilə çıxış ediblər.[31]. Jurnalist Əli Zülfüqaroğlu ilə birgə İndoneziyanın nüfuzlu Akurat.co informasiya agentliyində Xocalı soyqırımının 29-cu il dönümü ilə bağlı məqalə yazıblar.[32]

Jurnalist Əli Zülfüqaroğlu ilə birlikdə dahi Azərbaycan şairi Nizami Gəncəvi haqqında məqalə Pakistanın ingilisdilli "The Dspokesman" qəzetində yayımlanıb.[33]

Jurnalist Əli Zülfüqaroğlu ilə birgə hazırladığı yazı İndoneziya dilində kempalan.com, minanews.net[34] saytlarında “Nizami Gəncəvi yaradıcılığı: Qərbin və Şərqin ədəbiyyat ensiklopediyası” adlı başlığı altında yayımlanıb.[35]

Mükafat və təltifləri[redaktə | mənbəni redaktə et]

  • 19 oktyabr 2017-ci ildə Danimarkada fəaliyyət göstərən Skandinaviya Türk Federasiyasının diplomu ilə mükafatlandırıb.[36]
  • 18 dekabr 2019-cu ildə AMEA Mərkəzi Elmi Kitabxanasının direktoru Leyla İmanova tərəfindən "Vikipediya" ya verdiyi töhfələrə görə təşəkkürnamə ilə mükafatlandırılıb.[37]
  • 12 mart 2019-cu ildə Qars Şəhər Bələdiyyəsinin sədri Murtaza Qaraçanta diaspor üzrə araşdırmaçı jurnalist Elnur Eltürkə təşəkkürnamə vermişdir[38]. Haqqında belə demişdir:
" "Elnur bəyi 2009-cü ildən tanıyıram. O zaman mən Qars Azərbaycan Mədəniyyət Cəmiyyətinin sədri idim. Qars Azərbaycan mədəniyyət tədbirlərinin təşkilində fəal iştirak edirdi. Türk dünyasının siyasi-ictimai,mədəni,sosial həyatında fəal iştirak edən gənclərimizdəndir. Daima Qarsla bağlı məlumatların mətbuata yayılmasında da fəallıq göstərir. Ona gələcək fəaliyyətlərində uğurlar arzulayıram"[38]. "
  • 19 may 2020-ci ildə Makedoniya Türk Hərəkat Partiyasının sədri, Makedoniya Parlamentinin deputatı Enes İbrahim tərəfindən "Təşəkkürnamə" ilə təltif edilib[39].
  • 18 avqust 2020-ci ildə Yunanıstanda yaşayan azərbaycanlıların fəaliyyətinin təbliğinə və təşkilatlanmasına media dəstəyi göstərdiyinə görə "QALA" Yunanıstan-Azərbaycan Dostluq Cəmiyyəti tərəfindən təltif edilib[40].
  • Vətən Müharibəsi zamanı "Karabakh is Azerbaijan!" Milli Platforması çərçivəsində informasiya mübarizəsində fəal iştirak etdiyinə görə "Karabakh is Azerbaijan" Milli Platforması1 tərəfindən "Təşəkkürnamə" ilə təltif olunmuşdur.
  • Azərbaycan həqiqətlərini dünya ictimaiyyətinə çatdırılması və 2020-ci ildə diaspora quruculuğu işində göstərdiyi xüsusi fəallığa görə Azərbaycan Respublikasının Diasporla İş üzrə Dövlət Komitəsi tərəfindən "Təşəkkürnamə" ilə təltif olunmuşdur[41].
  • "Azərbaycan-Ukrayna" Beynəlxalq Alyansının İdarə Heyətinin qərarı ilə Vətən müharibəsi dövründə Azərbaycan həqiqətlərinin ölkəmizdən kənarda təbliği, o cümlədən xarici media ilə sıx əlaqələrin qurulmasında əməyi olan, habelə arxa cəbhədə xidmət etmiş bir qrup media və vətəndaş cəmiyyəti nümayəndələri ilə birlikdə "Azərbaycan-Ukrayna" Beynəlxalq Alyansının qızıl ordeni ilə təltif olunub.[42]
  • Türkiyə-Azərbaycan Dostluq Dərnəkləri Federasiyasının "Təşəkkürnamə"si ilə təltif edilib[43].

Qalereya[redaktə | mənbəni redaktə et]

İstinadlar[redaktə | mənbəni redaktə et]

  1. Ermənilər Azərbaycana dəstək olan niderlandlı deputatı təhdid edir
  2. 1 2 Elnur Eltürk yeni vəzifəyə təyin olundu
  3. Mərkəzi Elmi Kitabxana
  4. 1 2 Bəradər Səməndərli, Aygün Hüseynova (2016). Ömür Salnamələri. Bakı. səh. 73.
  5. Elnur Eltürk deputatla yeni qurum yaratdı
  6. Almaniyada Xocalı soyqırımı ilə bağlı konfrans keçirilib[ölü keçid]
  7. ""Qafqazın parlayan ulduzu - Azərbaycan" macar dilində". 2016-02-09 tarixində orijinalından arxivləşdirilib. İstifadə tarixi: 2017-04-25.
  8. Uzmanlar Azerbaycan ve Ermenistan Arasındaki Çatışmaları Değerlendirdi[ölü keçid]
  9. İstanbulda "Unudulmayan Xocalı" şeirlər toplusu nəşr olunub
  10. Millət vəkili barədə kitab yazıldı – "Adil insan"
  11. "Erməni psixologiyası" kitabı işıq üzü gördü
  12. Türkiyəli yazarın "Ürəyim İrəvanda qaldı" adlı kitabı çapdan çıxıb
  13. "Azərbaycanlı diasporçu-yazar mükafatlandırıldı". 2017-05-13 tarixində orijinalından arxivləşdirilib. İstifadə tarixi: 2017-05-15.
  14. "Türk Dünyasında baş verən hadisələrə Türk Gəncliyinin münasibəti"[ölü keçid]
  15. Türkiyə azərbaycanlı jurnalisti mükafatlandırdı
  16. "Sumqayıtda ASALA müzakirəsi". 2012-10-05 tarixində orijinalından arxivləşdirilib. İstifadə tarixi: 2017-05-02.
  17. QHT sədrləri Türkiyə baş nazirinin müavini və millət vəkili ilə görüşüb
  18. "Azərbaycanın bir qrup QHT rəhbəri Türkiyə Prezidenti və Şimali Kiprin spikeri ilə görüşüblər". 2015-03-15 tarixində orijinalından arxivləşdirilib. İstifadə tarixi: 2017-04-28.
  19. Ümummilli Liderimiz Heydər Əliyevin anadan olmasının 94-cü ildönümünə həsr olunmuş tədbir keçirilib
  20. "QƏRBİ KASPİ Siyasi dərgi" (PDF). 2019-08-19 tarixində orijinalından (PDF) arxivləşdirilib. İstifadə tarixi: 2021-02-03.
  21. Elnur Eltürkə yüksək vəzifə verildi
  22. "Tanınmış jurnalist təltif edildi". 2019-09-06 tarixində orijinalından arxivləşdirilib. İstifadə tarixi: 2019-09-06.
  23. AMEA-da vəzifəli şəxs işdən çıxdı — FOTO
  24. Yunanıstan portalı ermənilərin Qarabağda törətdiyi bəşəri cinayətlərdən yazıb
  25. Pakistan portalında Ermənistanın Qarabağda törətdiyi bəşəri cinayətlərlə bağlı məqalə dərc olunub
  26. İngiltərə portalı Ermənistanın Azərbaycan torpaqlarında törətdiyi vandalizm aktları barədə məqalə yayıb
  27. İraq mediası erməni terrorundan yazıb
  28. İspaniya mediasında erməni vandalizmi ilə bağlı yazı dərc olunub
  29. Əlcəzair və Misir mediası Gəncə terrorundan yazıb
  30. Özbəkistan mediası Ermənistanın Qarabağda törətdiyi ekoloji terrordan yazıb
  31. Ekspertlərimiz Britaniya mediasında Qarabağdan yazdı
  32. İndoneziyanın nüfuzlu informasiya agentliyində Xocalı soyqırımı ilə bağlı məqalə dərc olunub
  33. Azərbaycanlı jurnalistlərin Nizami Gəncəvi haqqında məqaləsi Pakistan mediasında
  34. İndoneziyanın tanınmış saytı Nizami Gəncəvidən yazdı
  35. İndoneziya saytı dahi Azərbaycan şairi Nizami Gəncəvinin anadan olmasının 880 illiyi münasibətilə məqalə yayıb
  36. "Elnur Eltürk mükafatlandırıldı" (azərb.). modern.az. 19.10.2017. 2017-10-23 tarixində arxivləşdirilib. İstifadə tarixi: 2017-10-23.
  37. AMEA Mərkəzi Elmi Kitabxananın direktor müavini, ölkədə "Vikipediya" hərəkatının əsas simalarından Elnur Eltürk "Vikipediya" hərəkatında göstərdiyi uğurlu fəaliyyətinə görə, AMEA Mərkəzi Elmi Kitabxanasının direktoru hörmətli Leyla İmanova tərəfindən təşəkkürnamə ilə mükafatlandırılıb. [ölü keçid]
  38. 1 2 "Qars bələdiyyə sədri Elnur Eltürkə TƏŞƏKKÜR etdi" (azərb.). olke.az. 2019-02-28 tarixində arxivləşdirilib. İstifadə tarixi: 2019-02-28.
  39. "Azərbaycanlı ekspert Makedoniya parlamentinin deputatı tərəfindən təltifl olunub" (azərb.). publika.az. İstifadə tarixi: 2020-08-05.
  40. ""QALA" Yunanıstan-Azərbaycan Dostluq Cəmiyyəti KİV nümayəndələrini mükafatlandırıb" (azərb.). kanal5.az. İstifadə tarixi: 2020-08-19.[ölü keçid]
  41. "Tanınmış jurnalistlər Əli Zülfüqaroğlu və Elnur Eltürk təltif olundu" (azərb.). cebhe.info. 26 dekabr 2020. 2021-01-28 tarixində orijinalından arxivləşdirilib. İstifadə tarixi: 2021-01-17.
  42. Beynəlxalq Alyans arxa cəbhədə savaşan media və vətəndaş cəmiyyəti fəallarını qızıl ordenlə mükafatlandırıb
  43. Tanınmış jurnalist Türkiyədə mükafata layiq görülüb
  44. Jurnalist mükafatlandırıldı
  45. "Tanınmış jurnalist Türkiyədə mükafata layiq görülüb - FOTO". 2021-02-04 tarixində orijinalından arxivləşdirilib. İstifadə tarixi: 2021-01-30.

Xarici keçidlər[redaktə | mənbəni redaktə et]