Elnur Eltürk

Vikipediya, açıq ensiklopediya
Jump to navigation Jump to search
Elnur Eltürk
Elnur Hüseynov
Elnur Eltürk.jpg
Doğum tarixi 26 noyabr 1983 (1983-11-26) (35 yaş)
Doğum yeri Sahil qəsəbəsi, Qaradağ rayonu, Azərbaycan SSR, SSRİ
Vətəndaşlıq Flag of Azerbaijan.svg Azərbaycan
Peşəsi jurnalist
Milliyyəti Azərbaycanlı
İxtisası Tarix
Təhsili Azərbaycan Dövlət Pedaqoji Universiteti
Fəaliyyəti Diaspora fəalı və jurnalist
Fəaliyyət illəri 2008 - günümüz
Commons-logo.svg Vikianbarda əlaqəli mediafayllar

Elnur Eltürk (Elnur Hüseynov; d. 26 noyabr 1983. Sahil qəsəbəsi, Qaradağ rayonu, Azərbaycan SSR, SSRİ) — diaspor üzrə araşdırmaçı jurnalist. Azərbaycan Kikboksinq Federasiyası üzvü və AMEA Mərkəzi Elmi Kitabxanasında Sərbəst Elektron Resursları şöbəsinin müdiri[1]. Elnur Eltürk Azərbaycan diasporasının inkişafı üçün göstərdiyi fəaliyyətlərə görə mərkəzi Niderlandda yerləşən Niderland Türk Federasiyasının təşəkkür plaketi ilə təltif olunmuşdur, AMEA Mərkəzi Elmi Kitabxanasının direktor müavini.

Həyatı[redaktə | əsas redaktə]

Elnur Eltürk 1983-cü ilin 26 noyabr tarixində Qaradağ rayonunun Sahil qəsəbəsində anadan olmuşdur. Orta məktəbi bitirdikdən sonra 2001-2005-cü illərdə Azərbaycan Dövlət Pedaqoji Universitetinin Tarix faklütəsində təhsil almışdır. Təhsil aldığı müddətdə ictimai fəallığı ilə seçilən Elnur Eltürk ilk jurnalist təcrübələrinidə tələbəlik illərində qazanmışdır. Jurnalist kimi Azərbaycan mətbuatına gəlməsi 2008-ci ildə baş verib. İnternet üzərindən yayımlanan müxtəlif xəbər saytlarında işləməyə başlayan Elnur Eltürk 2012-ci ildən etibarən Azərbaycan diasporasının inkişafı istiqamətlərində də işlər görməyə başlayır. Müxtəlif vaxtlarda Güney Azərbaycan TeleviziyasıTəzadlar qəzetində mütəxəssis kimi çalışmışdır. Mətbuat sahəsində çalışdığı orqanlardan biri də BayMedia İnformasiya Portalıdır.

Azərbaycan Kikboksinq Federasiyasında idarə heyətinin üzvüdür. AMEA Mərkəzi Elmi Kitabxanasında Sərbəst İnformasiya Resuslar şöbəsinin rəhbəridir[1]. 2016-cı ilin sentyabr ayında Elnur Eltürk Makedoniya parlamentinin deputatı Enes İbrahim ilə birlikdə Makedoniya-Azərbaycan Dostluq Cəmiyyəti adlı diaspora təşkilatı yaratmışdır.

Elnur Eltürk Almaniyanın "Köln Universitetində" ,"Soyqırım Həqiqətlərini Tanıtma İctimai Birliyinin təşkilatçılığı" ilə Xocalı soyqırımı ilə bağlı keçirilmiş konfransda iştirak edib.[2]

Fəaliyyəti[redaktə | əsas redaktə]

  • Elnur Eltürk Macarıstanın alimi Borbala Obrusanszkynın və Soyqırım Həqiqətlərinin Tanıdılması İctimai Birliyinin sədri Ceyhun Ələkbərovun birgə müəllifi olduğu "Qafqazın parlayan ulduzu - Azərbaycan" adlı kitabın redaktoru olmuşdur.[3]
  • Müxtəlif illərdə "Gün az","Publika.az", "Milli.az" saytlar ilə əməkdaşlıq etmişdir.
  • Ermənistan-Azərbaycan, Dağlıq Qarabağ münaqişəsi ilə bağlı "Türkiyə Beynəlxalq və Strateji Araşdırmalar Mərkəzində" ekspert kimi fikri yayımlanmışdı.[4]
  • Elnur Eltürk Könül Ordubadinin İstanbulda Xocalı soyqırımının 24-cü ildönümü ilə əlaqədar “Unudulmayan Xocalı” şeirlər toplusunun redaktoru olmuşdur.[5]
  • "Adil insan" (müəllif:Elxan Sahinoğlu və jurnalistlər - Rüfət Soltanla Elnur Eltürk ) adlı kitabının tərtibatçısı olmuşdur.[6]
  • Eldəniz Elgünün "Erməni psixologiyası” adlı kitabının redaksiya heyetinin üzüvü olmuşdur.[7]
  • Sərdar Ünsalın Türkiyədə “Ürəyim İrəvanda Qaldı” adlı romanının redaksiya heyetinin üzüvü olmuşdur.[8]
  • 1995-ci ildə 28 iyun Azərbaycan-Makedoniya arasında dostluq münasibətlərinin möhkəmləndirilməsində roluna görə "Ufuk dərnəyinin" sədri Dr.Elvin Hasan tərəfindən “Təşəkkürnamə ”ilə təltif olunub.[9]
  • 2007-2009-cu illərdə "Dünya Azərbaycanlıları Konqresi Gənclər Təşkilatı"nda sədr müavini və sədr vəzifəsini icra edib.[10]
  • 2008-2010-cu illərdə "Bakı Strateji Araşdırmalar Mərkəzi"nin sədri olmuşdur.
  • 2013-cü ilin avqust ayının 24-də  Kastamon Şəhər bələdiyyəsinin təşkilatçılığı və "Avrasiya İqtisadi Əlaqələr Dərnəyinin" təşəbbüsü ilə keçirilən “Türk Dünyası Günləri” çərçivəsində Azərbaycan və Türkiyə arasında mədəni,sosial əlaqələrin güclənməsində oynadığı rola görə bələdiyyə tərəfindən mükafatlandırılıb [11].
  • "Beynəlxalq Əsassız Erməni İddialarıyla Mübarizə Dərnəyi"nin (ASİMDER) sədri Göksel Gülbey "Azərbaycan Müharibə Veteranları Birliyi"nin (AMVB) Sumqayıt Təşkilatının fəalları ilə görüşüb.Daha sonra ASİM-DER başqanı Göksel Gülbey tərəfindən erməni qətliamlarının dünya ictimaiyyətinə çatdırılmasında ortaq fəaliyyətlərə vermiş olduğu dəstəyə görə BDM sədri İsmayıl Ağayev, AMVB-nin Sumqayıt Təşkilatının sədri Mübariz Quliyev, BDM-in aparat rəhbəri Samir Adıgözəlli, BDM-in Rusiya təmsilçisi Ələmdar Nəbiyev və araşdırmaçı-jurnalist Elnur Eltürkə təşəkkür plaketi təqdim edilib. [12]
  • 2014-cü ilin noyabr ayının 24-də "Avrasiya İqtisadi Əlaqələr Dərnəynin" (EkoAvrasiya), "Soyqırım Həqiqətlərinin Tanıdılması İctimai Birliyi"nin, "Avrasiya İctimai Əlaqələr və Əməkdaşlıq Dərnəyi"nin birgə təşkilatçılığı ilə keçirilən Xocalı soyqırımıyla əlaqədar tədbirdə iştirak edib.[13]
  • 2015-ci ilin martın 10-da "Diaspor Jurnalistləri Birliyinin İdarə Heyəti"nin üzvü Elnur Eltürk "Türkiyə Gənclik və Xidmət Vəqfinin" (Türgev) təqdimat mərasimində iştirak etmişdir.[14]
  • 2017-ci ilin may ayının 6-da Heydər Əliyevin anadan olmasının 94-cü ildönümü ilə əlaqədar İqtisadiyyat Nazirliyinin Azərbaycan Mətbuat Şurası ilə birlikdə KİV nümayəndələri arasında təşkil etdiyi "Heydər Əliyev və iqtisadi islahatlar" mövzusunda yaradıcılıq müsabiqəsinin qaliblərindən bir olub.[15]
  • 2017-ci ilin 26 may ''Avrasiya İqtisadi Əlaqələr Dərnəyinin sədri Hikmət Ərən (EkoAvrasya) və Pursaqlar Bələdiyyəsinin sədri Səlcuk Çətin birgə təşkilatçılığı ilə Türkiyə-Azərbaycan əlaqələri: qardaşlıq və strateji tərəfdaşlıq adlı beynəlxalq simpozium'' da göstərdiyi fəallığa görə mükafatla təltif olunub.
  • 8 may 2019-cu ildə AMEA Mərkəzi Elmi Kitabxanasının direktor müavini təyin olunub[16].

Mükafat və təltifləri[redaktə | əsas redaktə]

  • 19 oktyabr 2017-ci ildə Danimarkada fəaliyyət göstərən Skandinaviya Türk Federasiyasının diplomu ilə mükafatlandırıb.[17]
  • 12 mart 2019-cu ildə Qars Şəhər Bələdiyyəsinin sədri Murtaza Qaraçanta diaspor üzrə araşdırmaçı jurnalist Elnur Eltürkə təşəkkürnamə vermişdir[18]. Haqqında belə demişdir:


" “Elnur bəyi 2009-cü ildən tanıyıram. O zaman mən Qars Azərbaycan Mədəniyyət Cəmiyyətinin sədri idim. Qars Azərbaycan mədəniyyət tədbirlərinin təşkilində fəal iştirak edirdi. Türk dünyasının siyasi-ictimai,mədəni,sosial həyatında fəal iştirak edən gənclərimizdəndir. Daima Qarsla bağlı məlumatların mətbuata yayılmasında da fəallıq göstərir. Ona gələcək fəaliyyətlərində uğurlar arzulayıram”[18]. "

Qalereya[redaktə | əsas redaktə]

İstinadlar[redaktə | əsas redaktə]

  1. 1,0 1,1 Elnur Eltürk yeni vəzifəyə təyin olundu
  2. Almaniyada Xocalı soyqırımı ilə bağlı konfrans keçirilib
  3. "Qafqazın parlayan ulduzu - Azərbaycan" macar dilində
  4. Uzmanlar Azerbaycan ve Ermenistan Arasındaki Çatışmaları Değerlendirdi
  5. İstanbulda “Unudulmayan Xocalı” şeirlər toplusu nəşr olunub
  6. Millət vəkili barədə kitab yazıldı – “Adil insan”
  7. “Erməni psixologiyası” kitabı işıq üzü gördü
  8. Türkiyəli yazarın “Ürəyim İrəvanda qaldı” adlı kitabı çapdan çıxıb
  9. Azərbaycanlı diasporçu-yazar mükafatlandırıldı
  10. “Türk Dünyasında baş verən hadisələrə Türk Gəncliyinin münasibəti”
  11. Türkiyə azərbaycanlı jurnalisti mükafatlandırdı
  12. Sumqayıtda ASALA müzakirəsi
  13. QHT sədrləri Türkiyə baş nazirinin müavini və millət vəkili ilə görüşüb
  14. Azərbaycanın bir qrup QHT rəhbəri Türkiyə Prezidenti və Şimali Kiprin spikeri ilə görüşüblər
  15. Ümummilli Liderimiz Heydər Əliyevin anadan olmasının 94-cü ildönümünə həsr olunmuş tədbir keçirilib
  16. Elnur Eltürkə yüksək vəzifə verildi
  17. "Elnur Eltürk mükafatlandırıldı" (azərb.). modern.az (19.10.2017). 23 oktyabr 2017 tarixində arxivləşdirilib. İstifadə tarixi: 23 oktyabr 2017.
  18. 18,0 18,1 "Qars bələdiyyə sədri Elnur Eltürkə TƏŞƏKKÜR etdi" (azərb.). olke.az. 28 fevral 2019 tarixində arxivləşdirilib. İstifadə tarixi: 28 fevral 2019.
  19. Jurnalist mükafatlandırıldı

Xarici keçidlər[redaktə | əsas redaktə]

Vikianbarda Elnur Eltürk ilə əlaqəli mediafayllar var.