Elsevər Hüseynov
| Elsevər Hüseynov | |
|---|---|
| Elsevər Sabir oğlu Hüseynov | |
| Şəxsi məlumatlar | |
| Doğum tarixi | 1965 |
| Vəfat tarixi | 25 aprel 1994 |
| Vətəndaşlığı | |
| Hərbi fəaliyyəti | |
| Mənsubiyyəti |
 Azərbaycan Ordusu |
| Rütbəsi | Kapitan |
| Təltifləri |
 |
Elsevər Hüseynov — Azərbaycan Silahlı Qüvvələrinin kapitanı, Birinci Qarabağ müharibəsi iştirakçısı, şəhid.
Həyatı[redaktə | mənbəni redaktə et]
Elsevər Hüseynov 1965-ci ildə Salyanda doğulub.
1979-cu ildə "Cəmşid Naxçıvanski" adına hərbi məktəbə daxil olub. Daha sonra təhsilini "Baki Ali Birləşmiş Komandirlər" məktəbində davam etdirib və 1986-ci ildə Moskvaya hərbi xidmətə göndərilib. Moskvada Suvari alayında kapitan kimi xidmət edən Elsəvər Hüseynov "Qüsursuz xidmətə görə" medalı ilə təltif edilir.
1991-ci ildə Azərbaycan Ordusunda xidmət etmək üçün Azərbaycana qayıdır.
1992-ci ildə Elsevər Hüseynov Ağdərənin Levonarx, Akop-Komari, Maqauz, Kasapet, Madagiz, Drmbon habelə Füzuli rayonunun Araz Dilağarda və s. kəndlərinin azad edilməsi uğrunda gedən döyüşlərdə bilavasitə iştirak edir.
Aqromer kəndi yaxınlığında aparılan əməliyyatı isə kapitan Elsevər Hüseynov özü hazırlayır və bu əməliyat uğurla nəticələnir.
Drmbon kəndi uğrunda gedən döyüşlərdə kapitan Elsevər Hüseynovun idarə etdiyi PDM vurulur və peşəkar hərbçi olan Elsevər maşındakı bütün yaralı silahdaşlarını xilas edib və kömək gələnədək erməni əsgərləri ilə tək başına vuruşur.
Şəhid olan Elsevər ölümündən sora Azərbaycan Respublikası Prezidentinin 1994-cü il 9 oktyabr tarixli fərmanı ilə göstərdiyi şücaətə görə Elsevər Sabir oğlu Hüseynov "Azərbaycan Bayrağı" ordeni ilə təltif olunub.
Mükafatı[redaktə | mənbəni redaktə et]
Azərbaycan Respublikasının bütövlüyü uğrunda aparılan hərbi əməliyyatlara görə Elsevər Hüseynov Azərbaycan Respublikasının Prezidenti Heydər Əliyevin 9 oktyabr 1994-cü il tarixli 218 saylı fərmanı ilə Elsevər Sabir oğlu Hüseynov "Azərbaycan Bayrağı" ordeni ilə təltif edilmişdir.[1]
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
- ↑ "Azərbaycan Respublikasının hərbi qulluqçularının təltif edilməsi haqqında Azərbaycan Respublikası Prezidentinin Fərmanı". 2012-07-09 tarixində orijinalından arxivləşdirilib. İstifadə tarixi: 2012-12-14.