Elxan Ələsgərov

Vikipediya, azad ensiklopediya
Jump to navigation Jump to search
Elxan Ələsgərov
Elxan Məmmədəli oğlu Ələsgərov
Elxan Ələsgərov.jpg
Doğum tarixi 14 mart 1955 (1955-03-14) (64 yaş)
Doğum yeri Bakı
Vətəndaşlığı Azərbaycan Azərbaycan
Milliyyəti azərbaycanlı
İxtisası rabitə-mühəndisi
Təhsili Azərbaycan Texniki Universiteti

Elxan Ələsgərov — siyasi ekspert, politoloq, "Baku Network" ekspert şurasının rəhbəri, filologiya üzrə fəlsəfə doktoru, Qarabağ müharibəsinin iştirakçısı, Trend Beynəlxalq İnformasiya Agentliyinin baş direktorun müavini, “Baku International Policy and Security Network” ekspert qrupunun rəhbəri[1].

Həyat və fəaliyyəti[redaktə | əsas redaktə]

Elxan Ələsgərov 1955-ci il mart ayının 14-də Bakı şəhərində ziyalı ailəsində anadan olmuşdur. Babası Ələsgər oğlu Hüseynbala məşhur Azərbaycanlı metsenatı Zeynalabdin Tagiyevin şirkətində işlər müdürü calışmışdır. O, Bakı şəhəri “bayır” hissəsində bakılılar arasında “Sonbala acıqlığı” kimi tanınan, sonralar isə “Sovetski” adlandırılan məhlənin 1886-ci ildə təməlini qoymuşdur[1].

Təhsili[redaktə | əsas redaktə]

Bakı şəhər 150 saylı orta məktəbi 1972-ci ildə bitirmişdir. Ali təhsilini Azərbaycan Texniki Universitetində almışdır, rabitə-mühəndisi olmuşdur. “Azon” elmi-tədqiqat institutunda və Azərbaycanın Təhlükəsizlik orqanlarında calışmışdır. Belarusiya Minsk şəhərində yerləşən “Ali məktəbin” məzunudur. 1981-1985-ci illərdə Ermənistana uzun müddətli ezamiyyətə göndərilmiş və Yerevan şəhərində yaşamışdır. 1987-ci ildə Azərbaycan Xarici ölkələrlə mədəni əlaqələr “Dostluq” Cəmiyyətində, 1988-ci ildə isə Xarici Ölkələrlə Mədəni Əlaqələr Cəmiyyəti – “Vətən” Cəmiyyətinin sədr müavini vəzifəsinə işləmişdir[1].

Fəaliyyəti[redaktə | əsas redaktə]

Qarabağ müharibəsinin iştirakçısı, hərbi rütbəsi polkovnikdir. 2000-2015-ci illərdə Azərbaycan Respublikası Xarici İşlər Nazirliyi tərəfindən xarici ölkələrə dəfələrlə uzun müddətli ezamiyyətlərə göndərilmişdi. 2000-2006-ci illərdə Türkiyənin paytaxtı Ankarada və 2008-2015-ci illərdə Niderland Krallığının Haaqa şəhərində ki AR XİN-nin səfirliklərində diplomatik xidmətdə olmuşdur[1].

Trend Beynəlxalq İnformasiya Agentliyinin baş direktorun müavini və “Baku International Policy and Security Network” ekspert qrupunun rəhbəridir. “Qafqaz Albaniyası”“Qafqaz” Araşdırma Mərkəzlərinin təsisçisi olmuşdur. Azərbaycan Xüsusi Xidmət Orqanlarının Veteranları İctimai BirliyininYazıçılar Birliyinin üzvü, 2 kitab, 200 çox məqalənin müəllifidir.

“Əli və Nino” romanı[redaktə | əsas redaktə]

“Əli və Nino” romanı haqqında Azərbaycanda aparılan ilk elmi araşdırmasına görə, ona filologiya üzrə fəlsəfə doktoru elmi dərəcəsi verilmişdi.

Baltika Forumu

"Baltika forumu"[redaktə | əsas redaktə]

Elxan Ələsgərov Riqada keçirilmiş "Baltika forumunda" iştirak etmişdir. "Baltika forumu" haqqındı demişdir[2]:

" Görüş zamanı Rusiya tərəfi ABŞ ilə münasibətlərin təhlükəli vəziyyətindən və mübarizə aparan tərəflərin nəticəsi pis olan səhvi ucbatından nüvə müharibəsinin mümkünlüyündən danışdı. Aİ ölkələrinin mövqeyinin zəifliyi və qeyri-müəyyənliyi, eləcə də Rusiyaya qarşı tətbiq olunan siyasi və iqtisadi sanksiyaların əsassız olduğunu vurğulandı. Çıxışların əsas tezisi Tramp administrasiyası ilə əməkdaşlığın qurulmasının və ABŞ ilə Rusiyanın mövqelərinin yaxınlaşmasının vacibliyi idi. Rusiya Prezidentinin köməkçisi İqor Levitinin sözlərinə görə, NATO-nun genişlənmə cəhdləri konfrontasiyanı gücləndirir, dünya ictimaiyyəti isə bölünüb və beynəlxalq terrorçuluğa qarşı mübarizə apara bilmir. O bəyan edib: "Dünya təhlükəli həddə yaxınlaşıb və biz problemlərin həlli yolunu tapa bilmirik". "

İstinadlar[redaktə | əsas redaktə]

Xarici keçidlər[redaktə | əsas redaktə]