Elxan Ocaqov

Vikipediya, azad ensiklopediya
Jump to navigation Jump to search
ELXAN OCAQOV
Elxan Ocaqov.jpg
Doğum tarixi 1954(1954-Şablondakı doğum və ya ölüm tarixində texniki yanlışlıq var!-00)
Peşəsi Aktyor

Kino redaktoru

Həyatı[redaktə | əsas redaktə]

Ocaqov Elxan Rüstəm oğlu 06.02.1954-cü ildə anadan olub, ali təhsillidir, ailəlidir.

Ocaqov Elxan Rüstəm oğlu 1976-cı ildə Tbilisi Dövlət Pedaqoci İnstitutunun "Filologiya" fakultəsini fərqlənmə diplomu ilə bitirib.Həmin illərdə Tibilisi Dövlət Universitetinin foto-kino fakültəsini(axşam şöbəsini) bitirib. İnstitutu bitirdikdən sonra bir müddət orta məktəb müəllimi, 1980-cı ildən rayon komsomol komitəsində katib işləyib.Komsomolda işlədiyi müddətdə bacarıqlı işçi olmaqla yanaşı yüksək təbliğatçılıq və təşkilatçılıq qabiliyətinə malik olub. Elə bu bacarığına görə SSRİ-nin əlaçı təbliğtçısı mükafatına layiq görülüb.1984-cü ilin may ayından 1989-cu ilə qədər "Sovet Gürcüstanı" qəzetində xüsusi müxbir işləyib.Çoxlu sayda və müxtəlif janrlarda bir-birindən maraqlı yazılar sistemli olaraq dərc olunub.Bir sıra oçerklərin, felyetonların,reportaj və müsahibələrin müəllifidir. !985-ci ildə SSRİ Jurnalistlər İttifaqının üzvü seçilib.Respublika Ziyalılar cəmiyyətinin üzvü olub.

1989-cu ilin may ayından Bakı Bələdiyyə "Tənqid-Təbliğ" teatrında direktor müavini işləyib. Teatrın yaranmasında, formalaşmasında və inkişafında çox böyük xidmətləri olub."Tənqid-Təbliğ" teatrında səkkiz il direktor müavini vəzifəsində çalışan E.Ocaqov çox böyük təşkilatçılıq təcrübəsi toplayaraq, üzərinə düşən işlərin mahiyyətini dərindən başa düşən, məsuliyyətlə həyata keçirməyi bacaran kadr səviyyəsinə qalxmışdır. Filoloq, jurnalist və foto-kino ixtisasları vardır. E.Ocaqov bir filoloq kimi dünya dramaturgiyasını yaxşı bildiyinə. bir jurnalist kimi yaradıcılıq qabiliyyəti olduğuna görə teatrda yaradıcılıqğın və tamaşaların yüksəlməsinə çalışmışdır.O həmçinin yüksək təşkilatçılıq qabiliyyəti olduğuna görə teatr işinə prodüssor gözü ilə baxmış,teatrın fəaliyyətininin bu istiqamətdə qurulması üçün əlindən gələni etmişdir.Buna görədir ki, teatrın kollektivinin bütün rayon və kəndlərdə, hərbi hissələrdə, cəbhə bölgələrində,qocalar və körpələr evlərində, o cümlədən Bakının ən böyük tamaşa-konsert salonlarında anşlaq tamaşalarla çıxış etməsini təşkil edə bilmişdi.O təkcə teatrın işi ilə deyil, həmçinin prodüser kimi başqa işlərlə də məşğul olurdu. Elxan Ocaqov Azərbaycanın tarixində ilk dəfə olaraq indiki H.Əliyev Sarayında meyxanaçıların peşəkar konsertini təşkil etmişdir.Onun Mərhum Nizami Rəmzi və Kəbirin iştirakı ilə təşkil etdiyi bu konsert 1991-ci ildə çox böyük uğur qazandı.Həmin illərdə kredit götürərək çəkdirdiyi "Şirbalanın məhəbbəti" filmininin prodüsseri və redaktoru olmşdur.

 Zəngin siyasi,ideoloji və həyat təcrübəsinə malikdir.
 E.Ocaqov 1996-cı ildən 2006-cı ilə qədər Azərbaycan Dövlət Musiqili Komediya teatrında sərəncamçı direktor vəzifəsində çalışıb, Musiqili Komediya teatrının çətin vaxtlarında bura sərəncamçı direktor təyin edilən E.Ocaqov elə ilk günlərdən ciddi problemlərin həllinə səy göstərmiş, səmərəli nəticələr əldə etmişdir.Kollektivin formalaşmasında, yaradıcılıq atmosferinin yüksəlməsində,repertuar siyasətinin zənginləşməsində,maaddi-texniki bazanın möhkəmlənməsində böyük əməyi olubdur.  2006-cı ildə teatra direktor təyin edildikdən sonra o milli teatr sənətinin inkişafı istiqamətində bir sıra yeni layihə tədbirlər planı hazırlayaraq onların reallaşması istiqamətində sistemli iş aparmağa başlayıb. İlk dəfə olaraq teatrın saitini yaradıb, bir neçə televiziya və radio kanalları ilə qarşılıqlı əməkdaşlıq müqaviləsi bağlayıb. İstər kadrların seçilməsində və yerləşdirilməsində, istər istedadlı gənclərin teatra cəlb edilməsi və onlara qayğı və diqqətin artırılmasında, istər hazırlanan tamaşaların bədii-estetik səviyyəsinin yüksək olmasıında,istər tərtibat işlərində, istər kütləvi tədbirlərin uğurla keçrilməsində, istərsə də plan və tapşırıqların yerinə yetirilməsində,həmçinin teatr sənətinin, milli mədəniyyətin geniş təbliği istiqamətində fəal iştirak edir. Yüksək mədəniyyətə, təşəbbüskarlığa, səmimi münasibətlərə malik olan E.R.Ocaqov kollektivin böyük hörmətini qazanmışdır.

5 may 2008-ci il tarixdən teatrda direktor müavini vəzifəsinə təyin edilib. Jurnalistlər və Teatr Xadimləri İttifaqının üzvüdür. Bacarıqlı və çalışqandır, güclü ictimayyətçilik və yüksək təşkilatçılıq qabiliyyətlərinə malikdir.Milli mənəvi dəyərlərimizin,milli mədəniyyətimizin,milli ideologiyamızın və dövlətçiliyimizin fəal təbliğatçısıdır.

E.R.Ocaqov 2006-cı ildə "respublikanın əməkdar mədəniyyət işçisi" fəxri adına layiq görülüb.

Filmoqrafiya[redaktə | əsas redaktə]

  1. Şirbalanın məhəbbəti (film, 1991)

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı