Emilio de Kavalyeri

Vikipediya, açıq ensiklopediya
Jump to navigation Jump to search
Picto infobox music.png
Emilio De Kavalyeri
it. Emilio de' Cavalieri
Emilio De Kavalyeri naməlum müəllifin portretində
Emilio De Kavalyeri naməlum müəllifin portretində
Sənətçi məlumatları
Doğum tarixi 1550-ci il
Doğum yeri Roma, Papa dövləti
Vəfat tarixi 11 mart 1602 (52 yaşında)
Vəfat yeri Roma, Papa dövləti
Peşəsi bəstəkar

Üslub opera
Musiqi alətiorqan
VikiAnbarda Commons-logo.svg audio, foto və videofayllar

Emilio De Kavalyeri (it. Emilio de' Cavalieri; təxminən 1550, Roma — 11 mart 1602, Roma) — italyan bəstəkar, "Ruh və bədən haqqında təsəvvür" (itLa Rappresentazione di anima е di corpo1600) adlı ilk oratoriyanın müəllif, bəziləri bu əsəri ilk opera da hesab edirlər.

Həyatı[redaktə | əsas redaktə]

O, Roma şəhərində zadəgan və musiqi sevən ailədə anadan olmuşdur, onun atası Tommazo De Kavalyeri Mikelancelonun yaxın dostu idi. 1578-1584-cü illər dövründə orqan çalan işləyirdi və Roma kilsələrində konsertlər təşkil edirdi.

1580-ci illərdə Kavalyeri kardinal I Ferdinand Mediçi ilə işləməyə başladı, sonradan kardinal musiqiçinin çoxillik himayədarı və sponsoru oldu. 1587-ci ildə Mediçi "Böyük Toskana Hersoqu" titulunu əldə etdikdən sonra, Kavalyeri 1588-ci ildə müdiri ilə birlikdə Florensiyaya köçdü. Burada bəstəkar Covanni Bardi ilə tanış oldu (və yəqin ki, əməkdaşlıq etməyə başladı), Mediçi ailəsinin təntənəli mərasimləri və digər kütləvi tədbirləri üçün hazırlanan musiqi tərtibatına görə cavabdeh idi. 1590-cı illərdə Kavalyeri bir neçə pastoral və 1597-ci ildə Mərsiyələr Kitabına aid əsər yazdı.

Kavalyeri həmçinin siyasətlə də məşğul olurdu. Diplomat kimi işləyən Kavalyeri papa seçimləri üçün aparıcı kardinalların səslərini alırdı və Mediçilərin tərəfdarları olan IX İnnokenti, VIII Kliment kimi Roma papaların seçilməsində köməklik etmişdir. Romaya tez-tez etdiyi diplomatik səfərlər bəstəkarın yaradıcılıq fəaliyyətinə mane olmurdular. 1600-cü ilin fevralında o, Roma tamaşaçılarına sonradan onun ən məşhur əsərinə çevrilən "La Rappresentazione di anima е di corpo" (Ruh və bədən haqqında təsəvvür") təqdim etdi, alimlər uzun müddət bu əsəri yaradılan ilk oratoriya hesab edirdilər.

1600-cu ildə Kavalyeri Florensiyada ilk italyan operalarından olan "Evridika"nın (itEuridice) təqdimatı ilə məşğul olurdu, həmən əsərin müəllifləri Yakopo PeriOttavio Rinuççini (libretto) idilər. Tamaşa IV HenrixMariya Mediçinin nikahının şərəfinə verilən bayramın bir hissəsi idi. İntriqalar nəticəsində Kavalyeri bayrama həsr edilmiş "Sefalonun oğurlanması" (itIl rapimento di Cefalo) operasının təqdimatında iştirak edə bilmədi, onun yerinə rəqibi Culio Kaççini bunu etdi (teatr tamaşası dörd müxtəlif bəstəkarların musiqisi daxil olmaqla intermediodan ibarət idi). Karyerasının bu uğursuzluğundan sonra Kavalyeri Florensiyanı tərk etdi. Həyatının son illərini Romada keçirmişdir.

Xarici keçidlər[redaktə | əsas redaktə]