Emin Əhmədov (güləşçi)

Vikipediya, açıq ensiklopediya
Jump to navigation Jump to search
Wrestling pictogram.svg Emin Əhmədov Wrestling pictogram.svg
Emin Əhmədov (güləşçi).jpg
Şəxsi məlumatlar
Tam adıEmin Vidadi oğlu Əhmədov
Doğum tarixi6 oktyabr 1986 (1986-10-06) (32 yaş)
Doğum yeriBakı, Azərbaycan
Boyu170 sm. (5 ft 7 in)
Çəкisi74 kq. (163 Ib)
VətəndaşlıqFlag of Azerbaijan.svg Azərbaycan
ÖlkəFlag of Azerbaijan.svg Azərbaycan
İdman növüWrestling pictogram.svg Güləş

Emin Əhmədov (tam adı: Emin Vidadi oğlu Əhmədov; d. 6 oktyabr 1986; Bakı, Azərbaycan[1]) — Azərbaycanlı yunan-roma güləşçisi. Emin Əhmədov 2012-ci ildə Birləşmiş Krallığın London şəhərində baş tutan XXX Yay Olimpiya Oyunlarında bürünc medal qazanıb, elə həmin ildəcə "Tərəqqi" medalı ilə təltif edilib.[2] Emin Əhmədov Azərbaycan Çempionatlarında 2 dəfə qızıl, 6 dəfə isə bürünc medal qazanıb.

Həyatı[redaktə | əsas redaktə]

Emin Əhmədov 6 oktyabr 1986-cı ildə Bakı şəhərində zavod işçisi Vidadi Əhmədov və ev xanımı Minayə Əhmədovanın ailəsində anadan olub.[1] Emin Əhmədovun 11 yaşı olanda, yəni 1997-ci ildə, dayısı onu güləşlə məşğul olmağ üçün "Xəzər" İdman Klubuna məşqlərə gətirdi.[1] Onun şəxsi məşqçisi Rəşad Rəşidovdur.[1]

Emin Əhmədov 2004-2006-cı illərdə Yardımlı rayonunda yerləşən sərhəd qoşunlarında xidmət edib.

Karyerası[redaktə | əsas redaktə]

Emin Əhmədov beynəlxalq səviyyədə birinci yarışına 2002-ci ildə, 15 yaşı olan zaman qatıldı.[3] Ukraynanın Odessa şəhərində baş tutan yeniyetmələr arasında Avropa Çempionatında o, 15 güləşçi sırasında 5-ci yeri tutdu.[3] Daha sonra Emin Əhmədov, məşqçilərin ona etimad göstərməməsindən ötrü uzun müddət ciddi uğura nail ola bilmədi. Emin Əhmədovun Azərbaycan yığması ilə ciddi yarışlarda mübarizə aparamasının əsas səbəbi, onunla eyni çəki dərəcəsində 2004 Afina Olimpiadasının çempionu Fərid Mansurovun olması idi.

7 ildən sonra, 2009-cu ildə Emin Əhmədov Azərbaycan yığması ilə İranın Qum şəhərində keçirilən "Yadigar İmam Kuboku" turnirinə qatıldı.[4][5] Həmin yarışlarda 66 kiloqram çəki dərəcəsində mübarizə aparan Emin Əhmədov turnirin bürünc medalını qazandı.[4][6] Daha sonra Emin Əhmədov Özbəkistanın paytaxtı Daşkənd şəhərində baş tutan "Qran-Pri" beynəlxalq turnirinə qatıldı və yalzınca final görüşündə məğlub olaraq gümüş medala layiq görüldü.[7][8] Emin Əhmədov 2009-cu ildə sonuncu uğurlarını Bakı şəhərində keçirilən yarışlarda qazandı. O, əvvəlcə iyul ayında Azərbaycanın məhrum Prezidenti Heydər Əliyevin xatirəsinə həsr olunan II "Qızıl Qran-Pri" beynəlxalq turnirində bürünc medal qazandı.[9][10][11]

İlin sonunda isə 66 kiloqram çəki dərəcəsində "Azərbaycan Kuboku" turnirinin qalibi oldu.[12] 2010-cu ildə Emin Əhmədov birinci yarışına Bolqarıstanın Burqas şəhərində baş tutan "Dan Kolov - Nikola Petrov" turniri çərçivəsndə qatıldı.[13] Həmin turnirdə o, 10 güləşçi sırasında 8-ci yeri tutdu. Mart ayından isə Emin Əhmədov 74 kiloqram çəki dərəcəsində mübarizə aparamağa başladı. Emin Əhmədov bu çəki dərəcəsində birinci uğurunu Belarusun Qrodno şəhərində keçirilən "Belarus Güləş Federasiyasının Kuboku" turnirində qazandı.[14] O, həmin yarışların bürünc medalını qazandı.[14] İyunda Qazaxıstanın paytaxtı Astana şəhərində baş tutan "Prezident Kuboku" turnirinə qatılan Emin Əhmədov bu yarışlarda 11 güləşçi sırasında yalnızca 9-cu yeri tuta bildi.[15] Emin Əhmədov növbəti yarışına iyul ayında IV "Qızıl Qran-Pri" beynəlxalq turnirində qatıldı. Birinci görüşdə Özbəkistan güləşçisi Besiki Saldadze ilə üz-üzə gələn Emin Əhmədov qələbə qazandı. Daha sonra isə o, 1/4 final mərhələsində Ukraynalı Dimitri Pişkova, təsəlliverici qrupda da İranlı Hadı Akizadəpurniyah uduzaraq mübarizəni 8-ci pillədə başa vurdu. Sentyabr ayında Türkiyənin İstanbul şəhərində, 2012-ci ildə Birləşmiş Krallığın London şəhərində baş tutacaq XXX Yay Olimpiya Oyunlarına lisenziya verən Dünya Çempionatı baş tutdu. Həmin yarışda məşqçilər həmin ildəcə Avropa çempionu olan Rafiq Hüseynova etimad göstərdi. Amma Rafiq Hüseynov qoyulan tapşırığın öhdəsindən gələ bilmədi.

2012-ci il isə 26 yaşlı Emin Əhmədovun karyerasında ən uğurlu il oldu. O, əvvəlcə fevral ayında İranın Qum şəhərində keçirilən "Yadigar İmam Kuboku" turnirində qüvvəsini sınadı. 3 il əvvəl, 2009-cu ildə həmin yarışların bürünc medalını qazanan Emin Əhmədov analoji uğurunu təkrarladı. 20-22 aprel tarixləri arasında isə Bolqarıstanın paytaxtı Sofiya şəhərində "Avropa Olimpiya təsnifat" turniri keçirildi. Həmin yarışda yunan-roma güləşi üzrə Azərbaycan yığmasının məşqçiləri Salih BoraŞahin Donat yenə daha təcrübəli olan Rafiq Hüseynova şans verdi, amma bu şansdan Hüseynov yenə istifadə edə bilmədi. Bir həftə sonra isə, aprelin 27-də Çinin Taiyuan şəhərində "Dünya Olimpiya təsnifat" turniri baş tutdu. 74 kiloqram çəki dərəcəsində mübarizə aparan Emin Əhmədov Rafiq Hüseynovun qazana bilmədiyi lisenziyanı, dünyanın müxtəlif dövlətlərini təmsil edən 27 güləşçi sırasında 1-ci yeri tutmaq ilə qazandı.

2012 London Olimpiadası[redaktə | əsas redaktə]

Karyerasında birinci dəfə Olimpiya Oyunlarına qatılan Emin Əhmədov, mötəbər yarışdan əvvəl heç bir turnirdə mübarizə aparmadı. Həmdə Dünya və Avropa Çempionatlarında heç vaxt qüvvəsini sınamaması, onun London Olimpiadasından Azərbaycana medalsız qayıdacağını düşünənlərin sayının artmasına səbəb oldu. Amma Emin Əhmədov yarışlarda inamla çıxış elədi. O, birinci görüşdə, 1/8 final mərhələsində Xorvatiya güləşçisi, 2011-ci ilin Dünya Çempionatının finalçısı Neven Zuqaj ilə üz-üzə gəldi. Həmin qarşılaşmanın birinci hissəsində Emin Əhmədov 4:0 hesablı inamlı qələbə qazandı. İkinci hissədə Neven Zuqajdan daha bir xal alan Emin Əhmədov görüşdən qələbə ilə ayrıldı. 1/4 final mərhələsində Emin Əhmədvun rəqibi Gürcüstanlı Zurab Datunaşvili oldu. Həmin görüşün birinci hissəsində Emin Əhmədov rəqibinə 0:2 hesabı ilə məğlub olsada, qarşılaşmada geri dönüş etməyi bacardı. Zurab Datunaşvili üzərində ikinci hissədə 3:0, üçüncü hissədə isə 4:0 hesablı inamlı qələbə qazanan Emin Əhmədov yarım-final mərhələsinə adladı. Bu mərhələdə o, erməni güləşçisi Arsen Julfalakyana 0:2 və 0:3 hesabları ilə uduzdu və bürünc medal uğrunda görüşdə mübarizə apardı. Həlledici qarşılaşmada Emin Əhmədov məhz London Olimpiadasına lisenziya verən "Dünya Olimpiya təsnifat" turnirinin finalında məğlub etdiyi 2010-cu ilin Avropa çempionu, Belaruslu Aleksandr Kikiniou ilə qarşılaşdı. Gərgin mübarizə şəraətində keçən görüşün birinci hissəsində Aleksandr Kikiniou 2:0 hesabı ilə qələbə qazandı. Daha sonra isə, ikinci və həlledici, üçüncü hissələrdə Emin Əhmədov 2:0 hesabları ilə qələbə qazandı və XXX Yay Olimpiya Oyunlarının bürünc medalını qazandı.

Emin Əhmədov Azərbaycan Respublikası Prezidenti İlham Əliyevin 31 avqust 2012-ci il tarixli sərəncamı ilə XXX Yay Olimpiya Oyunlarında qazandığı bürünc medala və Azərbaycanda idmanın inkişafında xidmətlərinə görə "Tərəqqi" medalı ilə təltif edildi.[2]

London Olimpiadasından sonra Emin Əhmədov birinci yarışına 2013-cü ilin iyul ayında İspaniyanın paytaxtı Madrid şəhərində qatıldı. "İspaniya Qran-Prisi" turniri çərçivəsində o, uğursuz çıxış etdi və 10 güləşçi sırasında 8-ci yeri tutdu. 2014-cü il isə Emin Əhmədov üçün yenə uğursuz alındı. Fevral ayında İstanbul şəhərində keçirilən "Vəhbi Əmrə Memorialı" turnirində 9-cu yeri tutan Emin Əhmədov may ayında İranın paytaxtı Tehran şəhərində baş tutan sərbəst güləş üzrə Dünya Kubokunda Azərbaycan yığması ilə birgə yarışın bürünc medalını qazandı.

Sentyabr ayında isə Emin Əhmədov karyerası ərzində birinci dəfə Dünya Çempionatında qüvvəsini sınadı. Özbəkistanın paytaxtı Daşkənd şəhərində baş tutan yarışda o, mübarizəyə 1/16 final mərhələsində qoşuldu. Həmin mərhələdə yerli güləşçini, Özbəkistanlı Rüstəm Sultanovu 5:2 hesabı ilə məğlub edən Emin Əhmədov növbəti mərhələdə London Olimpiadasının bürünc medalçısı Litvalı Aleksandr Kazakeviçə 0:2 hesabı ilə uduzdu və Dünya Çempionatını 15-ci pillədə başa vurdu.

2016-cı ildə Emin Əhmədov üçün elədə uğurlu olmadı. Cəmi iki beynəlxalq yarışda mübarizə aparan Emin Əhmədov may ayında İranın Şiraz şəhərində keçirilən sərbəst güləş üzrə Dünya Kubokunda Azərbaycan yığması ilə birgə 6-cı yeri tutdu. Noyabr ayında isə o, Bakı şəhərində baş tutan IX "Qızıl Qran-Pri" beynəlxalq turnirində sonuncu, 12-ci yeri tutdu.

Uğurları[redaktə | əsas redaktə]


Sıra İl Yarış Şəhər Nəticə
1.
2002 Yeniyetmələrin Avropa Çempionatı[3] Flag of Ukraine.svg Odessa
5.
2.
2007 Azərbaycan Çempionatı Flag of Azerbaijan.svg Bakı
3.
3.
2008 Azərbaycan Çempionatı Flag of Azerbaijan.svg Bakı
3.
4.
2009 "Yadigar İmam Kuboku" turniri[4] Flag of Iran.svg Qum
3.
5.
"Qran-Pri" turniri Flag of Uzbekistan.svg Daşkənd
2.
6.
"Qızıl Qran-Pri" turniri[9] Flag of Azerbaijan.svg Bakı
3.
7.
Azərbaycan Çempionatı Flag of Azerbaijan.svg Bakı
3.
8.
Azərbaycan Çempionatı Flag of Azerbaijan.svg Bakı
1.
9.
"Azərbaycan Kuboku" turniri Flag of Azerbaijan.svg Bakı
1.
10.
2010 "Dan Kolov - Nikola Petrov" turniri[16] Flag of Bulgaria.svg Burqas
8.
11.
"Belarus Güləş Federasiyasının Kuboku" turniri Flag of Belarus.svg Qrodno
2.
12.
Azərbaycan Çempionatı Flag of Azerbaijan.svg Bakı
3.
13.
Azərbaycan Çempionatı Flag of Azerbaijan.svg Bakı
3.
14.
2011 "Prezident Kuboku" turniri[17] Flag of Kazakhstan.svg Astana
9.
15.
"Qızıl Qran-Pri" turniri[18] Flag of Azerbaijan.svg Bakı
8.
16.
"Moskva Alovları" turniri[19] Flag of Russia.svg Moskva
2.
17.
Azərbaycan Çempionatı Flag of Azerbaijan.svg Bakı
3.
18.
2012 "Yadigar İmam Kuboku" turniri Flag of Iran.svg Qum
3.
19.
"Dünya Olimpiya təsnifat" turniri[20] Flag of the People's Republic of China.svg Taiyuan
1.
20.
Olimpiya Oyunları[21] Flag of the United Kingdom.svg London
3.
Sıra İl Yarış Şəhər Nəticə
21.
2013 "İspaniya Qran-Prisi" turniri Flag of Spain.svg Madrid
8.
22.
2014 "Vəhbi Əmrə Memorialı" turniri Flag of Turkey.svg İstanbul
9.
23.
Dünya Kuboku Flag of Iran.svg Tehran
3.
24.
Dünya Çempionatı Flag of Uzbekistan.svg Daşkənd
15.
25.
2015 Azərbaycan Çempionatı Flag of Azerbaijan.svg Bakı
1.
26.
2016 "Vəhbi Əmrə Memorialı" turniri Flag of Turkey.svg İstanbul
3.
27.
Dünya Kuboku[22] Flag of Iran.svg Şiraz
6.
28.
"Qızıl Qran-Pri" turniri[23] Flag of Azerbaijan.svg Bakı
12.
29.
2017 "Vəhbi Əmrə Memorialı" turniri Flag of Turkey.svg İstanbul
18.

Dövlət təltifləri[redaktə | əsas redaktə]
Fərdi mükafatları[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 1,3 "Emin Əhmədovun FİLA-nın rəsmi saytında profili.  (alm.)". www.iat.uni-leipzig.de. https://www.iat.uni-leipzig.de/datenbanken/dbfoeldeak/daten.php?spid=FE055BD2AAAA41A68E7D3BFA959C8070. İstifadə tarixi: 5 mart 2017.
  2. 2,0 2,1 2,2 "XXX Yay Olimpiya Oyunları qaliblərinin və Azərbaycanda idmanın inkişafında xidmətləri olan şəxslərin təltif edilməsi haqqında Azərbaycan Respublikası Prezidentinin 31 avqust 2012-ci il tarixli Sərəncamı.  (azərb.)". www.president.az (Azərbaycan Respublikası Prezidenti). http://www.president.az/articles/5600. İstifadə tarixi: 31 avqust 2012.
  3. 3,0 3,1 3,2 "2002-ci il güləş üzrə yeniyetmələr arasında Avropa Çempionatı.  (alm.)". www.iat.uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=0F889FB603B3499C9AE86777E07F9B12&gkl=1. İstifadə tarixi: 4 iyul 2002.
  4. 4,0 4,1 4,2 "2009-cu il güləş üzrə "Yadigar İmam Kuboku" beynəlxalq turniri.  (alm.)". www.iat.uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=6B12863C50134785A26980DA7F91AB37&gkl=3. İstifadə tarixi: 16 mart 2009.
  5. "Azərbaycan güləşçiləri İranın Qum şəhərində baş tutacaq beynəlxalq turnirdə iştirak edəcəklər.  (azərb.)". www.azertag.az (Azərbaycan Dövlət İnformasiya Agentliyi). Arxivləşdirilib: [1] saytından 9 mart 2017 tarixində. http://web.archive.org/web/20170309111144/http://azertag.az/xeber/433198. İstifadə tarixi: 18 fevral 2009.
  6. "Azərbaycan güləşçiləri İranın Qum şəhərində keçirilən beynəlxalq turnirdə bir qızıl və iki bürünc medal qazanmışlar.  (azərb.)". www.azertag.az (Azərbaycan Dövlət İnformasiya Agentliyi). Arxivləşdirilib: [2] saytından 9 mart 2017 tarixində. http://web.archive.org/web/20170309111354/http://azertag.az/xeber/434520. İstifadə tarixi: 2 mart 2009.
  7. "Yunan-roma güləşçi və sərbəst güləş üzrə "Qran-Pri" turniri başlanacaqdır.  (azərb.)". www.azertag.az (Azərbaycan Dövlət İnformasiya Agentliyi). Arxivləşdirilib: [3] saytından 9 mart 2017 tarixində. https://web.archive.org/web/20170322091150/http://azertag.az/xeber/438010. İstifadə tarixi: 11 aprel 2009.
  8. "Azərbaycan güləşçiləri Özbəkistanın paytaxtı Daşkənd şəhərində baş tutan beynəlxalq turnirdə iki medal qazanmışlar.  (azərb.)". www.azertag.az (Azərbaycan Dövlət İnformasiya Agentliyi). Arxivləşdirilib: [4] saytından 9 mart 2017 tarixində. https://web.archive.org/web/20170322091237/http://azertag.az/xeber/438493. İstifadə tarixi: 16 aprel 2009.
  9. 9,0 9,1 "2009-cu il güləş üzrə "Qızıl Qran-Pri" beynəlxalq turniri.  (alm.)". www.iat.uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=1F20CE9430954A569EA1D5809E0B5140&gkl=3. İstifadə tarixi: 27 iyul 2009.
  10. ""Qızıl Qran-Pri" beynəlxalq turnirinin final mərhələsində Azərbaycanı 66 güləşçi təmsil edəcəkdir.  (azərb.)". www.azertag.az (Azərbaycan Dövlət İnformasiya Agentliyi). Arxivləşdirilib: [5] saytından 9 mart 2017 tarixində. https://web.archive.org/save/http://azertag.az/xeber/447000. İstifadə tarixi: 14 iyul 2009.
  11. "Azərbaycanın yunan-roma güləşi üzrə yığması "Qızıl Qran-Pri" beynəlxalq turnirində iki qızıl, bir gümüş və dörd bürünc medal qazanmışlar.  (azərb.)". www.azertag.az (Azərbaycan Dövlət İnformasiya Agentliyi). Arxivləşdirilib: [6] saytından 9 mart 2017 tarixində. https://web.archive.org/web/20170405165437/http://azertag.az/xeber/447243. İstifadə tarixi: 17 iyul 2009.
  12. "Güləş üzrə "Azərbaycan Kuboku" turnirinin yeddi qalibi məlum olmuşdur.  (azərb.)". www.azertag.az (Azərbaycan Dövlət İnformasiya Agentliyi). Arxivləşdirilib: [7] saytından 22 mart 2017 tarixində. https://web.archive.org/web/20170324152538/http://azertag.az/xeber/463273. İstifadə tarixi: 19 dekabr 2009.
  13. "Azərbaycan yığmasını beynəlxalq turnirdə 14 güləşçi təmsil edəcəkdir.  (azərb.)". www.azertag.az (Azərbaycan Dövlət İnformasiya Agentliyi). Arxivləşdirilib: [8] saytından 9 mart 2017 tarixində. https://web.archive.org/web/20170405165630/http://azertag.az/xeber/469831. İstifadə tarixi: 25 fevral 2010.
  14. 14,0 14,1 ""Belarus Güləş Federasiyasının Kuboku" turnirində 6 medal qazanan Azərbaycan yığması komanda hesabında ikinci olmuşdur.  (azərb.)". www.azertag.az (Azərbaycan Dövlət İnformasiya Agentliyi). Arxivləşdirilib: [9] saytından 9 mart 2017 tarixində. https://web.archive.org/web/20170405165637/http://azertag.az/xeber/480038. İstifadə tarixi: 24 may 2010.
  15. "Yunan-roma güləşçilərimiz Qazaxıstanın paytaxtı Astana şəhərində baş tutacaq "Prezident Kuboku" turnirində uğrunda mübarizə aparacaqlar.  (azərb.)". www.azertag.az (Azərbaycan Dövlət İnformasiya Agentliyi). Arxivləşdirilib: [10] saytından 9 mart 2017 tarixində. https://web.archive.org/web/20170405165643/http://azertag.az/xeber/527094. İstifadə tarixi: 14 iyun 2011.
  16. "2010-cu il güləş üzrə "Dan Kolov - Nikola Petrov" beynəlxalq turniri.  (alm.)". www.iat.uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=902A78F1A77941DB848CA2691DDE4486&gkl=3. İstifadə tarixi: 27 fevral 2010.
  17. "2010-cu il güləş üzrə "Prezident Kuboku" beynəlxalq turniri.  (alm.)". www.iat.uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=A36B53D1940540709D05345A2E6D4B80&gkl=5. İstifadə tarixi: 18 iyun 2010.
  18. "2011-ci il güləş üzrə "Qızıl Qran-Pri" beynəlxalq turniri.  (alm.)". www.iat.uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=A8DDA639E8E14754B76F46529040DA89&gkl=4. İstifadə tarixi: 8 iyul 2011.
  19. "2011-ci il güləş üzrə "Moskva Alovları" beynəlxalq turniri.  (alm.)". www.iat.uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=446CE62F85ED437C954475DB76EDF1FD&gkl=5. İstifadə tarixi: 12 noyabr 2011.
  20. "2012-ci il güləş üzrə "Dünya Olimpiya təsnifat" turniri.  (alm.)". www.iat.uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=BB7F9823097544EEAD4F9AEC78421B2E&gkl=4. İstifadə tarixi: 27 aprel 2012.
  21. "2012-ci il Yay Olimpiya Oyunlarının güləş turniri.  (alm.)". www.iat.uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=C898308352824013B7586F29598E931A&gkl=4. İstifadə tarixi: 5 avqust 2012.
  22. "2016-cı il yunan-roma güləşi üzrə Dünya Kuboku.  (alm.)". www.iat.uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=4BFA05C4892946A98D28AC7646533AB7&gkl=5. İstifadə tarixi: 19 may 2016.
  23. "2016-cı il güləş üzrə "Qızıl Qran-Pri" beynəlxalq turniri.  (alm.)". www.iat.uni-leipzig.de. https://www.iat.uni-leipzig.de/datenbanken/dbfoeldeak/daten.php?wkid=F3BAF4FE449543C58DF82FE7AD623C57&gkl=5. İstifadə tarixi: 24 noyabr 2016.

Həmçinin bax[redaktə | əsas redaktə]

Xarici keçidlər[redaktə | əsas redaktə]