Eminem

Vikipediya, azad ensiklopediya
Naviqasiyaya keçin Axtarışa keçin
Eminem
Eminem 2021-ci ildə istifadəyə verdiyi “Mom's Spaghetti” adlı restoranında
Eminem 2021-ci ildə istifadəyə verdiyi “Mom's Spaghetti” adlı restoranında
Ümumi məlumatlar
Doğum adı Marshall Bruce Mathers III
Doğum tarixi 17 oktyabr 1972(1972-10-17)[1][2][…] (51 yaş)
Doğum yeri
Vətəndaşlığı
Uşağı 3[3]
Musiqiçi məlumatları
Fəaliyyəti repçi, mahnı müəllifi[d], musiqi prodüseri, musiqi şirkəti idarəçisi[d], aktyor, kino aktyoru, iş adamı, təşəbbüskar, müğənni
Fəaliyyət illəri 1988-ci ildən
Janrlar hip-hop[d], hardkor hip-hop[d], horrorkor[d]
Səs tembri tenor[4]
Albom şirkətləri Interscope Records, Aftermath Entertainment
Təhsili
Üzvlüyü
Mükafatları Academy Award for Best Original Song
İmzanın şəkli
eminem.com
Vikianbarın loqosu Vikianbarda əlaqəli mediafayllar

Eminem (əsl adı: Marşall Brüs Meters III; 17 oktyabr 1972[1][2][…], Sent-Cozef, Missuri, ABŞ[1][2]) — ABŞ repçisi. O, hip-hop janrını Orta Amerikada populyarlaşdırıb və indiyə qədərki ən yaxşı repçilərdən biri hesab olunur. Bəziləri inanır ki, onun uğuru ağdərili repçilər üçün musiqi sənayesində qapılar açıb. Eminem 1990-cı illərin sonu və 2000-ci illərin əvvəllərində Amerikanın aşağı təbəqəsinin mübarizəsini əks etdirən mübahisəli transaqressiv əsərləri ilə tanınır. Müxtəlif janrlarda olan bir çox musiqiçi ondan ilham alıb və onun təsirini geniş şəkildə qəbul edir.

Eminem ilk albomu olan "Infinite"-ı 1996-cı ildə çıxarıb, bundan bir il sonra 1997-ci ildə "Slim Shady EP" adlı mini-albom təqdim etmişdir. Eminem bu iki buraxılışından sonra Dr. Dre-nin Aftermath Entertainment leyblı ilə müqavilə bağlamışdır. O, 1999-cu ildə buraxdığı albomu "The Slim Shady LP" sayəsində məşhurlaşır. Eminemin növbəti iki albomu, "The Marshall Mathers LP" (2000) və "The Eminem Show" (2002) bütün dünyada böyük hit olur və hər ikisi "İlin Albomuna görə" "Qremmi" mükafatına namizədlik alırlar. 2004-cü ildə Eminem "Encore" albomunu çıxardıqdan sonra dərman asılılığı səbəbindən musiqiyə fasilə verir. Dörd ildən sonra 2009-cu ildə musiqi sənayesinə qayıdaraq "Relapse" və "Recovery" albomlarını təqdim edir. İkincisi 2010-cu ildə dünyada ən çox satılan alboma çevrilir. Bu, 2002-ci ildə "The Eminem Show"-dan sonra Eminemin bu uğura nail olan ikinci albomu olmuşdur.

Eminem 2002-ci ildə musiqili dram filmi "8 mil"də baş rola çəkilmişdir. Bu filmdə özünün uydurma versiyasını ifa edir. Onun filmdə səsləndirdiyi "Lose Yourself" mahnısı ABŞ-də musiqi cərgələrinə başçılıq edirdi. Bu üstəlik sənətçiyə "Ən Yaxşı Orijinal Mahnı" nominasiyasında "Oskar" mükafatı qazandırmışdır. Bu, onu bu şərəfə çatan ilk hip-hop sənətçisi etmişdir.

Həyatı[redaktə | mənbəni redaktə et]

Marşall Brüs Meters III 1972-ci il oktyabrın 17-də Missuri ştatının Sent-Cozef şəhərində anadan olmuşdur.[5][6] Valideynlərinin yeganə övladıdır. Şotland, uelsli, ingilis, çeroki, alman, isveçrəli, polyak və bir az da Lüksemburq mənşəlidir.[7][8][9] Anası onu dünyaya gətirərkən 73 saat davam edən doğuş zamanı az qala həyatını itirəcəkdi. Eminemin valideynləri "Daddy Warbucks" adlı musiqi qrupun üzvü olublar. Onlar boşanmadan əvvəl Dakotas–Montana sərhədi yaxınlığında yerləşən "Ramada Inns" hotellərində canlı çıxışlar edirdilər. Eminemin atası o, körpə ikən çıxıb getmişdir. Anası Debbi onu kasıb bir şəraitdə təkbaşına böyütmüşdür. Anasının sonralar dünyaya gəlmiş Neyten "Neyt" Keyn Samara (ing. Nathan "Nate" Kane Samara) adlı oğlu da var. Eminem on iki yaşında olanda anası ilə birlikdə tez-tez köçməli olub. O, Missuri ştatının müxtəlif şəhərlərində yaşayıb, nəhayət Detroyt yaxınlığındakı Miçiqan ştatının Vorren şəhərində məskunlaşıb.[10] Eminem və anası arasında çoxlu mübahisələr baş verirdi. Ailənin sosial işçisi onun anasını paranoyak kimi təsvir etmişdir, çünki anasının tez-tez əsassız şübhələri və qorxuları var idi.[11] Eminem atasına məktublar yazıb göndərərdi, lakin hamısı ona geri qaytarılırdı. Anası Debbi deyirdi ki, məktublar onun atası tərəfindən açılmadan, oxunmadan özlərinə geri göndərilib.

Eminem Miçiqan ştatının Detroyt şəhərindəki "8 Mile Road" yolunun yaxınlığında böyüyüb.

Eminem uşaq ikən D'Angelo Bailey adlı uşaq tərəfindən zorbalığa məruz qalmışdır. Həmin uşaq ona hücum edir və başından vururdu.[12] Eminem "Brain Damage" adlı mahnısında bu haqda danışmışdır. Debbi 1982-ci ildə bu hadisəyə görə Eminemin təhsil aldığı dövlət məktəbini məhkəməyə vermişdir. Miçiqan ştatının Makom dairəsinin hakimi məktəblərin məhkəməyə verilə bilməyəcəyini bildirərək ittihamları rədd etmişdir. Uşaq ikən Eminem və anası Detroytdə əsasən az gəlirli qaradərililərin çoxluq təşkil etdiyi məhəllədə yaşayırdılar. O, və anası bölgədə yaşayan azsaylı ağdərili insanlardan biri idilər. Eminem qonşuluqdakı qaradərili uşaqlardan bəziləri tərəfindən döyülürdü.

Eminem hip-hopu kəşf etməmişdən qabaq storitellinq ilə maraqlanırdı və komiks artisti olmaq istəyirdi. O, ilk dəfə anasının ögey qardaşı Ronnie Polkingharnın hədiyyəsi olan "Breyk-dans" filminin saundtrekində "Reckless" adlı rep mahnısını dinləmişdi. Dayısı Ronni onu çox sevirdi və ona musiqi haqqında çox şey öyrətmişdi. Ronni 1991-ci ildə öz həyatına son qoyanda Eminem heç kimlə danışmadı, hətta dəfn mərasiminə də getmədi.

Eminem 14 yaşında olarkən orta məktəb yoldaşı Mike Ruby ilə "Manix" və "M&M" adları altında rep oxumağa başlamışdı. "Eminem" (M&M) təxəllüsü sonralar onun rəsmi repçi adı olur. Eminem və dostu Proof fərqli bir orta məktəbə, "Osborn High School"-a gedərək bufetdə freestyle rep rəqabəti keçirirdilər. Onlar bir-birlərinə və başqalarına qarşı yarışırdılar. Şənbə günləri ikisi Detroyt şəhərinin "West 7 Mile Road" yaxınlığında yerləşən "Hip-Hop Shop" adlı yeri ziyarət edirdilər. Bu məkan rep həvəskarlarının istedadlarını nümayiş etdirmələri üçün əsas mərkəz idi.

Qaradərililərin üstünlük təşkil etdiyi sahədə ağdərili sənətçi olmağın maneələrinə baxmayaraq, Eminem öz bacarığı və özünəməxsus musiqi tərzi ilə underground hip-hop icmalarının heyranlığını və hörmətini qazana bilmişdi. Eminem mahnılar yazarkən, qafiyələnən çoxlu sözlərə sahib olmağı qarşısına məqsəd qoymuşdu. O, vərəqə daha uzun sözlər və ya ifadələr yazır, sonra hər heca üçün qafiyələr tapırdı. Eminem eyni səslənən sözləri yazaraq qafiyəli sözlər yaratmağa məşq edirdi. Sözlər birlikdə məna kəsb etməsə belə, o, sözlərin bir-biri ilə necə səsləndiyinə və qafiyələndiyinə diqqət yetirirdi.

1987-ci ildə Debbi evdən qaçan Kimberly Anne "Kim" Scott adlı qızı onların evində qalmağa icazə vermişdir. Bundan bir neçə il sonra Eminem və Kim sevgili olmağa başladılar, lakin onların münasibətlərinin yüksəlişi və enişi var idi, yəni onlar davamlı olaraq birlikdə deyildilər. 9-cu sinifdə tez-tez məktəbi buraxan və dəfələrlə pis qiymətlər alan Eminem sonda 17 yaşında ikən "Lincoln High School"-u tərk etmişdir. Eminem ingilis dili ilə maraqlansa da, heç vaxt ədəbiyyat oxumurdu. O, bunun əvəzinə diqqətini komikslərə yönəltmişdi. Riyaziyyat və sosial elmləri isə sevmirdi. Eminem anasını maddi cəhətdən dəstəkləmək üçün keçmişdə müxtəlif işlərlə məşğul olurdu. O, bir vaxtlar Miçiqan ştatının Vorren şəhərindəki "Little Caesar's Pizza" adlı restoranda işləyirdi.[13] Eminem işləyib qazandığı maaşından anasına versə də, anası onu evdən qovub qazandığı pulun böyük hissəsini özünə saxlayırdı. Debbi binqo oynamaq üçün evdən çıxanda Eminem maqintafonun səsini artırır və vaxtını mahnı yazmaqla keçirirdi.

Şəxsi həyatı[redaktə | mənbəni redaktə et]

Ailəsi və münasibətləri[redaktə | mənbəni redaktə et]

Eminem Kimberly Anne "Kim" Scott ilə iki dəfə evlənmişdir. Eminem onunla ilk dəfə orta məktəbdə oxuyarkən köynəksiz masanın üstündə LL Cool J-nin "I'm Bad" mahnısını ifa edərkən tanış olmuşdur. Kim və onun əkiz bacısı evlərini tərk edərək 15 yaşlı Eminem və onun anası ilə qaldılar. Eminem və o, 1989-cu ildə ara-sıra münasibət qurdular.

Emnem və Kim 1999-cu ildə evləndilər, lakin 2001-ci ildə boşandılar. Eminem 2002-ci ildə "Rolling Stone" jurnalına verdiyi müsahibəsində evlənmək istəmədiyi haqqında danışmışdır: "Evlənməkdənsə penisimdən uşaq doğaram daha yaxşı". Buna baxmayaraq o, və Kim 2006-cı ilin yanvarında qısa müddətə yenidən ailə həyatı qurdular. Həmin il aprelin əvvəlində Eminem boşanmaq üçün məhkəməyə müraciət etdi və övladı Hailie-nin qəyyumluğunu bölüşməyə razı oldu. Onların qızı Hailie Jade hal-hazırda sosial mediada moda və gözəllik haqqında paylaşımlar etməklə tanınan influenserdir.

Eminem baldızının qızını və qardaşı qızını qanuni olaraq övladlığa götürüb. O, kiçik ögey qardaşı Neyteni də böyütmüşdür.

Eminem 2000-ci illərdə aktrisa Brittani Mörfi ilə romantik münasibətdə olmuşdur. 2002-ci ildə Eminem müğənni Meraya Keri ilə romantik münasibətdə olduğunu açıqlayıb. Lakin Meraya Keri bu iddianı təkzib edib və heç vaxt romantik münasibətdə olmadıqlarını bildirib. 2005-ci ildə Eminem "Anger Management Tour" adlı konsert turu zamanı Merayadan olduğu güman edilən səsli mesajları hər kəsə açıq şəkildə nümayiş etdirdi. 2006-cı ildə Eminem onunla təxminən 6–7 ay münasibətdə olduğunu və fərqli şəxsiyyətlərə sahib olduqları üçün hər şeyi bitirdiyini bəyan etdi.

2010-cu ildə Eminem aydınlaşdırdı ki, Kimlə yenidən romantik münasibət qurması ilə bağlı yayılan şayiələr doğru deyil. Bununla belə, o, onların yaxşı münasibətdə olduqlarını və dost olaraq qaldıqlarını etiraf etdi.

Eminem 2013-cü ildə yazdığı "Headlights" mahnısında anasına olan sevgisini ifadə etdi və əvvəlki "Cleanin' Out My Closet" adlı mahnısındakı bəzi sərt sözlərə görə ondan üzr istəmişdir.

Səhhətindəki problemlər[redaktə | mənbəni redaktə et]

Eminem ictimaiyyətə Vicodin, Ambien və Valium kimi müxtəlif reseptli dərmanlara aludə olduğundan və mübarizə apardığından danışmışdır. Dostu Proof-un sözlərinə görə, Eminem ilk dəfə 2002-ci ildə dərmanlardan xilas oldu. Eminem "8 mil" filminin çəkilişləri zamanı gündə 16 saat yuxusuz qalaraq insomniya inkişaf etdirmişdir. Bir dostu ona yatmasına kömək etmək üçün Ambien həbi vermişdi. Bu təcrübə Eminemin yuxusuzluğuna kömək etmək üçün Ambien üçün resept almasına səbəb olur. Bununla Eminem ilk dəfə dərmanlara asılı olmuşdu və bu, uzun illər ona təsir edəcəkdi. "Encore" albomunu hazırlamağın sonuna yaxın Eminem cibində bir dəstə həb ilə studiyada dolaşırdı. Eminem bildirirdi ki, o, özünü "normal" hiss etmək üçün dərmanlardan istifadə etməyə başlayıb. Gündə 40–60 Valium və təxminən 30 Vikodin kimi çox şey qəbul edirdi. Eminemin qəbul etdiyi dərmanlar onu qısa müddətə, adətən iki saat yatırırdı. O, sonra təsirini çoxaltmaq üçün daha çox qəbul edirdi. Eminem çoxlu fəstfud yediyi üçün kökəlmişdi, nəticədə onun çəkisi 230 funt (100 kq) olmuşdu: "Fəstfud piştaxtasında işləyən uşaqlar məni tanıyırdılar və bu, onları heç narahat etmirdi. "Denny's" və ya "Big Boy"-da tək oturub yemək yeyərdim. Kədərli idi". Eminem kökəlmişdi və artıq o qədər də asanlıqla tanınmırdı. O, iki yeniyetmənin həqiqətən onun olub-olmaması ilə bağlı söhbəti eşitmişdir: "Eminem kök ola bilməz" deyirdilər.

2008-ci ilin yanvarında Interscope Records Eminemin əvvəlki ay xəstəxanaya yerləşdirilməsi barədə ictimaiyyətə açıqlama verdi:

" Bayram ərəfəsində Eminem kimi tanınan və əsl adı Marşall Meters olan musiqiçi pnevmoniyadan yaranan ağırlaşmalar səbəbilə Detroytdə yerləşən xəstəxanalarda həkimlər tərəfindən müalicə olunub. O, xəstəxanadan evə buraxılıb və hazırda sağalmaq üzrədir. "

Eminem 2007-ci ilin dekabrında həddindən artıq metadon qəbul etdiyi üçün xəstəxanaya yerləşdirilmişdir. Eminem metadonu "Vikodinlə oxşar və qaraciyər üçün daha az zərərli" olduğunu iddia edən bir narkotik satıcısından almışdı. O, satıcıdan dərman almağa davam etmiş və sonda bir gecə hamamda yıxılaraq təcili xəstəxanaya yerləşdirilmişdi. Xəstəxananın həkimləri onun dörd çanta heroinə bərabər dərman qəbul etdiyini və ölümə çox yaxın olduğunu bildirirdilər. Eminem Milad bayramını övladları Hailie, Alaina və Stevie ilə keçirə bilməmişdi. O, bədənindəki zərərli maddələrin çıxarılması prosesini başa vurmamış, özünü halsız və tam təmizlənməmiş müalicə mərkəzini tərk edib. Eminem evdə divanında yatarkən yıxılıb dizini zədələmişdi, və əməliyyat lazım idi. O, xəstəxanadan evə gələndə qıcolma keçirdi. Bir müddət dərman istifadəsini dayandırdı, ancaq bu çox davam etmədi. Yenidən pis vərdişlərinə qayıtmışdı. Eminem əvvəlcə yaxşılaşmaq üçün kilsəyə baş çəkirdi, lakin pərəstişkarları onu tanıyır və görüşlər zamanı avtoqraf istəyirdilər. Eminem anladı ki, bu sağalmasına diqqətini cəmləməyi həqiqətən çətinləşdirir, beləliklə, o, reabilitasiya üzrə məsləhətçidən kömək istəməyə qərar verdi. O, məşq rutininin bir hissəsi kimi mütəmadi olaraq qaçmağa başladı. Elton Con Eminemin mentoru idi və hər həftə ona zəng edərək vəziyyətini öyrənirdi. Eminem 20 aprel 2008-ci ildən bəri soberdir. (içki və narkotik istifadə etməyib

Təhdidlər[redaktə | mənbəni redaktə et]

2020-ci ilin aprel ayında Matthew David Hughes adlı 26 yaşlı evsiz şəxs Eminemin Miçiqandakı evinə mətbəxin pəncərəsini kərpiclə sındıraraq daxil olub. Eminem yuxudan oyanıb görüb ki, Hughes onun arxasında dayanıb. Bu şəxs Eminemin evinə onu öldürmək niyyəti ilə girdiyini bildirib.[14] 2021-ci ildə David Hughes törətdiyi əməli etiraf etmişdir. O, şərti cəzaya məhkum edilib. 524 gün həbsə saxlanılmış və vaxtından əvvəl azad edilmişdir. Hughes 2019-cu ildə Eminemi tapmaq üçün Rochester Hills-dəki bir evə qanunsuz olaraq daxil olduğunu da açıqlamışdır.[14][15]

30 avqust 2023-cü ildə bildirilib ki, həmin il Ceksonvildə baş verən silahlı hücumu törədən şəxs Ryan Palmeter, qaradərili musiqiçilərlə əməkdaşlıq etdikləri üçün Eminem və Machine Gun Kelly-ə zərər verməyi planlaşdırıb. Həmin şəxs onları tənqid edib və qaradərili sənətçilərlə əlaqələrinə görə onları hədəfə almaq istəyib.[16]

Siyasi mövqeyi[redaktə | mənbəni redaktə et]

Mahnılarında Eminem siyasətdən danışır və tez-tez Demokrat Partiyasını dəstəkləyir. O, konkret hansı siyasətçiləri dəstəklədiyini demir. Bunun əvəzinə o, müxtəlif siyasi məsələləri tənqid etməyə meyillidir. Onun "Mosh" mahnısı 2004-cü ildə, ABŞ prezident seçkilərindən az əvvəl işıq üzü görüb. O, bu mahnda prezident Corc Buşu tənqid etsə də, onun rəqibi Con Kerrini açıq şəkildə dəstəkləməmişdir. Eminem 2016-cı il ABŞ prezident seçkilərinə qədər ümumiyyətlə siyasi məsələləri müzakirə etməkdən uzaq durub. O, həmin il keçirilən prezident seçkilərində namizədliyini irəli sürən Donald Trampı "Campaign Speech" adlı mahnısında tənqid edib. Seçkidən bir il sonra o, "The Storm" adlı freestyle rep mahnısında Trampı təkrar tənqid atəşinə tutub. Mahnısında o, ABŞ-də irqi ədalətsizliyə və polis vəhşiliyinə etiraz olaraq, oyundan əvvəl himn zamanı diz çökən NFL oyunçusu Colin Kaepernick-i alqışlayıb. O, həm də Donald Trampı dəstəkləməyə davam edən pərəstişkarları ilə bağlı narazılıqlarını ifadə edib. Eminem "Darkness" mahnısında 2017-ci ildə Las-Veqasda baş verən silahlı insident hadisəsinə işıq salıb. O, belə faciələrin bir daha baş verməməsi üçün silaha nəzarət tədbirlərinin daha sərt olması ideyasını dəstəkləyir. Eminem 2020-ci il ABŞ prezident seçkiləri ərəfəsində Co Baydenə "Lose Yourself" mahnısını seçki reklamında istifadə etməyə icazə verib. Bu, əhəmiyyətli idi, çünki Eminem heç vaxt musiqisinin siyasi məqsədlər üçün istifadəsinə icazə vermirdi. Eminem, Ali Məhkəmənin "Roe v. Wade" işini ləğv etməsindən sonra öz məyusluğunu Twitter-də ifadə edib. O, tvitində yazıb ki, qadınların indi daha az hüquqlarının olması onu bir ata kimi qəzəbləndirib. Eminem tvitində keçid paylaşaraq insanları Miçiqandakı seçim tərəfdarı təşkilatı dəstəkləməyə təşviq edib.[17] Xatırladaq ki, "Roe v. Wade" ABŞ-də abortu qanuniləşdirən məşhur məhkəmə işidir. 2023-cü ildə Eminem Respublikaçı namizəd Vivek Ramaswamy-dən kampaniya tədbirlərində "Lose Yourself" mahnısını ifa etməyi dayandırmağı xahiş etdi. Eminem ona dayanmasını tələb edən məktub göndərdi.[18]

İnancı[redaktə | mənbəni redaktə et]

Eminem xristiandır. O, bəzi mahnılarında, xüsusilə, "Use This Gospel" mahnısının remiksində öz imanından danışıb.[19][20][21]

Maraqları[redaktə | mənbəni redaktə et]

Eminem "Detroit Lions" amerikan futbol klubunun[22] və "Detroit Pistons" basketbol klubunun azarkeşidir.[23] O, komikslər toplamağı çox sevir. Eminemin sahib olduğu komiks kolleksiyası arasında Hörümçək-adam personajının ilk görünüşü ilə məşhur olan "Amazing Fantasy #15" adlı komiks kitabı da var. Bu komiksin dəyəri 1 milyon dollardan artıqdır. Shady Records-un keçmiş icraçısı onun kolleksiyasını "başqa aləm" adlandırıb.[24]

Slim Shady[redaktə | mənbəni redaktə et]

Eminem aqressiv, şiddətə meyilli alter eqosu "Slim Shady"-ə görə də məşhurdur. Bu qaranlıq tərəfi onu musiqi sənayesində digərlərindən fərqləndirir. Uydurma personası ona musiqisi vasitəsilə narkotik, zorlama və qətl kimi qaranlıq və mübahisəli mövzular haqqında danışmaq imkanı vermişdir. Bu, ona qəzəbini ifadə etməyə və fikirlərini daha ekstremal şəkildə çatdırmağa kömək edir. Eminem "The Slim Shady LP" (1999) və "The Marshall Mathers LP" (2000) albomlarında və bir çox mahnılarında bu alter eqodan istifadə etmişdir.

Diskoqrafiya[redaktə | mənbəni redaktə et]

Filmoqrafiya[redaktə | mənbəni redaktə et]

  • Da Hip Hop Witch (qısa) (2000)
  • The Wash (2001)
  • 8 Mil (2002)
  • 50 Cent: The New Breed (sənədli) (2003)
  • Crank Yankers (2004)
  • Gülməli adamlar (2009)
  • Have Gun — Will Travel (2010)
  • Something from Nothing: The Art of Rap (sənədli) (2012)
  • How To Make Money Selling Drugs (sənədli) (2012)
  • Detroit Rubber (2013)

İstinadlar[redaktə | mənbəni redaktə et]

  1. 1 2 3 4 Marshall B. Mathers III // Internet Broadway Database (ing.). 2000.
  2. 1 2 3 4 Eminem // Internet Broadway Database (ing.). 2000.
  3. https://www.rollingstone.com/music/music-news/eminem-on-the-road-back-from-hell-249093/.
  4. http://www.criticofmusic.com/2013/05/vocal-range-eminem.html.
  5. "Eminem's Biography". Fox News Channel. March 22, 2008 tarixində arxivləşdirilib. İstifadə tarixi: April 23, 2008.
  6. Nelson, Debbie. My Son Marshall, My Son Eminem: Setting the Record Straight on My Life as Eminem's Mother (ingilis). Phoenix Books, Inc. 2008. ISBN 978-1-59777-596-0.
  7. Silverman, Stephen M. "Eminem's Scotland Concert Skirmish". People. August 27, 2001. October 7, 2012 tarixində arxivləşdirilib. İstifadə tarixi: May 24, 2010.
  8. Nelson, Debbie. My Son Marshall, My Son Eminem: Setting the Record Straight on My Life as Eminem's Mother (ingilis). Phoenix Books, Inc. 2008. ISBN 978-1-59777-596-0.
  9. "Ancestry of Eminem". Wargs.com. June 14, 2012 tarixində arxivləşdirilib. İstifadə tarixi: May 24, 2010.
  10. "Eminem's mom gives her side of the story today.msnbc.com – November 6, 2008". MSNBC. November 6, 2008. April 11, 2009 tarixində orijinalından arxivləşdirilib. İstifadə tarixi: May 24, 2010.
  11. Lane, Stephanie. Eminem. Lucent Books. 2004. səh. 13. ISBN 978-1-59018-449-3. September 8, 2023 tarixində arxivləşdirilib. İstifadə tarixi: May 12, 2023.
  12. Kaufman, Gil. "Eminem's Mom Tells Her Side Of The Story In New Memoir". MTV News (ingilis). September 17, 2008. December 10, 2020 tarixində arxivləşdirilib. İstifadə tarixi: December 10, 2020.
  13. "History of Little Caesar's Pizza". Mentalitch. January 17, 2019. May 24, 2022 tarixində arxivləşdirilib. İstifadə tarixi: May 6, 2022.
  14. 1 2 Jameson Cook, Eminem home invader Hughes sentenced Arxivləşdirilib iyul 10, 2023, at the Wayback Machine, MediaNews Group, Macomb Daily (October 2, 2021).
  15. Man who broke into Eminem’s house violates probation Arxivləşdirilib iyul 10, 2023, at the Wayback Machine, Associated Press (November 24, 2021).
  16. "Jacksonville Shooter Wanted Eminem and Machine Gun Kelly 'to be Killed On Sight,' His Writings Reveal". Rolling Stone. August 30, 2023. August 31, 2023 tarixində arxivləşdirilib. İstifadə tarixi: 31 August 2023.
  17. Eminem. "As a father it pisses me off that women have fewer rights 2day than just a few days ago… we r fuckin goin bckwards. Here's how 2 help in Michigan" (Tweet). June 26, 2022. İstifadə tarixi: November 12, 2023.
  18. "Eminem tells Republican Vivek Ramaswamy to stop rapping his songs". BBC News. August 29, 2023 tarixində arxivləşdirilib. İstifadə tarixi: August 29, 2023.
  19. Collett, Alex. "Controversial rapper Eminem tops Christian Billboard chart with faith based song". Premier Christian News. September 16, 2022. October 16, 2023 tarixində arxivləşdirilib. İstifadə tarixi: November 12, 2023.
  20. St. Cyr, Sylvia. "Eminem rapping about Jesus?". CHVN 95.1 FM. September 2, 2022. October 16, 2023 tarixində arxivləşdirilib. İstifadə tarixi: November 12, 2023.
  21. Foust, Michael. "Eminem Praises Jesus in Surprising New Song: 'I Put All My Trust in You'". ChristianHeadlines.com. September 1, 2022. September 2, 2023 tarixində arxivləşdirilib. İstifadə tarixi: November 12, 2023.
  22. Bowenbank, Starr. "Eminem's Daughter Hailie Attends Detroit Lions Football Game, Approves of Taylor Swift's 'Seemingly Ranch' Dip". Billboard. October 9, 2023. November 14, 2023 tarixində arxivləşdirilib. İstifadə tarixi: November 14, 2023.
  23. Hughes, Dylan. "Every NBA team's most famous fan". FanSided. August 31, 2018. November 14, 2023 tarixində arxivləşdirilib. İstifadə tarixi: November 14, 2023.
  24. Spencer, Anthony. "Eminem Owns One Of The Rarest Comic Books In The World". TheThings. January 6, 2021. August 30, 2022 tarixində arxivləşdirilib. İstifadə tarixi: November 14, 2023.

Xarici keçidlər[redaktə | mənbəni redaktə et]