Emma Ferrer

Vikipediya, azad ensiklopediya
Jump to navigation Jump to search
Emma Ferrer
Emma Ferrer.jpg
Digər adı Emma Ketlin Hepbern Ferrer
Doğum tarixi 1994
Doğum yeri
Atası Şon Hepbern Ferrer[1]
Anası Leyla Fleneqan[2]
Fəaliyyəti model
rəssam
filantrop
Mükafatları InTouch Award
Saytı emmaferrer.com

Emma Ketlin Hepbern Ferrer (ing. Emma Kathleen Hepburn Ferrer; 1994, Morj[d]) — Britaniyaİsveçrə modeli[3], rəssamfilantrop. 2014-cü ilin avqustunda "Harper's Bazaar" jurnalının üz qabığında şəkli çap olunmuş Florensiya İncəsənət Akademiyasının tələbəsi[4][5][6].

Həyatı[redaktə | mənbəni redaktə et]

Emma Ferrer 1994-cü ilin mayında İsveçrənin Morj şəhərində anadan olmuşdur[7]. Həyatının 10 ilini Los-Ancelesdə, 10 ilini isə Florensiyada yaşamışdır[8]. 2012-ci ildə Beynəlxalq Bakalavriat proqramı üzrə əsas qiymətləndirmədən uğurla keçərək, Florensiya Beynəlxalq Məktəbinin məzunu olmuşdur[8]. 2016-cı ildə rəssamlıq üzrə Florensiya İncəsənət Akademiyasını bitirmişdir[8]. Rəssamlıqda fəaliyyət istiqaməti insan bədəni və onun formasına əsaslanır[8].

2014-cü ildə Emma dəb sahəsində model kimi fəaliyyətə başlamışdır[8]. 2014-cü ilin avqustunda üz qabığında Emma Ferrerin fotosu əks olunmuş "Harper's Bazaar" jurnalı işıq üzü gördü. Fotonun müəllifi Maykl Avedon idi[9]. Vaxtilə onun babası Riçard Avedon Odri Hepbernin fotosunu çəkmişdi[10]. Bundan sonra Dior, yapon brendi Kosé, GivenchyTifany & Co. kimi bir sıra dərgi və şirkətlərin simasına çevrilmişdir[8].

2015-ci ildə Emma ispan ictimai incəsənət layihələrinin yaradılmasında heykəltəraş Migel Moreno ilə işlədikdən sonra Nyu-Yorka köçmüşdür[8].

Emma Ferrer kino sahəsinə rejissor Konstantin Venetopulosun psixoloji triller janrında çəkdiyi "Çardaqdakı adam" (ing. The Man in the Attic) bədii filmindəki ruh rolu ilə gəlib. Filmin premyerasının 2017-2018-ci illərdə baş tutacağı gözlənilsə də, təqdimat 2019-cu ilin martına kimi gecikmişdir.

Xeyriyyəçilik[redaktə | mənbəni redaktə et]

Güclü filantrop təbiəti sayəsində Emma könüllü olaraq, BMT Uşaq Fondu, Holliqrouv Uşaq Fondu və Birləşmiş Millətlər Təşkilatının Qaçqınlar üzrə Ali Komissarlığı da daxil olmaqla, bir neçə qeyri-kommersiya təşkilatı ilə əməkdaşlıq etmişdir. Həmçinin, onun fəaliyyətinə fərdi terapiya, aztəminatlı ailələrin övladlarına və psixoloji zədə almış uşaqlara qayğı, düşərgələrdə məskunlaşmış qaçqınların həyat şəraitinin öyrənilməsi, Nyu-Yorkun Raykers adasındakı qadın məhbuslara konsultasiya xidməti, Əfqanıstanda yaşayan qadınların hüquqlarının müdafiəsi və UNICEF-də uşaq problemləri mövzusunda maarifləndirmə də daxildir. Emmanın sənədli şəkildə SuriyaƏfqanıstan qaçqınlarının həyatını təsdiq edən işləri UNHCR and VICE-də nəşr olunub[8].

2018-ci ilin dekabrında Ferrer Odri Hepbernin əməkdaşlıq ənənələrinin davamı kimi YUNİSEF-in balında iştirak etmişdir.[11]

Mükafatları[redaktə | mənbəni redaktə et]

23 oktyabr 2014-cü ildə Ferrer Düsseldorf şəhərində "Beynəlxalq model çəkilişi" nominasiyasında "InTouch" jurnalının "InTouch Award" mükafatına layiq görülmüşdür[12][13]. 2014-cü ilin noyabrında "Storm Management" şirkətilə müqavilə imzalamışdır[14].

Şəxsi həyatı[redaktə | mənbəni redaktə et]

Emma Ferrer prodüser Şon Hepbern Ferrerlə Leyla Fleneqanın qızı, aktyorlar Odri Hepbern[15] və Mel Ferrerin nəvəsidir[16][17]. Qreqorio və Santyaqo Ferrer adlı iki ögey qardaşı var[18].

İtalyan, ispan, ingilisfransız dillərində sərbəst danışır.[8]

İstinadlar[redaktə | mənbəni redaktə et]

  1. DailyMail. "Audrey Hepburn's granddaughter earns her style icon stripes: Emma Ferrer, 20, channels her chic relative at Fashion Week" (ingilis). DailyMail. 18.09.2014. İstifadə tarixi: 2020-05-30.
  2. Navolne-life. "Когда-то внучку Одри Хепберн сравнивали с ее великой бабушкой, но как она выглядит сейчас: новые фото" (rus). Klevo. 27.04.2020. İstifadə tarixi: 2020-05-30.
  3. Duboff, Josh. "Meet Emma Ferrer, Audrey Hepburn's Granddaughter". Vanity Fair. 12.08.2014. İstifadə tarixi: 2020-05-30.
  4. "Audrey Hepburn's Granddaughter Graces the Cover of Harper's Bazaar's September Issue". 13.08.2014 tarixində orijinalından arxivləşdirilib. İstifadə tarixi: 2020-05-30.
  5. "Audrey Hepburn's Granddaughter Models for Harper's Bazaar: Pictures - Us Weekly". Us Weekly. 13.08.2014. İstifadə tarixi: 2020-05-30.
  6. "Audrey Hepburn's Granddaughter Steps Into the Spotlight". ABC News. İstifadə tarixi: 2020-05-30.
  7. Flori, Pamela. "Emma Ferrer Opens Up". Harper's Bazaar. 12.08.2014. İstifadə tarixi: 2020-05-30.
  8. 1 2 3 4 5 6 7 8 9 G. Sweeney. "Biography - Emma Ferrer" (ingilis). The Official Home of Emma Kathleen Hepburn Ferrer. 2018-07-12. 2020-08-13 tarixində orijinalından arxivləşdirilib. İstifadə tarixi: 2020-05-30.
  9. Cait Munro. "Richard Avedon's Grandson Shoots Audrey Hepburn's Granddaughter" (ingilis). Artnet.com. 12.08.2014. İstifadə tarixi: 2020-05-30.
  10. Jessica Hazel. "Richard Avedon fashion's greatest photographer" (ingilis). Creativepool.com. 02.11.2011. İstifadə tarixi: 2020-05-30.
  11. Alexandra Whittaker. "Audrey Hepburn's Granddaughter Emma Struggled with People Comparing Them" (ingilis). Instyle. 28.11.2018. İstifadə tarixi: 2020-05-30.
  12. "Gute Gene! Emma Ferrer startet als Model durch". Promiflash.de. 2014-11-03 tarixində orijinalından arxivləşdirilib. İstifadə tarixi: 2020-05-30.
  13. Abendzeitung, Germany. "Spruch des Tages: Ziemlich surreal - Emma Ferrer bei einer Preisverleihung - Promis - Abendzeitung München". Abendzeitung-muenchen.de. 24.10.2014. İstifadə tarixi: 2020-05-30.
  14. "Exclusive: Emma Ferrer signed by Storm Models". The Daily Telegraph. İstifadə tarixi: 2020-05-30.
  15. Первый канал. "Глаза Одри Хепберн, нос Софи Лорен" (rus). Youtube.com. 27.05.2020. İstifadə tarixi: 2020-05-30.
  16. "Emma Ferrer Interview - Interview With Audrey Hepburn's Granddaughter Emma Ferrer - Harper's BAZAAR Magazine". Harper's BAZAAR. İstifadə tarixi: 2020-05-30.
  17. Elizabeth Murray. "Audrey Hepburn's granddaughter Emma Ferrer makes modeling debut - Style". TODAY. İstifadə tarixi: 2020-05-30.
  18. "Sean Hepburn Ferrer". Internet Movie Database. İstifadə tarixi: 2020-05-30.