Endau-Rompin Milli Parkı

Vikipediya, azad ensiklopediya
Jump to navigation Jump to search

Endau-Rompin Milli Parkı
malay Taman Negara Endau-Rompin
Caninq barat dağından mənzərə
Caninq barat dağından mənzərə
BTMB kateqoriyası — II (Milli park)
WLE Austria Logo (no text).svg
2°26′20″ şm. e. 103°16′22″ ş. u. (T)
Ölkə Malayziya Malayziya
VilayətCohor və Pahanq
Yaxın şəhərKahanq
Sahəsi870 km2
Tarixi1993
İdarəsiCohor Park Korporasiyası
Endau-Rompin Milli Parkı (Malayziya)
Green pog.svg
Commons-logo.svg Endau-Rompin Milli Parkı Vikianbarda

Endau-Rompin Milli Parkı (malay Taman Negara Endau-Rompin) — Malayziyanın Tenasserin təpələrinin cənubunda yerləşən və tropik meşələrin qorunduğu milli park. Milli park Malayziyanın Pahanq ştatının cənubunu və Cohor ştatının şimal-şərqini əhatə edir, ümumi sahəsi 870 km2-dir. Milli park Qərbi Malayziyada Taman Neqara Milli Parkından sonra ikinci ən böyük milli parkdır. Burada həmçinin 26 km uzunluğunda cığır var. Endau-Rompin Malayziya hökuməti tərəfindən əsası qoyulmuş ikinci milli parkdır.

Milli parkda dünyanın ən qədim tropik meşə kompleksi yerləşir və buradakı qaya quruluşlarının yaşı 248 milyon ildir. Malay yarımadasında nəsli kəsilmək üzrə olan şimal Sumatra kərgadanının ən böyük populyasiyası bu milli parkdadır. Cohor ştatının ən hündür ikinci nöqtəsi olan Qununq Besar dağı milli park ərazisində yerləşir.

Musson dövründə — noyabr-mart aylarında milli park ictimaiyyətə bağlı olur. Bundan əlavə, sentyabr-oktyabr ayları balıqların cütləşmə dövrü olduğundan bu dövrdə milli parkda balıqçılıq qadağan edilir.

Tarixi[redaktə | əsas redaktə]

Milli parkda ilk elmi tədqiqat 1892-ci ildə H.U. Leyk və leytenant H.C. Kelsallın başçılığı altında baş tutmuşdur. Onların elmi tədqiqatlarının köməyi ilə 1933-cu ildə Endau-Kluanq tropik meşə kompleksi təbiət qoruğu elan edilmişdir. 1972-ci ildə qoruğun ərazisi genişlənidirilmiş və Lesonq meşəsi qoruğun ərazisinə daxil edilmişdir.[1]

1972-ci ildə Malayziya hökuməti buranı sahəsi 2000 km2 olan milli park kimi qorumaq məsələsi ilə maraqlanmağa başlamışdır. Lakin bu dövrdə milli parkın yaradılması üçün hüquqi mexanizm mövcud deyildi. 1980-ci ildə Malayziya parlamenti "Milli parklar haqqında qanun" qəbul etmişdir. Lakin dövlət ilə federal qüvvələr arasındakı mübahisələrə görə milli parkın yaradılması baş tutmamışdır.[2] 1985-ci ildə Milli Park və Vəhşi Həyat Departamenti burada təhlükədə olan şimal Sumatra kərgadanı qorumaq üçün milli parkın yaradılmasını təklif etmişdir.[2]

1993-cü ildə milli park yaradılmışdır.

İstinadlar[redaktə | əsas redaktə]

  1. Journey Malaysia. Endau Rompin National Park. Extracted April 24 2007
  2. 1 2 Malaysian Nature Society. Endau Rompin National Park. Extracted April 24 2007

Xarici keçidlər[redaktə | əsas redaktə]

Həmçinin bax[redaktə | əsas redaktə]