Energetik içki

Vikipediya, açıq ensiklopediya
Jump to navigation Jump to search

Energetik içki ("energetik") — tərkibində stimullaşdırıcı preparatlar (adətən kofein) olan, zehni və fiziki stimullaşdırma təmin edən spirtsiz (tərkibində cüzi miqdarda spirt də ola bilər[1]) içki növüdür. Energetik içki "enerji" kimi satılsa da, qida enerjisindən fərqli olan məhsuldur.

Energetik içkilər qazlı və ya qazsız olur, tərkibində şəkər və ya digər подсластители, bitki ekstraktları, taurin və amin turşuları ola bilər.

Onlar energetik məhsulların böyük bir qrupunun althissəsidir və idman üzrə göstəriciləri yüksəltmək üçün reklam edilən içkilərdən fərqlənir. Energetik içkilərin bir çox markası (brend) və çeşidi var.

Qəhvə, çay və tərkibində kofein olan digər təbii içkilər energetik içkilər hesab edilmir. Kola kimi digər yumşaq içkilərin də tərkibində kofein ola bilər, ancaq həmin içkilər də energetik içkilər deyil. Buckfast Tonic Wine kimi bəzi spirtli içkilərin tərkibində kofein və digər stimullaşdırıcılar olur. Mayo Clinic tibbi praktika və tədqiqat qrupunun (Minnesota, ABŞ) apardığı araşdırmaların nəticəsinə görə, yetkinlik yaşına çatmış tipik sağlam adam üçün gündə 400 mq kofein içmək təhlükəsizdir (Mayo Clinic – 4500-dən artıq həkim və alimlərin çalışdığı, ümumilikdə 60 min nəfərə yaxın tibbi işçisi olan təşkilatdır). Avropa Qida Təhlükəsizliyi Təşkilatı (European Food Safety Authority) tərəfindən də təsdiq edilmişdir ki, gündə 400 mq-a kimi kofein qəbulu yetkinlik yaşına çatmış adamların (böyüklərin) təhlükəsizliyi üçün problem yaratmır, belə ki, bu, 4 fincan qəhvəyə (hər biri 90 mq) və ya 5 standart (250 ml) energetik içki bankasına (hər biri 80 mq) ekvivalentdir[2][3][4]

Fərqli markalı energetik içki bankaları

Variantları[redaktə | əsas redaktə]

"Enerji atəşi"[redaktə | əsas redaktə]

"Enerji atəşi" və ya "Enerji partlayışı" Energy shot xüsusi bir energetik içki növüdür. Energetik içkilərin çoxu bankalarda və ya şüşə butılkalarda satılarkən, "enerji atəşi" adətən kiçik 50 ml butılkalarda satılır. Enerji atəşlərinin tutumu balaca (azhəcmli) olsa da, onların tərkibində kofeinin, vitaminlərin və ya digər funksional maddələrin miqdarı böyük qablarda satılan energetik içkilərin tərkibindəki həmin maddələrin miqdarı ilə eyni olur, odur ki, "enerji atəşi" energetik içkilərin qatılaşdırılmış forması hesab edilə bilər. Enerji atəşlərinin marketinqi, adətən, onların istehlakçı üçün rahat və əlverişli olması iddiası üzərində qurulur, belə ki, lazımi ruh yüksəkliyini və iş qabiliyyətini əldə etmək üçün istehlakçı energetik içkinin böyük (bəzən hətta 250 kaloriyə malik) bir bankasını içməli olmur, bir "qurtuma" azkalorili "enerji atəşi"ni içməklə lazımi effekt təmin edilir. [5]

Kofeinli alkoqollu içkilər[redaktə | əsas redaktə]

Red Bull kimi energetik içkilər çox vaxt spirtli içkilərlə qarışıqdırılır, məsələn, Vodka Red Bull kimi qarışıq içkilər istehsal olunur. Belə içkilər rom və kolaya oxşar olub, tərkibindəki kofeinin miqdarına görə onlardan daha güclüdür [6]. Bəzən bu, bomba atəşi kimi (məs., Jägerbomb və ya F-Bomb Fireball Cinnamon WhiskyRed Bull) konfiqurasiya edilir [7]

Bəzi ölkələrdə kofeinli spirtli içkilər də müxtəlif formalarda satılır. ABŞ-da kofeinli spirtli içkilərin qadağan olunmasından (2010-cu il) əvvəl Amerika məhsulları Four LokoJoose içkilərinin tərkibində həm kofein, həm də spirt var idi. [8][9][10]

Rahatlıq gətirən içki[redaktə | əsas redaktə]

2000-ci illərdə bir sıra içkilər: Lava Cola, Slow Cow, Drank, Marley's Mellow Mood, Mary Jane's Relaxing Soda, Chill, Calm, Malava Kava, V.i.B., Take 5, Relax by RockstarJones Gaba "anti-enerji", "soyuq" və ya rahatlıq gətirən içkilər kimi satışa buraxıldı [11][12] bu içkilərin populyarlığı getdikcə artır, təkcə 2008-ci ildən 2010-cu ilədək satış həcminin ikiqat yüksəlməsi buna əyani sübutdur [13]. Onların tərkibinə teaninmelatonin kimi inqrediyentlər daxildir. [14]

Kimyəvi tərkibi[redaktə | əsas redaktə]

Energetik içki üçün qida etiketkası

Energetik içkilərin tərkibində adətən metilksantinlər (kofein daxil olmaqla), B qrup vitaminləri, qazlı (karbonatlı) su və fruktozası yüksək olan qarğıdalı şərbəti (pəhriz istiqamətli olmayan versiyalar üçün) daxildir. Digər geniş istifadə olunan inqrediyentlər: quarana, yerba mate, açaí və taurin, həmçinin həyat kökünün (jenşen) müxtəlif variantları, maltodekstrin, inositol, karnitin, kreatin, glukuronolakton, sükraloz və qinkqo biloba və s.-dir [15]

Bəzi energetik içki istehsalçıları məhsulun tərkibində nə qədər kofein olduğunu açıqlamırlar [16]. İstehlakçılar Birliyi tərəfindən aparılmış araşdırmalar nəticəsində müxtəlif energetik içkilərin tərkibində kafeinin miqdarının 6-242 milliqram (mq) olduğu aşkar edilmişdir [16]. Müqayisə üçün: 240 ml həcmi olan 1 fincan qəhvənin tərkibində 100 mq, 350 ml-lik Coca-Cola Classic içkisinin tərkibində isə 35 mq kofein olur [16][17]. İstehlakçılar Birliyinin mətbuat orqanında (Consumer Reports) göstərilir ki, energetik içkinin tərkibində kofeinin miqdarı etiketdə göstərildiyi kimi, 20% həddində olacağı gözlənildiyi halda, ABŞ-da energetik içkilərin testi bəzi energetik içkilərdə kofeinin səviyyəsi həmin həddən çoxdur[16]. Monster Beverage Corporation energetik içkilərdə kofeinin miqdarını açıqlamamasını belə izah edir: "biz bu məlumatı vermirik, çünki bunun üçün heç bir qanuni və ya kommersiya tələbi yoxdur, həmçinin məhsullarımız tamamilə təhlükəsizdir və faktiki rəqəmlər istehlakçıların çoxu üçün məna kəsb etmir ""[16] Elmi qruplar və istehlakçı təşkilatları energetik içkilərin tərkibinə daxil olan inqrediyentlərin siyahısına daha çox açıqlama verilməsini tələb etmişdir [16].

Pəhriz içkisi olmayan energetik içkilərdə şəkər insan orqanizmi tərəfindən istifadə edilə bilən qida enerjisidir [15]

Səhhətə təsiri[redaktə | əsas redaktə]

Səhhətiniz üçün potensial problemlər yarada bilər

Energetik içki kofein və şəkərlə təmin edir, lakin içkinin tərkibinə daxil olan digər çoxsaylı inqrediyentlərin hər hansı təsirinin olduğunu iddia etmək düzgün olmazdı[18]. Energetik içkinin koqnitiv təsiri (diqqətin, reaksiyavermə sürətinin artması) əsasən kofeinin varlığı ilə əlaqədardır [19]. Lakin bəzi tədqiqatlar energetik içkinin bu təsirini içkinin tərkib hissələrinin birgə təsiri ilə əlaqələndirirlər [20]. Energetik içkilər barədə reklamlar adətən əzələ gücü və dözümlülüyün artmasını nümayiş etdirir, lakin indiyə kimi bunu təsdiq edən və dəstəkləyən elmi bir fikir birliyi yoxdur [21].

Xarici ölkələrdə aparılmış bir sıra tədqiqatlarda göstərilir ki, energetik içkidən istifadə sağlamlıq üçün risklərlə əlaqədardır, alkoholla birgə istifadə edilməsi isə alkoholun orqanizmə (xüsusən cavan orqanizmə - gənclərə) vurduğu zərərin artmasına səbəb olur, bu içkilər hətta narkotik asılılığın digər formalarına da yol aça bilər [22].

Avstriya Power Horse energetik içkisində bir xəbərdarlıq: "Bir gündə ikidən artıq banka içmək sağlamlığınıza zərər verə bilər. Hamilə qadınlar, südəmər körpələr, 16 yaşından kiçik uşaqlar, ürək xəstəliyi, diabet xəstəliyi, yüksək qan təzyiqi, kofeinə allergiyası olan adamlara zərərdir və məşq zamanı istifadə idmançılar üçün zərərlidir"

Bəzi mənbələrdə göstərilir ki, energetik içkinin həddindən artıq və ya təkrar istifadəsi ürək problemlərinə (aritmiya və ürək ağrıları) və psixi xəstəliklərə (narahatlıq, fobiya) gətirib çıxara bilər [23], [24]. Avropada tərkibində taurin və kofein olan energetik içkilər idmançıların ölümünə səbəb olması barədə məlumatlar var [25]. 2007-ci ildə Journal of the American Heart Association qeyd edir ki, yalnız kofeinin miqdarı yeganə təsiredici amil deyil, içkinin tərkibindəki digər inqrediyentlər qarışığı içkini daha təhlükəli edir, belə işkilər — tərkibində bir neçə inqrediyentlərin qarışığı olan işkilər tərkibində stimulyant kimi yalnız kofein olan içkilərdən daha təhlükəlidir; tədqiqatlarda qeyd olunmuşdu ki, həmin inqrediyentlərin hansı birinin daha təhlükəli olduğunu müəyyən etmək üçün bu maddələr fərdi surətdə tədqiq edilməlidir [26].

Tədqiqatlar göstərir ki, energetik içkilərlə əaləqar təcili tibb yardımına müraciətlərin artması müşahidə olunur. 2005-ci ildə ABŞ-da energetik içki istehlakı ilə əlaqədar 1494 təcili yardım çağırışı olduğu halda, 2011-ci ildə 20783 fövqəladə tibbi vəziyyət energetik içkilərlə əlaqədar olub [27], təhlükəya məruz qalmış xəstələr arasında kişilərin sayı daha çox olub ki, bu da qadınlara nisbətən kişilərin energetik içkilərə daha meylli olması və kişilərin daha çox içki istehlak etməsi ilə izah olunur [27]. Araşdırmalar göstərir ki, energetik içkilərlə əlaqədar səhhətdə problemin yaranmasına, əsasən, həmin içkilərə mənfi reaksiyalar səbəb olur. 2011-ci ildə energetik içkilərlə əlaqədar xəstəxanaya 14042 müraciət olub [27].Bu kofeinli içkilərdən sui-istifadə də əksər hallarda təcili yardım ziyarətinə səbəb olur. 2011-ci ildə energetik içkilərdən sui-istifadə səbəbindən tibb məntəqələrinə 6090 nəfər xəstə daxil olub [27]. Xəstələrin 42% -i energetik içkini başqa bir stimulyantla qarışdırdığını bildirib, digər 58%-i isə yalnız energetik içki qəbul etdiklərini bildirib [28]

Bir sıra tədqiqatlarda göstərir ki, energetik içkilər dərman vasitəsi ola bilər [22].

İstifadə dairəsi[redaktə | əsas redaktə]

Energetik içkilər gənclər üçün cəlbedici olur. İstehlakçıların təxminən 66 faizi 13 və 35 yaş arasındadır, kişilər isə energetik içki bazarının təxminən 65 faizini təşkil edir [29]. Pensilvaniyada 2008-ci ildə keçirilmiş ümummilli sorğunun nəticələri göstərdi ki, 21-30 yaşları arasında respondentlərin 20 faizi hələ orta məktəbdə və ya kollecdə təhsil alarkən daha çox oyaq qalmaq və dərslərini hazırlamaq üçün energetik içkilərdən istifadə edib; respondentlərin 70 faizinin tanışları arasında təhsil almaq və ya işləmək üçün daha çox oyaq qalmaq məqsədilə energetik içki istifadə edənlər var [30].

2012-ci ildə ABŞ-da Packaged Facts tərəfindən energetik içki istehlakçıları barədə müxtəlif aspektlər üzrə aparılmış araşdırmalar göstərdi ki, energetik içkiləri ən çox istifadə edən demoqrafik qruplar aşağıdakılardır:

  • yaş həddinə görə — 18 yaşdan 34 yaşa qədər;
  • cinsinə görə — kişi;
  • milliyyətinə (irqinə) görə — latın-amerikalılar;
  • geoloji yerinə görə — Sakit okean bölgəsi;
  • sosial (vətəndaş) vəziyyətinə görə — uşağı olan ailəli adamlar [31].

Satış həcmi[redaktə | əsas redaktə]

Energetik içki reklam edən avtomobil

Euromonitor marketinq araşdırmalar firmasının apardığı hesablamalara əsasən, dünya energetik içkilər satışı 1999-cu ildə 3,8 milyard dollar (ABŞ) təşkil edib və bu dəyər 2013-cü ildə 27,5 milyard dollara (ABŞ) çatıb [32]

2000-ci ildə ABŞ-ın energetik içki bazarı 350 milyon ABŞ dolları təşkil edib və Packaged Facts (ABŞ) şirkətinin məlumatlarına əsasən, 2008-2012-ci illər arasında ABŞ-da istehsal artımı 60 faiz olub, 2012-ci ildə ABŞ-da energetik içkilərin ümumi satış həcmi 12,5 milliard dollardan çox təşkil edib.[31]

2012-ci ildə ən çox satılan iki ən yaxşı marka Red Bull və Monster olub, ABŞ energetik içki satışının təxminən 80%-i məhz bu içkilərin payına düşür. 2014-ci il üzrə isə energetik içki satışı 1 milyard ABŞ dollarından artıq təşkil edib. [32]

Qanunla tənzimləmə[redaktə | əsas redaktə]

18 yaşlı irland idmançısı Ross Kuninin 4 banka energetik içki qəbul edərək basketbol oynadıqdan bir neçə saat sonra keçinməsi Fransa bazarında Red Bull energetik içkisinə qarşı mənfi münasibət yaratdı. Bu qadağa ilə əlaqədar işə 2004-cü ildə Avropa məhkəməsində baxıldı və nəticədə qadağa aradan qaldırıldı [33]. Bir vaxtlar Norveç dövlətində də Red Bull içkisinə icazə verilmirdi, son zamanlar bu qadağalar bir qədər yumşaldılıb, 2009-cu ilin may ayından Red Bull içkisinin Norveçdə satışı qanunidir, sadəcə B vitamininin (B6) miqdarı azaldılıb [34]. Birləşmiş Krallıq bu içkinin tərkibini tədqiq edib, bu içkinin satışı qanunidir, amma onun uşaqlar və hamilə qadınlar tərəfindən içilməsinə qadağa qoyub [33].

2009-cu ildə Kolumbiyada Sosial Müdafiə Nazirliyi 14 yaşına çatmamış şəxslərə energetik içkilərinin satışını qadağan etdi [35].

2009-cu ildə İngiltərənin Hov şəhərində yerləşən bir məktəb yerli mağazalara tələbələrə energetik içki satmaması barədə müraciət etdi. Baş müəllim Malvina Sanders əlavə edib ki, "bu, bir ehtiyat tədbiri idi, çünki bütün tədqiqatlar göstərir ki, yüksək enerjili içkilər gənclərin sinifdə diqqətini toplamasına təsir göstərir". Əldə edilən razılığa görə, supermarketin yerli şöbəsi tələbələrə bu məhsulları almamaq barədə plakatlar nümayiş etdirir [36]. Oxşar tədbirlər İngiltərənin Oxted şəhərində məktəb tərəfindən də həyata keçirilib, tələbələrə energetik içki qəbulu qadağan edilmiş və valideynlərə bu barədə məktub göndərilmişdir.

2012-ci ilin noyabr ayındaÇeçenistan Respublikasının (Rusiya Federasiyası) prezidenti Ramzan Kadırov energetik içki satışının qadağan edilməsi barədə qanun layihəsi yaratmaq barədə qərar verdi - "sərxoş edici vasitə" kimi bu içkilər "müsəlman bir cəmiyyətdə qəbul edilə bilməz". Kadırov 2012-ci ildə belə içkilərin içilməsi nəticəsində zəhərlənmə hadisələri (bir ölüm hadisəsi və 530 xəstəxanaya müraciət) barədə xəbərdar etdi. Rusiyanın Baş sanitariya inspektoru Gennadiy Onişenko da energetik içki qəbuluna analoji münasibət bildirmişdir [37].

Bəzi ölkələrdə energetik içkilərinin satışı və istehsalına üçün müəyyən məhdudiyyətlər tətbiq olunub. Avstraliya və Yeni Zelandiyada içkilər qanunla tənzimlənir; energetik içkilərdə kofeinin miqdarı 320 mg/l və spirtsiz içkilərdə 145 mg/l-ə qədər məhdudlaşdırılır. Ölkədə tərkibində quarana olan bütün qida məhsulları üçün məcburi kofein etiketləri verilir [38] və Avstraliya energetik içki markaları istehlakçını gündə iki bankadan çox içməmək barədə xəbərdar edir [39].

2014-cü ilin may ayında Litva ölkədə 18 yaşından aşağı həddi-buluğa çatmayanlara energetik içkilərin satışı qadağa edilən ilk dövlət oldu (qanun həmin ilin noyabr ayından etibarən qüvvədədir). Energetik içki — tərkibində kofeinin miqdarı ən azı 150 mq/l olan hər hansı bir içki kimi təsvir edilir.

2016-cı ilin iyun ayında həmçinin Latviyada da 18 yaşına çatmamış insanlara tərkibində kofein və ya taurin və guarana kimi stimulyantlar olan energetik içkilərin satışı qadağan edilmişdir [40].

İstinadlar[redaktə | əsas redaktə]

  1. "Архивированная копия". Arxivləşdirilib: [1] saytından 2011-07-21 tarixində. https://web.archive.org/web/20110721005349/http://www.marininstitute.org/alcopops/resources/EnergyDrinkReport.pdf. İstifadə tarixi: 2011-07-21.
  2. Preszler, Buss. "How much is too much?". Mayo Clinic. http://www.mayoclinic.org/healthy-living/nutrition-and-healthy-eating/in-depth/caffeine/art-20045678. İstifadə tarixi: 5 November 2014.
  3. Smith, Leesa (3 September 2014). "'My heart just hit the floor': A mother's pain after her son died from drinking FOUR energy drinks daily... as a doctor warns no more than two caffeinated beverages per day". Daily Mail Australia. http://www.dailymail.co.uk/news/article-2741591/My-heart-just-hit-floor-A-mother-s-pain-son-died-drinking-FOUR-energy-drinks-daily-doctor-warns-no-caffeinated-beverages-day.html. İstifadə tarixi: 3 September 2014.
  4. "Scientific Opinion on the safety of caffeine | Europäische Behörde für Lebensmittelsicherheit". www.efsa.europa.eu. http://www.efsa.europa.eu/de/efsajournal/pub/4102. İstifadə tarixi: 2 January 2016.
  5. Klineman, Jeffrey (30 April 2008). ""Little competition: energy shots aim for big" profits". Bevnet.com. http://www.bevnet.com/news/2008/4-30-2008-energy_shots.asp. İstifadə tarixi: 24 May 2013.
  6. (2011) "Effects of energy drinks mixed with alcohol on behavioral control: Risks for college students consuming trendy cocktails". Alcoholism: Clinical and Experimental Research 35 (7): 1282–92. DOI:10.1111/j.1530-0277.2011.01464.x. PMID 21676002.
  7. Hoare, Peter (9 January 2014). "5 Awesome Drinks You Can Make With Fireball Cinnamon Whisky". Food & drinks. MTV. http://guycodeblog.mtv.com/2014/01/09/fireball-drink-recipes/. İstifadə tarixi: 17 June 2014.
  8. FDA (3 November 2010). "List of Manufacturers of Caffeinated Alcoholic Beverages". U.S. Food and Drug Administration. http://www.fda.gov/Food/FoodIngredientsPackaging/ucm190448.htm. İstifadə tarixi: 11 November 2010.
  9. Zezima, Katie (26 October 2010). "A Mix Attractive to Students and Partygoers". The New York Times. https://www.nytimes.com/2010/10/27/us/27drinkbox.html. İstifadə tarixi: 11 November 2010.
  10. Bruni, Frank (30 October 2010). "Caffeine and Alcohol: Wham! Bam! Boozled.". The New York Times. https://www.nytimes.com/2010/10/31/weekinreview/31bruni.html. İstifadə tarixi: 11 November 2010.
  11. Morning Edition (30 December 2009). "What To Drink When You Want Less Energy". NPR. http://www.npr.org/templates/story/story.php?storyId=122043011. İstifadə tarixi: 22 March 2010.
  12. Eric Wahlgren, Adios, Red Bull? Anti-energy drinks seek to soothe frazzled Americans, DailyFinance, 7 October 2009
  13. Eunju Lie (19 July 2011). "Relaxation drinks see energetic growth in U.S.". Reuters. https://www.reuters.com/article/2011/07/19/us-beverages-relax-idUSTRE76I6ZH20110719. İstifadə tarixi: 20 July 2011.
  14. Jennifer Nelson, M.S.; Katherine Zeratsky (6 March 2010). "Relaxation drinks: Does calm come in a can?". Mayo Clinic. Arxivləşdirilib: [2] saytından 25 August 2011 tarixində. https://web.archive.org/web/20110825175301/http://www.mayoclinic.com/health/relaxation-drinks/MY01227. İstifadə tarixi: 20 July 2011.
  15. 15,0 15,1 Meier, Barry (1 January 2013). "Energy Drinks Promise Edge, but Experts Say Proof Is Scant". The New York Times (New York: New York Times Company). . https://www.nytimes.com/2013/01/02/health/scant-proof-is-found-to-back-up-claims-by-energy-drinks.html. İstifadə tarixi: 26 September 2014.
  16. 16,0 16,1 16,2 16,3 16,4 16,5 Consumer Reports (December 2012). "Energy Drinks – Caffeine Levels". consumerreports.org. http://www.consumerreports.org/cro/magazine/2012/12/the-buzz-on-energy-drink-caffeine/index.htm. İstifadə tarixi: 26 September 2014.
  17. (2010) "Caffeine (1, 3, 7-trimethylxanthine) in Foods: A Comprehensive Review on Consumption, Functionality, Safety, and Regulatory Matters". Journal of Food Science 75 (3): R77–87. DOI:10.1111/j.1750-3841.2010.01561.x. PMID 20492310.
  18. (2012) "Do energy drinks contain active components other than caffeine?". Nutr Rev 70 (12): 730–44. DOI:10.1111/j.1753-4887.2012.00525.x. PMID 23206286.
  19. (2008) "The effects of energy drinks on cognitive performance". Tijdschrift voor psychiatrie 50 (5): 273–81. PMID 18470842.
  20. Alford, C. (1 January 2001). "The effects of red bull energy drink on human performance and mood". Amino Acids 21 (2): 139–150. DOI:10.1007/s007260170021. PMID 11665810.
  21. (2014) "Performance outcomes and unwanted side effects associated with energy drinks.". Nutr Rev 72 Suppl 1: 108–20. DOI:10.1111/nure.12132. PMID 25293550.
  22. 22,0 22,1 (2009) "Caffeinated energy drinks—a growing problem". Drug Alcohol Depend 99 (1–3): 1–10. DOI:10.1016/j.drugalcdep.2008.08.001. PMID 18809264.
  23. (2015) "Energy drink overconsumption in adolescents: implications for arrhythmias and other cardiovascular events.". Can J Cardiol 31 (5): 572–5. DOI:10.1016/j.cjca.2014.12.019. PMID 25818530.
  24. (2015) "[Abuse of energy drinks: does it pose a risk?].". Presse Med 44 (3): 261–70. DOI:pmc= 10.1016/j.lpm.2014.07.029 pmc=. PMID 25622514.
  25. (2008) "Safety issues associated with commercially available energy drinks.". J Am Pharm Assoc (2003) 48 (3): e55–63; quiz e64–7. DOI:10.1331/JAPhA.2008.07055. PMID 18595815.
  26. Emily A. Fletcher (May 2017). "Randomized Controlled Trial of High‐Volume Energy Drink Versus Caffeine Consumption on ECG and Hemodynamic Parameters". Journal of the American Hart Association 6 (5). DOI:10.1161/JAHA.116.004448.
  27. 27,0 27,1 27,2 27,3 "The DAWN Report: Update on Emergency Department Visits Involving Energy Drinks: A Continuing Public Health Concern". archive.samhsa.gov. http://archive.samhsa.gov/data/2k13/DAWN126/sr126-energy-drinks-use.htm.
  28. United States Substance Abuse and Mental Health Services Administration (10 January 2013). "Update on Emergency Department Visits Involving Energy Drinks: A Continuing Public Health Concern". http://archive.samhsa.gov/data/2k13/DAWN126/sr126-energy-drinks-use.pdf. İstifadə tarixi: 12 August 2015.
  29. Mintel Energy Drink Report 2006, 07.05.06
  30. Pennsylvania Medical Society (19 September 2008). "Energy Drinks "" Busting Your Health for the Buzz". Newswise. Newswise, Inc. http://newswise.com/articles/view/544512/. İstifadə tarixi: 27 March 2014.
  31. 31,0 31,1 "Energy Drink Trends". ReportLinker. January 2013. http://www.reportlinker.com/p01095494/Energy-Drinks-and-Shots-U-S-Market-Trends.html. İstifadə tarixi: 27 March 2014.
  32. 32,0 32,1 Roberto A. Ferdman (26 March 2014). "The American energy drink craze in two highly caffeinated charts". Quartz. http://qz.com/192038/the-american-energy-drink-craze-in-two-highly-caffeinated-charts/#/h/56821,2/. İstifadə tarixi: 27 March 2014.
  33. 33,0 33,1 "French ban on Red Bull (drink) upheld by European Court". Medicalnewstoday.com. http://www.medicalnewstoday.com/articles/5753.php. İstifadə tarixi: 7 May 2009.
  34. Red Bull blir tillatt i Norge – NRK Norge – Oversikt over nyheter fra ulike deler av landet. Nrk.no (23 April 2009). Retrieved on 2016-11-14.
  35. RESOLUCION 4150 DE 2009 (octubre 30). Diario Oficial No. 47.522 de 3 de noviembre de 20. invima.gov.co
  36. "Pupils facing energy drink 'ban'". BBC News. 7 October 2009. http://news.bbc.co.uk/1/hi/england/sussex/8295914.stm. İstifadə tarixi: 15 October 2009.
  37. "Kadyrov Vows to Ban Energy Drinks". The Moscow Times. 21 November 2012. http://www.themoscowtimes.com/news/article/kadyrov-vows-to-ban-energy-drinks/471749.html. İstifadə tarixi: 24 November 2012.
  38. "Australia New Zealand Food Standards Code – Standard 2.6.4 – Formulated Caffeinated Beverages – F2009C00814". comlaw.gov.au. Department of Health and Ageing (Australia). 13 August 2009. http://www.comlaw.gov.au/Details/F2009C00814. İstifadə tarixi: 3 November 2012.
  39. Pogson, Jenny (9 May 2012). "Energy drinks pack more punch than you might expect". ABC. http://www.abc.net.au/health/thepulse/stories/2012/05/09/3471672.htm. İstifadə tarixi: 3 September 2014.
  40. Latvia bans sales of energy drinks to under-18s, Associated Press. Jun 1, 2016. Retrieved 14 March 2017.

Xarici keçid[redaktə | əsas redaktə]