Enid Bliton

Vikipediya, açıq ensiklopediya
Jump to navigation Jump to search
Picto infobox auteur.png
Enid Bliton
Enid Mary Blyton
Fotoqrafiya
Təxəllüsü Meri Pallok
Doğum tarixi 11 avqust 1897
Doğum yeri Şərqi Dalçın, London, Flag of England.svg İngiltərə, Flag of the United Kingdom.svg Böyük Britaniya
Vəfatı 28 noyabr 1968
Vəfat yeri Hampsted, London Borough of Camden, Böyük London, London, İngiltərə, Böyük Britaniya
Atası Tomas Keri Bliton
Anası Tereza Meri
Həyat yoldaşı Hay Aleksandr Pallok (1924-1942)
Kennet Freyzer Darrel Vaters (1943-1967)
Uşaqları Qillian Meri Bavarstok
İmojen Meri Smolvud
Vətəndaşlıq Flag of the United Kingdom.svg Böyük Britaniya
Milliyyətiingilis
İxtisası müəllim
TəhsiliSent-Kristofer məktəbi (1907-1915)
Fəaliyyətiədəbiyyat
Karyera1922-1968
Əsərlərinin diliingilis
İstiqamətmacəra, uşaq ədəbiyyatı
Janrroman
İlk əsəri"Uşaq pıçıltıları" - 1922
Enidblytonsig..jpg
http://www.enidblytonsociety.co.uk
Enid Bliton Vikianbarda

Enid Bliton (11 avqust 1897, London - 28 noyabr 1868, London) - İngiltərə uşaq romanı yazıçısı.

Həyatı[redaktə | əsas redaktə]

Enid Bliton 11 avqust 1897-ci ildə Londonda anadan olmuşdur. Tomas Keri Bliton və Tereza Merinin ən böyük uşağı idi. Hanli və Keri adı iki qardaşı vardı. 1907-1915-ci illərdə Bliton Bekkenhemdəki Sent-Kristofer məktəbində təhsil almışdır. Məktəbin ən yaxşı oxuyan şagirdlərindən biri olduğundan "Headgirl" adını qazanmışdı. Riyaziyyatı yaxşı bilməsə də, yaxşı piano çala bilirdi.

Liseyi tamamladıqdan sonra müəllim olmağa qərar verdi, amma universitetdə ikən musiqi məşğələlərini buraxdı. Boş zamanlarında yazıçılıq etməyə başladı və 1922-ci ildə ilk əsəri olan və uşaqlar üçün nəzərdə tutulan "Uşaq pıçıltıları" kiatbı nəşr olundu.

28 avqust 1924-cü ildə Hay Aleksandr Pallok ilə evləndi. Həyat yoldaşı Corc Nyunsun nəşriyyat şirkətində redaktor kimi işləyirdi və tezliklə bu nəşriyyat tərəfindən iki kitabı çap olundu. Onun Pallokdan Qillian Meri Baverstok və İmojen Meri Smolvud adlı iki övladı oldu.

1930-cu illərdə dinə inamı azaldı və kilsəyə daha az getməyə başladı.

1939-cu ildə Pallok ilə evliliyi təhlükə altına düşdü. Bliton 1941-ci ildə ixtisasca həkim olan Kennet Freyzer Darrel Vaterslə tanış olduqdan sonra 1942-ci ildə Pallokdan boşanaraq 20 oktyabr 1943-cü ildə Vaterslə evləndi.

1967-ci ildə həyat yoldaşının ölümünün ardından xəstələndi və 28 noyabr 1968-ci ildə vəfat etdi.

Yaradıcılığı[redaktə | əsas redaktə]

Blitonun əsərlərinin əsas qəhrəmanları uşaqlar idi. Əsərləri 3 tipdə idi. Birinci tip kitablarına uşaqların qeyri-adi macəralarından bəhs edirdi. İkici tip kitablarda hadisələr məktəbdə baş verir və uşaqların başına gələn məzəli hadisələr ələ alınırdı. Üçüncü tip kitabları isə fantastik idi və şeytanlar, pərilər kimi personajlar da yer alırdı.

"Fireside" jurnalının 55-ci sayı

"Məşhur beşlik", "Macera Seriyası", "Sirli yeddilik", "Yaramaz qızlar", "Əkizlər məktəbdə" və "Adada macəra" ən məşhur əsərlərindəndir.

Uşaq şeirlərindən ibarət ilk kitabı 1924-cü ildə nəşr olunmuşdur. Əsərləri daim mübahisəli olmuşdur. Enidin 700 kitabı çapdan çıxmışdır. Bundan əlavə 10.000-dən çox qısa hekayə yazmışdır. Bunlardan 200-ü hələ də nəşr olunur. "Yaramaz qızlar" kitabının 11 milyon nüsxəsi satılmışdır. Bütün kitablarının isə 400 milyondan çox nüsxəsi öz oxucusunu tapmışdır.[1] 1967-ci ildəki qeydlərə görə kitabları 399 dilə tərcümə olunmuşdur. Enid Bliton İngiltərədə Uilyam ŞekspirAqata Kristidən sonra ən çox kitabları xarici dilə tərcümə olunan 3-cü yazıçıdır.

Ölümünün ardından[redaktə | əsas redaktə]

1974-cü ildə Barbara Stonli tərəfindən bioqrafiyası qələmə alınmışdır. 1995-ci ildə isə qızları və heyranları tərəfindən "Enid Bliton Cəmiyyəti" qurulmuşdur. Cəmiyyətin buraxdığı "Fireside" jurnalı böyük maraq görmüşdür.

Hər il may ayının ikinci şənbə günü Enid Blinton günü kimi qeyd olunur.

İngiltərədə "The Enid" rok qrupu adını ondan almışdır.

Əsərləri[redaktə | əsas redaktə]

  • "Məşhur beşlik"
  • "Sirli yeddilik"
  • "Macəra seriyası"
  • "Barninin sirləri"
  • "Sirlər seriyası"
  • "Sent-Klaras"
  • "Dəcəl qız"
  • "Altı xalaoğlu"
  • "Qallianonun sirki"
  • "Uzaq ağac"
  • "Arzu kafedralı"
  • "Noddi"

Xarici keçidlər[redaktə | əsas redaktə]

İstinadlar[redaktə | əsas redaktə]