Entoni Dauns

Vikipediya, açıq ensiklopediya
Keçid et: naviqasiya, axtar

Entoni Dauns (d. 21.11.1930, İllinoys ştatı, Evanston) – Amerika iqtisadçısıpolitoloqu, doktorluq dərəcəsini Stanford Universitetində (1956) almışdır.[1]

Həyatı[redaktə | əsas redaktə]

Karlton kollecini (Minnesota ştatı) bitirmişdir. Çikaqo Universitetinin professoru (1959–62) olmuş, 1977-ci ildən Vaşinqtondakı Brukinqs Mərkəzində böyük tədqiqatçı vəzifəsində çalışır.[1]

Fəaliyyəti[redaktə | əsas redaktə]

Səmərəli seçim nəzəriyyəsinin müəllifidir. İqtisadi model və konsepsiyaları sırf siyasi problemlərin təhlilində, bürokratiyanın tədqiqində istifadə edərək, əsas iştirakçıları məqsədlərinin maksimallaşdırılmasına can atan “səmərə aktorları” (partiyalar, siyasətçilər, seçicilər) olan demokratik siyasət konsepsiyasını işləyib hazırlamış, “hakimiyyət itkisi” tezisini formulə etmişdir. Dauns bürokratik strukturda qeyri-çevikliyin (fəaliyyətsizliyin) artması səbəbini onun mərkəzləşdirmə, daxili ixtisaslaşma və yeni tənzimləmə qaydalarının tətbiqi yolu ilə “hakimiyyət itkisi”ni kompensasiya etmək cəhdində görürdü. Dauns yanaşması siyasi proseslərin modelləşdirilməsində geniş istifadə olunur.[1]

Əsərləri[redaktə | əsas redaktə]

  • An economic theory of democracy. N. Y., 1957;
  • Inside bureaucracy. Boston, 1967;
  • Dohousing allowances work (K.L. Bredberi ilə birlikdə). Wash., 1981;
  • Energy costs, urban development, and housing (K.L. Bredberi ilə birlikdə). Wash., 1984.  

İstinadlar[redaktə | əsas redaktə]

  1. 1,0 1,1 1,2 Dauns// Azərbaycan Milli Ensiklopediyası (25 cilddə). — VI cild. Bakı, 2009. — Səh.: 379.