Erşeg Milli Parkı

Vikipediya, açıq ensiklopediya
Jump to navigation Jump to search

Erşeg Milli Parkı
mac. Őrségi Nemzeti Park
Őriszentpéter2v.jpg
BTMB kateqoriyası — II (Milli park)
WLE Austria Logo (no text).svg
46°50′20″N 16°25′16″E / 46.83889°N 16.42111°E / 46.83889; 16.42111Koordinatlar: 46°50′20″N 16°25′16″E / 46.83889°N 16.42111°E / 46.83889; 16.42111
Ölkə Flag of Hungary.svg Macarıstan
Sahəsi440
Tarixi2002
Sites.gif
http://onp.nemzetipark.gov.hu/
Erşeg Milli Parkı (Macarıstan)
Erşeg Milli Parkı
Commons-logo.svg Erşeg Milli Parkı Commonsda

Erşeg (mac. Őrségi Nemzeti Park) — Macarıstanın qərb hissəsində yerləşən milli park. Qoruq ölkənin Qərbi Transdunay vilayətində, Vaş rayonu ərazisində yerləşir.

Ümumi məlumat[redaktə | əsas redaktə]

Parkın ümumi sahəsi 44 000 hektardır. 2002-ci ildə əsası qoyulan Erşeg parkı Macarıstanın ən cavan parkı hesab olunur.

Ölkənin ucqar qərbində yerləşən bu parkın ərazisində Raba çayı yerləşir. Çay müəyyən hissədə AvstriyaSloveniya ilə sərhəddən keçir. Park daxilində olan göl öz təmiz suyu ilə məhşurdur. Erşegdə Zala və Kerka çaylarının mənbələri yerləşir. Park yaxınlığında Kermend və Sentqotthard şəhərləri var.

Park öz adını tarixi Erşeg ərazisindən almış. Erşegdə tarixən sərhəd keçidlərinin qoruyucuları yaşamış (mac. Őrség — qvardiya, qaravulçu).

Fauna və florası[redaktə | əsas redaktə]

Park ərazisinin 60 %-ni təbii meşə əraziləri təşkil edir. Meşədə əsasən iynəyarpaqlı ağaclar üstünlük təşkil edir. Qoruqda müxtəlif vəhşi heyvanların populyasiyası qorunub saxlanılıb. Əl dəyilməmiş ərazilərin ekoloji qorunmasına yerli hakimiyyət böyük diqqət göstərir.

Erşeg ərazisində 18 kənd yerləşir. Bu kəndlərdə tarixi Erşeg bölgəsinə xarakterik adət-ənənələr qorunub saxlanılmış. Bölgədə müxtəlif sənətkarlıq sahələri inkişaf etmiş: taxta məyişət əşalarının, alətlərin, mebel hazırlanması, arıçılıq, göbələk yığımı və qurudulması. Saxsı qablar istehsalı müasir zamana kimi qorunub saxlanılmış. Erisentpeter və Velemar qəsəbələrində qədim qot üslubundə inşa edilmiş kilsə qorunub saxlanılıb. Velemerdə yerləşən kilsədə 1378-ci ilə aidi divar yazısı var.

13-16 may arası Erşegdə "Çiçəkləmə günü" folklor bayramı keçirilir. Müxtəlif folklor qrupları şənlik keçirir və böyük gül bazarı təşkil edilir.

2007-ci ildə Avropa turizm forumunun illik keçirdiyi sorğuda Erşeg Gəzinti üçən ən yaxşı yer müsabiqəsinin qalibi olmuş.

Mənbə[redaktə | əsas redaktə]