Erkən mədə xərçəngi proporsiyası effekti fenomeni

Vikipediya, azad ensiklopediya
Jump to navigation Jump to search

"Erkən mədə xərçəngi proporsiyası effekti" fenomeni - onkologiyada ilk dəfə Azərbaycan Tibb Universitetinin Onkologiya kafedrasının əməkdaşı tibb elmləri doktoru, professor Ramiz Bayramov tərəfindən irəli sürülmüşdür. "Erkən mədə xərçəngi proporsiyası effekti" fenomeninə görə mədə xərçənginin erkən mərhələdə (T1 mərhələdə) aşkar edilmə faizi artdıqca T2, T3 və T4 mərhələli rezektabel mədə xərçənginin də radikal cərrahi əməliyyatdan sonrakı proqnozu ayrılıqda yüksəlir. Başqa sözlə, fenomen elmi şəkildə izah edir ki, profilaktik müayinələr (check-up, screening) vasitəsilə mədə xərçənginin erkən mərhələdə aşkar edilmə tezliyini artırmaqla T2, T3 və T4 mərhələli rezektabel mədə xərçəngi olan xəstələrin də radikal cərrahi əməliyyatdan sonrakı yaşama göstəricilərini və sağalma faizlərini yüksəltmək mümkündür.

Fenomenin elmi mahiyyətinin məruzəsi və müzakirəsi üçün t.e.d., professor Ramiz Bayramov qeyd edilən fenomenin müəllifi kimi 2012-ci ilin iyun ayında ESMO-nun təşkilatçılığı ilə İspaniyanın Barselona şəhərində keçirilən Mədə-bağırsaq Xərçəngi üzrə 14-cü Dünya Konqresinə və 2014-cü ilin oktyabr ayında ESSO-nun təşkilatçılığı ilə Böyük Britaniyanın Liverpul şəhərində keçirilən Cərrahi Onkologiyaya dair 34-cü Dünya Konqresinə dəvət edilmiş və adları çəkilən konqreslərdə göstərilən fenomenin ayrı-ayrı aspektlərinin əhəmiyyətinə dair çıxışlar etmişdir.

Fenomen təkcə mədə xərçənginə deyil, yüksək rastgəlmə tezliyi ilə səciyyələnən istənilən xərçəngə şamil edilə bilir. Başqa sözlə, fenomen "erkən xərçəng proporsiyası effekti" fenomeni də adlandırıla bilər.


İstinadlar[redaktə | əsas redaktə]

  1. Ramiz Bayramov, Ramila Abdullayeva. Proportion of early gastric cancer is indirectly correlated with survival after radical surgery for gastric cancer at any resectable stage. Annals of Oncology, 2012; vol 23; suppl 4: P-0019.
  1. Ramiz Bayramov, Ramila Abdullayeva. The impact of proportion of early gastric cancer on survival following radical surgery for T2-4 gastric cancer. How relible factor is it?, European Journal of Surgical Oncology; 2014; Vol 40 (11); S 22-23.