Erlinq Holann

Erlinq Haland
Erling Haaland
Ümumi məlumatlar
Tam adı	Erlinq Braut Haland
Doğum tarixi	21 iyul 2000(2000-07-21) (24 yaş)
Doğum yeri	Lids, Birləşmiş Krallıq
Vətəndaşlığı	Norveç
Boyu	1.94
Çəkisi	87 kq
Mövqeyi	Hücumçu
Əsas ayağı	Sol
Klub haqqında məlumat
Klub	Mançester Siti
Nömrəsi	9
Karyerası
Gənclik karyerası 2005—2015 Brune Klub karyerası 2015—2016 Brune 2 14 (18) 2016 Brune 16 (0) 2017 Molde 2 4 (2) 2017—2018 Molde 39 (14) 2019—2020 Red Bull Salzburg 16 (17) 2020—2022 Borussia Dortmund 67 (62) 2022—h.h Mançester Siti 69 (70) Milli yığma 2015—2016 Norveç U-15 4 (4) 2016 Norveç U-16 17 (1) 2017 Norveç U-17 5 (2) 2017—2018 Norveç U-18 6 (6) 2018 Norveç U-19 6 (6) 2019 Norveç U-20 5 (11) 2018 Norveç U-21 3 (0) 2019—h.h. Norveç 33 (31)
Vikianbarda əlaqəli mediafayllar

Erlinq Holann (21 iyul 2000, Lids, Birləşmiş Krallıq) — Premyer Liqada çıxış edən "Mançester Siti" və Norveç milli komandasında hücumçu kimi oynayan norveçli peşəkar futbolçu. Dünyanın ən yaxşı oyunçularından biri hesab edilən Holann sürəti, gücü, mövqe tutması və cərimə meydançasında finişi ilə tanınır. Holann Premyer Liqada debüt etdiyi mövsümdə 36 qol ataraq bir oyunçunun bir mövsümdə vurduğu ən çox qol rekordunu qırıb.

Holann karyerasına Norveçin "Brune" və "Molde" klubları ilə başlayıb. O, 2019-cu ilin yanvarında Avstriyaya köçərək "Red Bull Salzburg" klubuna qoşulub. Bu klubdakı çıxışları ona Bundesliqada çıxış edən "Borussia Dortmund" klubuna keçid qazandırıb. 2022-ci ilin yayında o, 60 milyon avro (£51,2 milyon) qarşılığında "Mançester Siti" klubuna tranfer edilib. O, həmin il bütün yarışlarda atmış olduğu 52 qol ilə ən çox qol vuran Premyer Liqa oyunçusu olmuşdur. Holan həmçinin Liqanın "gənc oyunçusu" və "mövsümün oyunçusu" seçilib və eyni ildə hər iki mükafatı qazanan ilk oyunçu olub.

Holann karyerası boyu bir neçə fərdi mükafat qazanıb və müxtəlif rekordlar qırıb. O, 2020-ci ildə Qızıl oğlan mükafatına layiq görülmüş, 2021-ci ildə isə Bundesliqada "mövsümün oyunçusu" seçilmişdir. O, həmçinin bir mövsümdə vurulmuş ən çox qol, iki, üç, dörd və beş het-trik vurmuş ən sürətli şəxs və liqa tarixində ardıcıl üç ev oyununda het-trik etmiş ilk şəxs də daxil olmaqla çoxsaylı Premyer Liqa rekordu qırıb. Holann 2023-cü ildə qol sayındakı uğuruna görə Premyer Liqan Qızıl Butsu, Avropa Qızıl Ayaqqabısı və Gerd Müller Kubokunu qazanıb. Elə həmin il o həm də UEFA-nın "İlin kişi oyunçusu" və İFFHS-in "dünyanın ən yaxşı oyunçusu" adlarına layiq görülüb və Qızıl topun ikincisi olub.

Holann Norveçi müxtəlif gənclər səviyyələrində təmsil edib. 2019-cu il FİFA U-20 Dünya Kubokunda o, bir matçda rekord sayda, doqquz qol vuraraq turnirin Qızıl butsunu qazanıb. Holann Norveç millisində 2019-cu ilin sentyabrında debüt edib və hazırda ölkənin bütün zamanlarda ən çox qol vurmuş ikinci oyunçusudur.

Klub karyerası

Brune

Haland Brune akademiyası vasitəsilə inkişaf etmişdir. Haland öz peşəkar karyerasında debütünü 12 may 2016-cı ildə Ranheym klubuna qarşı oyunda etmişdir. O, 69-cu dəqiqədə Robert Undheymi əvəz etmişdir. Həmin görüşdə Brune liqa görüşündə rəqibinə 1–0 hesabı ilə məğlub olmuşdur.

Molde

Haland 1 fevral 2017-ci ildə Molde klubuna transfer olmuşdur. Haland klub ilə debütünü 4 iyun 2017-ci ildə Sarpsburq klubuna qarşı oyunda etmişdir. O, 71-ci dəqiqədə Fredrik Brustadı əvəz etmişdir. Həmin görüşdə Molde liqa görüşündə rəqibinə 1–0 hesabı ilə məğlub olmuşdur.

Milli karyerası

2017-ci ildə Haland Norveçin gənclərdən ibarət milli komandası ilə Xorvatiyada keçirilən UEFA Avropa U-17 Çempionatında iştirak etmişdir. Turnirdə Haland İngiltərə, Niderland, Ukrayna milli komandalarına qarşı oyunlarda meydana çıxmışdır.

Karyera statistikası

Klub

18 İyun 2017 tarixində yenilənib

Klub	Mövsüm	Liqa			Ölkə Kuboku		Kontinental1		Digər2		Ümumi
		Diviziya	Oyun	Qol	Oyun	Qol	Oyun	Qol	Oyun	Qol	Oyun	Qol
Brune	Eliteserien	2016–17	16	0	0	0	0	0	0	0	16	0
Molde	Eliteserien	2016–17	1	0	0	0	0	0	0	0	1	0
Ümumi karyera			17	0	0	0	0	0	0	0	17	0

¹UEFA Çempionlar Liqası görüşləri daxildir.

²Norveç Superkuboku görüşləri daxildir.