Erna Solberg

Erna Solberg
Erna Solberg
	norv. Erna Solberg
Şəxsi məlumatlar
Doğum tarixi	24 fevral 1961[…] (65 yaş)
Doğum yeri	Bergen;
Təhsili	Bergen Universiteti (1988-ci ilədək);
Fəaliyyəti	siyasətçi
Uşağı	3
Dini	xristianlıq
Təltifləri
	erna.no
	Vikianbarda əlaqəli mediafayllar

Erna Solberg (24 fevral 1961^[1]^[2]^[…], Bergen^[1]) — O, 2021–2025-ci illərdə Müxalifətin lideri vəzifəsini icra etmişdir. Daha sonra 2013-cü ildən 2021-ci ilə qədər Norveçin baş naziri olmuş, həmçinin 2004-cü ildən 2026-cı ilə qədər Mühafizəkarlar Partiyasının sədri kimi fəaliyyət göstərmişdir. Solberg ilk dəfə 1989-cu ildə Norveç parlamentinə — Stortinqə seçilmişdir. 2001–2005-ci illərdə Bondevikin ikinci kabinetində Yerli İdarəetmə və Regional İnkişaf naziri vəzifəsində çalışmışdır. Onun bu vəzifədə fəaliyyəti dövründə Norveçin inzibati bölgü sisteminin islahatı ilə bağlı təklif olunan dəyişikliklərin hazırlanması həyata keçirilmişdir. 2005-ci il seçkilərindən sonra o, 2013-cü ilə qədər Mühafizəkarlar Partiyasının parlament fraksiyasına rəhbərlik etmişdir. Solberg eyni zamanda partiyanın daha praqmatik mövqe tutmasına da töhfə vermişdir. 2013-cü il parlament seçkilərindən sonra Solberg Norveçin tarixində Gro Harlem Brundtlanddan sonra ikinci qadın baş nazir olmuşdur. Solberg hökuməti 2017-ci ildə yenidən seçilmiş və sonradan genişlənərək 2018-ci ildə Liberal Partiyanı, 2019-cu ildə isə Xristian Demokrat Partiyasını rəsmi şəkildə koalisiyaya daxil etmişdir və bununla parlament çoxluğunu təmin etmişdir. 2018-ci ildə Solberg Norveç tarixində Mühafizəkarlar Partiyasından ən uzun müddət xidmət edən baş nazir olmuşdur. 2021-ci il seçkilərindən sonra onun hökuməti parlament çoxluğunu itirmiş və Solberg istefa verərək yenidən Müxalifətin lideri vəzifəsinə qayıtmışdır.

Həyatı və təhsili

Erna Solberg 24 fevral 1961-ci ildə Norveçin qərbində yerləşən Bergen şəhərində anadan olmuş və şəhərin varlı Kalfaret məhəlləsində böyümüşdür. Atası Asbjørn Solberg (1926–1989) Bergen Sporvei şirkətində məsləhətçi kimi çalışmış, anası Inger Wenche Torgersen (1928–2016) isə ofis işçisi olmuşdur. Onun iki bacısı var. Solberg məktəb illərində çətinliklərlə üzləşmiş və 16 yaşında ona disleksiya diaqnozu qoyulmuşdur. Buna baxmayaraq, o, dərslərində fəal olmuşdur. 1979-cu ildə orta məktəbin sonuncu sinfində oxuyarkən Norveç Məktəb Şagirdləri İttifaqının idarə heyətinə seçilmiş və həmin il Operasjon Dagsverk tədbirinə rəhbərlik etmişdir. 1986-cı ildə o, Bergen Universitetini sosiologiya, siyasi elmlər, statistika və iqtisadiyyat ixtisasları üzrə bitirmişdir . Universitetdə sonuncu kursda oxuyarkən Bergen şəhərində Mühafizəkarlar Partiyasının Tələbələr Liqasına rəhbərlik etmişdir. 1996-cı ildən etibarən Solberg iş adamı və Mühafizəkarlar Partiyasının keçmiş siyasətçisi Sindre Finnes ilə evlidir və onların iki övladı var.

İstinadlar

1 2 3 4 https://stortinget.no/no/Representanter-og-komiteer/Representantene/Representantfordeling/Representant/?perid=ES.
1 2 Erna Solberg // Brockhaus Enzyklopädie (alm.). F.A. Brockhaus, 1796.
↑ Erna Solberg blir 60 år og feirer sølvbryllup: - Det gjelder å være en mor som ikke detaljstyrer barna (норв.). / red. (not translated to no) 2021.

[_e5d72495521fd4cd-1] 1 2 3 4 https://stortinget.no/no/Representanter-og-komiteer/Representantene/Representantfordeling/Representant/?perid=ES.

[_18020efe429e6825-2] 1 2 Erna Solberg // Brockhaus Enzyklopädie (alm.). F.A. Brockhaus, 1796.

[_7c49822ebadc73fe-3] Erna Solberg blir 60 år og feirer sølvbryllup: - Det gjelder å være en mor som ikke detaljstyrer barna (норв.). / red. (not translated to no) 2021.

[1]

[2]

[3]