Etilenqlikol

Vikipediya, azad ensiklopediya
Jump to navigation Jump to search

Etilenqlikol-ikiatomlu spirtlərin ən sadə nümayəndəsidir.CnH2n(OH)2 (n≥2).

Etilenqlikol (CH2OH-CH2OH) (etandiol-1,2) - doymuş ikiatomlu spirtlərin ən sadə nümayəndəsidir. Qlikol sırasının ümumi formulu CnH2n(OH)2-dir. Qlikol adı onlara sıranın bir çox üzvünün şirin olduğu üçün verilmişdir (yunanca qlikos - şirin deməkdir).

Fiziki xassələri[redaktə | mənbəni redaktə et]

Şərbətə bənzər, şirin dada malik, rəngsiz, iysiz, zəhərli mayedir. Etilenqlikol 197,6ºC-də qaynayır, suda , etanolda yaxşı həll olur. İkiatomlu spirtlərdə həm molekullar arası, həm də molekuldaxili hidrogen rabitəsi var. Hiqroskopikdir.

Kimyəvi xassələri[redaktə | mənbəni redaktə et]

Etilenqlikolun kimyəvi xassələri əsas etibarı ilə biratomlu spirtlərin xassələrinə uyğun gəlir. Ancaq reaksiyalar həm bir, həm də iki hidroksil qrupları ilə gedir. belə ki, qələvi metallarla etilenqlikol natamam və tam qlikolyatlar əmələ gətirir.

Tətbiqi[redaktə | mənbəni redaktə et]

Etilenqlikolun suda və spirtdə məhlulları aşağı temperaturda donmadığından qışda avtomobil və aviasiya motorlarının radiatorlarında antifriz adı ilə işlədilir.

İstinadlar[redaktə | mənbəni redaktə et]

Abbasov V.M., Məhərrəmov M.M., Xanlarov T.N.. Kimya qəbul imtahanına hazırlaşan abituriyentlər üçün dərs vəsaiti.